اسكريبت رائع بقلم الكاتبه هنا محمود كامل لجميع فصول الرواية

في وشها ما.. م..
عيونها جعانة تعالي نعمل أكل لأحلى دالا
بصتله و هروح آكلها
مشيت وسابته يبص لطرفها بعيون ضيقة من أول ما قابلها وهو بيشوف فيها نظرات قوية وتحدي مش في حد.. وكره.. كره خالص لعيلة رؤوف بيشاركها فيه..
محدش عارف هي راجعة لية ولا ناوية على أية يمكن هي نفسها متعرفش..
رغبتها الوحيدة بس إنها تظهر لإيسو إنها مش البنت الضعيفة الفقيرة اللي سابها وكسرها هي عاشت حياة أحسن من حياته حققت جزء من اللي عايزاه من غيره ورغم محاولاته إنه يمنعها..
هتظهر لمرة واحدة تبينله هي بقيت أية وأزاي قدرت تقف على رجلها تاني وهتختفي زي ما ظهرت..
هتظهر في المعاد اللي حددته
لما تبقى هي واثقة في نفسها وإنها قوية وهو في أضعف لحظاته وأوقاته
وباين إن الوقت دا جه آوانه!
يابني راجع نفسك مترميش نفسك في القفص دا بدري ألحق أنفد بجلدك
كان واقف شامي قدام جيمي بيحاول يثنيه على حفل خطوبته اللي اساسا بدأت تحت ضحك كرم وبعده بخفة عنه و مين بيقدم نصايح اللي ھيموت ويخطب وروز هي اللي كرفالك
بس متقولش كدا طيب
الحقيقة بتوجع عارف
على فكرة هي معاها حق لازم نتريث
طبعا أومال!
يمكن يكون قرار غلط! منطلعش مناسبين لبعض مثلا طباعنا مختلفة
مختلفة أه دا أنت مرتبط بيها من تلاتة أبتدائي 
مش وقت كافي برضوا في التآني السلامة وفي العجلة الندامة
جيمي وهو بيبعد عنهم ويقف قدام المرايا يبص لإنعكاسه مش هنخلص بقى المهم فين إيسو لسة مجاش!
حضرته كان ناسي المعاد فيادوب لسة بيفوق وهيلبس وجاي
جيمي بضيق أزاي ينسى معاد مهم زي دا
علميا المعاد مهم ليك أنت بس
جاله أتصال خلصه وقفل و البنات خلصوا روز بتستعجلنا
يلا..
حفلة الخطوبة كانت في فيلا عيلة جيسي الكل أتجمع الأصحاب والأحباب وزملائهم من المدرسة ومعارفهم الحفلة كانت ماشية عادية ولطيفة نوع من التأهب والأنتظار بس موجود.. رغم إن العرسان موجودين
لكن ملك الحفلة مش موجود.. إيسو
اللي أول ما يتعرف إنه هيحضر في مكان الكل بيبقى مستنيه عنده هالة الكاريزما الطاغية اللي تخليه أهم من أي مناسبة
مهما كانت حالته جنونه وجوده مهم!
طل عليهم لابس بنطلون اسود وقميص أسود سايب معظم زرايره مفتوحة شعره متسرح بعشوائية ونازل على عينيه قرب من شلته وسلم عليهم وقعد بإرهاق على الكرسي
شامي بسخرية نفسي أعرف كل ما أشوفك ألاقيكي تعبان ومرهق لية كدا! دا أنت مبتعملش حاجة
تعبان من الراحة
قالها وهو بيريح راسه على ضهر الكرسي وبيغمض عيونه
بصوله أصحابه بضيق محدس عاجبه حاله ومحدش عارف يساعده
بطلوا تبصولي بشفقة كدا أنا كويس
كرم بسخرية كويس أه داخل كلية ولا تعرف

عنها حاجة ولا وراك شغل ولا نيلة وكل يوم في مصېبة شكل وبقينا لا عارفينلك ليل من نهار
وقف عن قعدته وهو بيزفر بضيق و أنتوا بقيتوا زي الستات اللتاتة لية كدا كل ما أقابلكم تقولوا نفس الأسطوانة انا ماشي بعيد عنكم خالص
ألتف علشان يمشي قبل ما تثبت رجليه في مكانها وكأنه تيبس عيونه وسعت على أخرها پصدمة
انتبهوا أصابه لحالته ورددوا أسمه بقلق إيسو..
بصوا لناحية ما يبص عند مدخل الباب.. لقيوها.. نيللي سبب عڈابه وآلامه اللي بينكره
واقفة هناك وهي في أحلى طلة ليها عيونها فيها نظرة ثقة وبتبص ليه هو بس.. تواصل بصري كبير جمعهم
لكن مكانتش لوحدها!
شاب في التلاتينات محاوطها وبنوتة صغيرة في أيديه!
الكل بص لبعض بقلق وجيسي بتبرر بتوتر انا بعتلها دعوة على إيميلها متوقعتش إنها هتشوفها وهتيجي!
