طلقها لأنها لا تنجب.. حكايات منــال عـلـي

الجزء الثاني
في الناحية التانية من الخط، الحاجة فاطمة فضلت ساكتة شوية.
وبعدين قالت بصوت مبحوح
طب تعالي عندي يا بنتي. ماتقعديش لوحدك في الظروف دي.
منة بصت حواليها.
للحيطة.
للستارة البيج القديمة.
للكرسي اللي كريم كان بيقعد عليه كل يوم وهو بيتفرج على الماتش.
وحست إن البيت كله بقى غريب عنها فجأة.
هفكر يا أمي.
ماتفكريش كتير. الست وهي حامل محتاجة حد جنبها.
بعد ما قفلت معاها، قعدت على الكنبة وسندت راسها لورا.
أول مرة من سنين ميبقاش عندها موعد تحليل.
ولا حقنة.
ولا أمل معلّق على رقم.
كل حاجة حصلت بالفعل.
المعجزة اللي استنتها سنين...
جات بعد ما كل حاجة وقعت.
عدى أسبوع.
وبعدين أسبوع تاني.
وأخبار حمل نرمين كانت مالية السوشيال ميديا.
صور هدايا.
صور ورد.
صور كريم وهو حاطط إيده على بطنها وبيضحك.
كل شوية حد يبعت لمنة صورة أو سكرين شوت.
في الأول كانت بتتضايق.
بعد كده بطلت تفتح.
وأخيرًا بطلت تهتم.
لأنها كانت مشغولة بحاجة أهم.
كل يوم كانت تصحى مرهقة بشكل غريب.
دوخة.
غثيان.
ونعاس.
الدكتورة قالت لها
طبيعي جدًا. جسمك شايل حمل تلاتة.
يعني التعب ده هيزيد؟
للأسف آه.
ضحكت منة وقالت
الحمد لله.
الدكتورة بصتلها باستغراب.
معظم الستات كانت بتشتكي.
لكن منة كانت بتحمد ربنا على كل ۏجع.
كأن كل تعب بيأكد لها إنهم موجودين.
إنهم حقيقيين.
بعد شهر تقريبًا...
جرس الباب رن.
كانت الساعة داخلة على عشرة بالليل.
منة فتحت.
واتجمدت مكانها.
كريم.
واقف قدام الباب.
لابس قميص أزرق وشكله مرهق.
وشه كان شاحب بشكل غريب.
خير؟
سألته ببرود.
اتردد شوية.
ممكن أدخل؟
لا.
واضحة وصريحة.
لا.
كريم بلع ريقه.
بس عايز أتكلم.
نتكلم هنا.
فضل واقف ثواني.
وبعدين قال
عرفت.
منة قلبها دق مرة واحدة.
عرفت إيه؟
الحمل.
سكتت.
مين قالك؟
طنط فاطمة.
غمضت عينيها للحظة.
أكيد أمها مكانتش تقصد.
أكيد فرحتها غلبتها.
كريم أخد نفس طويل.
بجد حامل؟
أيوه.
والدكتورة أكدت؟
أكدت.
سكت ثانية.
وتلاتة؟
أيوه.
المرة دي هو اللي سكت.
طويل.