بعد ١٥ سنة خدمة… أخدت أول أجازة لنفسي.. بقلم منــال عـلـي

رايقة
ها؟ عملتوا إيه؟
بصلي پصدمة وقال
إنتِ إزاي بتعملي ده كل يوم؟!
ده مستحيل!
ضحكت وقلت
تقريبًا شغلانة بدوام كامل صح؟
سكت.
ومن التلفزيون طلع صوت زومبي پيصرخ.
وهو كمان تنهد بنفس الطريقة
وبعدين قال أخيرًا
أنا آسف بجد آسف.
ومن اليوم ده، حاجات كتير اتغيرت.
كريم اتعلم يعمل ٣ أكلات كويسين نسبيًا
طيب اتنين ونص، عشان المكرونة لسه أوقات بتطلع نية شوية
بقى يعرف الغسالة فين.
ويعني إيه اجتماع أولياء أمور.
وفهم إن سؤال
هنتغدى إيه النهارده؟
مايتقالش إلا لو هو اللي ناوي يطبخ
أما أنا؟
فبقيت أسافر كل ٣ شهور.
مرة لوحدي، ومرة مع صحابي.
ومن غير أي إحساس بالذنب
الأسبوع اللي فات، جارتي أم محمد سألتني پصدمة
بجد بتسيبي العيال مع جوزك وتسافري عادي كده؟!
ابتسمت وقلت
أيوة عادي
ما هو أبوهم مش بيبي سيتر.
طيب ولو حصلت مشكلة؟
هيتعلم
زي ما أنا اتعلمت لما كان بيسيبلي كل حاجة وينزل مشاوير مهمة تنتهي على القهوة مع صحابه لحد الفجر
الست سكتت وفكرت شوية.
وبعد شهر
شفت أم محمد في المطار
طالعة دبي مع صحبتها.
وأهو
واضح إن الدنيا دواره مش دايمًا
بټنتقم
ساعات بس
بتبقى مدرسة صبورة، تفضل تعيدلك الدرس لحد ما تفهمه.
ولو مافهمتش بمزاجك؟
هتدخل كورس مكثف ڠصب عنك
دلوقتي كريم بقى بيتفاخر قدام صحابه إنه بيعرف يضفر شعر ليلى
طيب الضفاير شبه عقد مراكب شوية
بس النية تحسب
امبارح سألني فجأة
هو إنتِ ناوية تسافري قريب؟
أصل يعني أحب أجهز نفسي نفسيًا
ضحكت وقلت
بفكر في دهب في عيد ميلادي
تنهد باستسلام وسأل
كام يوم؟
عشرة
هز راسه وقال
تمام المهم دلوقتي بقيت عارف شنطة الإسعافات فين
ضحكت وبوسته في جبينه، زي طفل شاطر داخل ياخد حقنة
بصراحة
مش المفروض يبقى فيه مادة إجبارية قبل الجواز اسمها
النجاة المنزلية ١٠١؟
إيه رأيكم