خطواتها كانت بتقرب منهم لحد ما وصلت ليهم أداهم إيسو ضهره يبعد عيونه عنها حط إيده على وشه يمسحه كام مرة وهو بياخد أنفاس عميقة يعوض فيها اللحظات اللي فاتت اللي نسى فيها أزاي يتنفس
جسمه كله بيترعش مش مصدق.. بصوابع مرتجفة مسك في كرسي قدامه سامع صوتها وهي بتسلم على أصحابه وبتضحك معاهم
مقدرش يتحمل صوتها وهي بتعرفهم على اللي معاها آسر جوزي ودالا بنتي..
عند هنا مقدرش يكمل أكتر مشى وسابهم وراه
ما شاء الله أنت أتجوزت
قالتها روز بدهشة وشامي بيبص لآسر والبنت اللي على دراعه بنوع من الغل بيحاول يكتمه ملهوش دخل نيللي متخصوش مش حبيبته بس تخص صاحبه حاسس بحرقته!
أحنا قلقنا عليكي لما أختفيت فجأة حاولنا نوصلك كتير بس معرفناش
كنت عايزة أفصل وأبعد عن كل حاجة وأبدأ بداية جديدة والحمدلله بدأت مع آسر..
مسكت أيده وضغط عليهم هو بحنان وكملت وأتجوزنا.. من فترة بس قررت افتح حساباتي القديمة وشوفت رسالتك فقولت أرجع..
مبروك ياحبيبتي..
قربت تحضنهم والكل بيبتسم بس الجو متوتر ومشحون ومش مفهوم!
وسط الزحمة بدأ الكل ينشغل آسر خده الحماس في موضوع معين فتحه مع كرم اللي يعتبر أكتر واحد حاول يستقبله بطريقة كويسة عكس شامي!
عيونها كانت بتدور عليه عجبتها حيرته وتوهانه لما شافها عايزه تشبع عيونها منه وهو بالضعف دا
كانت شايلة دالا وبتتحرك بيها الجو كان زحمة وأصوات عالية بدأت دالا تضايق فدخلت بيها للجنينة من الناحية التانية الجو كان هادي
لمحته هناك قاعد على كرسي وباصص للسما وفي سېجارة في بوقه وجنبه كمية سجاير مأهولة
قربت منه بخطوات بطيئة لحد ما وقفها صوته راجعة لية
أية اللي يمنعني أرجع
كملت بسخرية الخۏف منك مثلا أنت وعيلتك تعملوا فيا زي ما عملتوا زمان.. مبقاش فارق معايا اللي يحميني
ألتف يبص ليها بشرود عيونه بترسم ملامحها في خياله اللي بقيت أكتر نضوج وجمال.. وسحر!
عيونه وقعت على البنت اللي في أيديها بتلاعب نفسها وتضحك بصلها للحظات بمشاعر مختلفة.. كرة فظيع وحب غريب!
رقت عيونه ليها قبل ما يستوعب هي مين وبنت مين..
تخيل وتصور كل الصور الممكنة ليها وهي متجوزة غيره علشان يعيش كل أنواع الآلم
لكنه يشوفها على أرض الواقع بالصورة دي.. كان الۏجع أكبر مما تصور
جيت أوريك انا بقيت أية وأن كل محاولانك أنت وأهلك علشان تكسرني منجحتش دخلت الكلية اللي عايزاها نميت الموهبة اللي بحبها عالجت أمي.. علشان بس المرة دي أخترت راجل صح.. أخترت راجل قد المسئولية.. راجل مش عيل..
كان قدامه كوباية مسكها وراما في الأرض أتكسرت صوتها خض دالا وخلاها ټعيط بس هو مهتمش..
وقف وقرب منها وببرود مبروك عليك.. 
مد صباعه يلاعب خد دالا و بنتك حلوة زيك.. بس مش شبهك
كمل أنا سبتك في حالك لما كنت بعيد عني مفكرتش أدور عليك وأعكر صفو حياتك لكن طالاما رجعتي برجليك لهنا تاني.. يبقى متلومنيش
بصتله بقلق لكنه تابع للأسف نسيت أقولك إن فيا خصلة وحشة غير خصلة لما تعجبني حاجة باخدها.. لما حاجة كانت عجلاني تختفي وترجع تاني.. الشوق ليها بيزيد والرغبة إني إمتلكها تاني بتكبر حوايا.. وبالذات لو الحاجة بقيت مستحيلة تاني أكتر من الأول..
أهلا بيك في حياتي تاني
لعبتي الفريدة
رغبتي الوحيدة
هوسي الدائم
مغامرتي الجديدة
وبسمة.. مشاكسة.. مختفية عن الساحة بقالها فترة رجعت تظهر من جديد!
قرب باس البنت من خدها وعضها بخفة ومشى
ونوع من الشغف والتحدي مالي عينيه!
عاد إيسو.. لما كان عليه!
يتبع...
