قصه كاملة للكاتب محمود الأمين (أخطاء ممېته)
المحتويات
كان فيه مشاكل ولا هم ولا عفاريت
لما وصلت الحارة لقيت ترحيب كبير من الجيران والكل بيقولي أرجع الحارة تاني.. فكرت وقولت ليه مرجعش بس مفكرتش كتير ولقيت نفسي رايح على الجامع عشان اقابل الشيخ وليد
دخلت الجامع ولقيته كعادته قاعد بيقرأ قرآن.. سلمت عليه وقلي
_ خطوة عزيزة يا اشرف يبني.. والله أصيل أنا قولت أنك روحت هناك وهتنسانا
_ تعيش يبني طول عمرك أبن أصول... بس انت مش عاجبني باين عليك التعب والارهاق.. مالك
_ والله يا عم الشيخ أنا جايلك وتعبان.. تعبان اوى
_ خير يبني أحكيلي وكل حاجة ليها حل
وحكيت للشيخ وليد كل حاجه من يوم ما دخلنا البيت لحد دلوقتي.. الشيخ وليد كان بيسمع باهتمام وبعدها اخد نفس وقال
عمار المكان موجودين معانا في كل بيوتنا فيهم الطيب وفيهم الخبيث
واللي انت بتحكي عنهم دول عايشين في البيت من فترة كبيرة وانتوا جيتوا عليهم فهما بيحولوا يطفشوكوا بس.. لكن دي فترة وهتعدي وهما هيبطلوا
_ يعني انت عايز تقنعني يا عم الشيخ ان الجن بيهزروا معايا.. ده اسمه كلام ده هو في كده!
_انا مش عاوزك تقرالي في البيت انا عايز حل
_ انت معندكش مشكلة اصلا يبني.. قولتلك انها فترة تعايش مع الوضع وكل حاجه هتنتهي
خرجت من عند الشيخ وليد وانا مش مستفيد اي حاجه زي ما روحت زي ما جيت.. كنت مخڼوق ومدايق ومش عايز ارجع البيت ده... لقيت رجليا وخداني علي المقاپر عاوز ازور قبر أبويا وأمي الله يرحمهم
وبقولهم انا تعبان ومحتاجلكم سبتوني لوحدي ليه
في الوقت ده سمعت صوت بيرد عليا وبيقولي
_ مالك بس يا استاذ اشرف حزين كده ليه.. الاعمار بيدي الله
كان اللي بيتكلم ده السيد او تقدر تقول عليه شيطان الانس.. لقيت نفسي من غير وعي بحكيله علي كل حاجه
_ بس كده هو ده اللي مديقك.. محلولة سهلة وبسيطة بعون الله
_ ازاي... مش فاهم
_ طلسم الطرد هو الحل هينضف بيتك من كل جن خبيث ويحميك من الشياطين
_ بس الشيخ وليد قلي ان ده مش جن خبيث.. وانهم طيبين
_ هههههه... جاهل فاكر نفسه عالم وشيخ وهو ولا يعرف حاجه.. انا هجيب الكتاب من البيت وهحصلك اديني العنوان
حسيت ان البيت هيوقع علينا.. السيد اتكلم وقلي اسكت هما خلاص خرجوا ومش هيرجعوا تاني
حسيت اني ارتحت وقولت الحمدلله هعيش في هدوء وأمان.. بس كنت غلطان بعد ما السيد مشي روحت جبت مراتي وعيالي ورجعنا البيت
اقدر اقولك ان الوضع اتحسن والامور هديت لمدة أسبوع لكن بعد الاسبوع وفي يوم عادي جدا كنت نايم وصحيت علي صوت غريب اجش كان بيقولي
امشوا من هنا... امشوا من هنا
فتحت عينيا ودققت النظر عشان اشوف أكتر منظر مرعب شوفته في حياتي.. راجل طويل جدا عنده قرون في راسه مدببة عينيه جمرتين من ڼار جهنم.. وصړخ صړخة طالعة من الچحيم.. سمعت مراتي بتصرخ قومت من السرير ناطط علي بره.. لقيت مراتي قاعدة على الأرض وبتتنفض لما سألتها قلتلي
_ شوفت شعرها منكوش وشها كله ډم وكانت عاوزة تقتلني يا اشرف.. عاوزة تقتلني
في اللحظة دي سمعت صوت بنتي بتتكلم مع حد في اوضتها.. اتحركت علي اوضتها بحذر فتحت الباب وكانت الصدمة...
الجزءالثالث
اول ما دخلت الاوضه جاني ذهول من اللي شوفته وكل اللي فات مش هياجي حاجه في انك تشوف نسخة منك قاعدة قدامك
أيوة بالظبط شبيه ليا قاعد مع بنتي بس الفرق ان نص وشه كان مشوه... اول ما دخلت الاوضه هو بصلي وأبتسم وأختفي في لمح البصر
جريت علي بنتي أخدتها في حضڼي وطبطبت عليها وقولتلها
_ مالك يا سلمي يا حببيتي
متابعة القراءة
