جوزي ألّف فيلم هندي! .. بقلم منــال عـلـي

ينزل الشارع في عز الضهر!
نرمين كانت واقفة صنم.. مفيش ولا كلمة دخلت دماغها من الفيلم ده.
اتثبّتوا يعني؟ قالتها بهدوء يرعب بمطوة؟ في الحارة اللي فيها كاميرا السوبر ماركت وكاميرتين بتوع البنك؟
أيوه! رامي رد بسرعة دول أكيد صايعين وعارفين الزوايا اللي الكاميرات مابتجيبهاش!
حلو أوي..
مدت إيدها في جيب البنطلون وطلعت موبايلها
الساعة كام حصل الكلام ده؟
إيه؟ رامي سأل وهو بيترعش. بقلم منال علي
بقولك الساعة كام يا رامي؟ أنا هكلم النجدة حالاً.. دي سړقة بمبلغ ضخم، وأكيد هييجوا يفرغوا كاميرات المنطقة كلها، والعيال دي هتتجاب من قفاها في أقل من يوم!
وبدأت تدوس على الأرقام قدامه.. رامي ھجم عليها فجأة عشان يخطف الموبايل
لأ! أوعي تطلبي البوليس!
نرمين شدت إيدها وزقته زقة جابت آخره
إياك تلمسني! قالتها وهي بتبصله بقرف وإيه اللي يمنعني أكلم البوليس؟ اتسرق منك أكتر من اتنين مليون جنيه ومش عايز تبلغ؟! أنت عملت محضر أصلاً؟
لأ.. أصل هما.. قالولي إنهم عارفين بيتي، وقالوا لو روحت القسم ھيقتلوني.. ويقتلوكي إنتِ كمان.. يا نرمين وحياة أغلى حاجة عندك بلاش تبلغي! الفلوس تروح وتيجي.. إنما الروح مفيهاش تعويض!
أنا بقالي سنتين ماجبتش لنفسي جزمة جديدة عشان أوفر كل مليم! وأنت جاي تقولي نعوضهم؟! أنت أصلاً مرتبك أربعين ألف، ونص يومك بتقضيه تلعب ببجي ودبابات على الكمبيوتر!
الست دولت شهقت بعصبية
إزاي تكلميه كده؟! ده بيقبض ويحط المرتب كله في البيت! وكفاية إنه مستحملك أصلاً! دي شقته وإنتِ جاية على الجاهز!
نرمين بصتلها بحدة من غير ما تلف وشها
اكتمي بوقك خالص. أيوه الشقة باسمه، بس كل مسمار وتشطيب فيها، من أول الكهربا لحد الباب اللي إنتِ ساندة عليه دلوقتي، معمول بفلوسي أنا.
ورفعت الموبايل تاني
يا رامي.. دي آخر فرصة ليك. لو مأنطقتش بالحقيقة حالاً، هطلب البوليس.. وساعتها ابقى اشرحلهم إنت ليه بتتبلى على ناس وهميين. اتكلم!
رامي فضل ساكت وعينه رايحة ناحية أمه بړعب. وفجأة موبايله اللي على الكومود هز.. الاسم اللي ظهر كان أحمد أخويا.
نرمين خطفت الموبايل قبل ما يوصله، فتحت السبيكر وقالت
رامي، حسك عينك تنطق.. ألو يا أحمد، رامي في الحمام، أنا نرمين.. في حاجة؟
صوت أحمد جالهم وهو فرحان وبيهلل
ياااه يا نرمين! ألف مبروك! والله رامي طلع جدع وبرّ بوالدته بجد! أمي من الفرحة قاعدة ټعيط وبتحضر الزرع من دلوقتي. أنا لسه خارج من الشهر العقاري وخلصنا ورق بيت الريف كله.. البيعة تمت زي الفل!
الأوضة سكتت سكتة مۏت.. لدرجة إنهم سمعوا صوت حنفية المطبخ وهي بتنقط. رامي غمض عينيه، والست دولت ربعت إيديها وهي مستعدة للردح.
نرمين سألت بصوت مېت
بيت ريف إيه يا أحمد؟
إيه يا بنتي؟ بيت الريف اللي اشتريتوه لماما في الفيوم! رامي سلمني الفلوس امبارح..