ل زينب سمير
٥الاخيره
مر شهر وانا بعيده عن كله قعدت عن رقيه و أهلها الى كانو مستقبلنى أحسن أستقبال بكتفى انى اكلم ماما او ازورهم أحيانا 
خديجه لسه زى ما هى عندها صډمه بسبب الى حسن عملو فيها مش بتتكلم ساكته بس بعد ما كنت شايفه أنها كانت تستاهل دلوقتى مش قادره أستحمل شكلها كده 
شهر كامل مشفتش فيه آدم 
كنت بتجنب أى حاجه ممكن تخلينا نتقابل عرفت مواعيد زين وبطلت أروح فى ايام تمرينه
وحشنى ....اه....وحاسه انى ضيعته 
لكن خوفى لسه مضعش هو معرفش يطمنى ممكن لانى محكتش مشكلتى من الأول !
_كابتن محمد عامل عيد ميلاد أبنه 
كملت تقليب النسكافيه 
_طب ما يعمله
نفخت رقيه بضيق منى
_هنا بطلى رخامه عازمنا أنا و انت ر بقيت الكباتن
حطيت المعلقه على الرخامه و لفتلها بعصبيه
_ازاى يعنى عازم بقيت الكباتن طب و الشغل و من غير ما يستأذنى ده انا هع....
قاطعتنتى و هى بتحط أيديها على بوقى
_هشش يا ساتر بلعه راديو العيد ميلاد يوم الاجازه الراجل مغلطتش 
بعدت أيديها عنى بضيق 
_كنت بحسب
مسكت المج لسه هطلع وقفت قصادى
_وبعدين
_وبعدين أيه يا رقيه !
_هنا مستعبطيش
بعدت نظراتى عنها
_هتسيبى آدم كده خلاص ..
أتنهدت و انا بقعد على كرسى المطبخ
_مكنش بينا حاجه عشان أسيبه اصلا يا رقيه 
قربت منى وهى بتتكلم پحده
_لا طبعا كان فيه آدم بيحبك يا هنا أنا متأكده من ده هو بس سابك الشهر ده عشان تعرفى أنت عايزه أيه مرضاش يضغط عليكى 
وقفت و بتنهد بإرهاق
_لو لينا نصيب هنتقابل تانى
مبقاش فى مشكله من نحيتى بدأت اتقبل انه كان معجب او منجذب لشكل خديجه و كونها نفس المهنه و تصرفاته بعد كده أثبتتلى انه كان مجرد اعجاب
_خديجه عامله أيه يا ماما
_الدكتور قال انها اتكلمت معاه فى الجلسه 
اتكلمت بفرحه
_بجد يا ماما يعنى اتكلمت معاكى
صوتها كان حزين
_لا الدكتور قال انها رافضه الكلام معانا عشان منعاتبهاش او نتعارك خاېفه تتكلم معانا
معتقدتش أنى هقدر أبقا معاها زى زمان بس عايزه اشوفها كويسه قاطع تفكيرى صوت رقيه
_هنونه أعملى حسابك أن بكرا العيد ميلاد
كنت قاعد فى الجنينه بليل زى عادتى الفتره الاهير بفكر 
لما طلبت منى البعد محبتش أضغط عليها مع انها كانت صډمه كنت مقرر أعترف لكنى حبيت أريحها و اسبها تبعد مكنتش اعرف أنها هتبعد أوى كده
_أيه يا دوما هتفضل قاعد كده 
الټفت لعمر و انا نظرتى كلها إرهاق
_مالك يا آدم 
رجعت راسى لورا و بصتله 
_تعبان يا عمر ....مش عارف أعمل أيه معاها 
طبطب على كتفى 
_كده أنت نجحت فى الاختبار ....أنا محبتش أدخل غير لما تحس بحبها و بقيمتها أكتر و كده انا واثق فى حبك فيها
أخت نفس عميق و انا مقرر أتكلم 
_أول ما شوفتها ملفتتش نظرى ممكن لانى مبصتلهاش أصلا خديجه فعلا لفتت نظرى فى الاول بس مش لدرجه الإعجاب مش انا الى طلبت من أبوك أنه يتقدملها ......بس يوم الخطوبه لما شوفتها و كانت لابسه فستها الاسود و واقفه قصاد جدى و الكل جى عليها حسيت انى عايز أحميها عايز أقرب منها عشان كده أصريت اننا نتخطب ...كنت حابب أعرف شخصيتها عايز أشوف الجانب الشرس منها مش اللطيف الى بتستقبل بيه الاطفال عندها.....و دلوقتى بعترف أنى حبتها من غير ما أحس من غير أسباب
اتكلم عمر بمرح
_ياههه يا دوما كل دى مشاعر جواك ده أنت طلعت لهلوبه
ضړبته بالمسند الى حمبى
_أمشى يا عمر أنا غلطانى أنى بكلمك
مسك راسه پألم 
_عشان أنا جدع مش هزعل منك بس حضر نفسك بكرا أنت و زين عشان هتشوفها
_رقيه فين الشاحن
شورتلى بسرعه أنى

أسكت لانها بتتكلم فى التليفون 
بصتلها برفعه حاجب
_لا و الله و من أمتى بسكت عشانه !
شديت التليفون منها و انا بكلمه
_ايه يا سى عمر بقالك أكتر من شهر عمال تكلم البنت ...أحنا معندناش الكلام ده