خيوط مقطوعة.. بقلم منــال عـلـي

تتعاملش كدة! إنتي غرقانة في الشغل والبيت وهو قاعد قدام التليفزيون وإنتي بتخدميه!
وكان رد هناء أنا عايزة أدلعه.. أنا راحته.. بقلم منال علي
العيال كبروا وكل واحد شق طريقه. أحمد سافر الغردقة يشتغل واستقر هناك مع مراته وعياله، ومراته رفضت تسكن جنب هناء. أما مي، فرفضت الجواز وسافرت ألمانيا تدور على مستقبلها.
بقى عندها عيلة.. بس مفيش حد جنبها غير محمود، اللي فجأة سابها لوحدها.
بقت تقعد قدام الشباك بالساعات، مفيش حد تطبخ له ولا تهتم بيه. كانت بتبعت له رسايل توسل
هي أحسن مني؟ رد عليا.. يا محمود عندك معاد دكتور الأربع الساعة 7.. وصلت؟ رد عليا بالله عليك.
حكت لأحمد في الغردقة، رد ببرود يا ماما إنتوا كبار.. حلوا مشاكلكم سوا.
أما مي فڠضبت جداً يا ماما ده جحد! إنتي ضيعتي عمرك عليه وده جزاتك؟ كان لازم تفوقيه من زمان.. سيبيه، بكرة يرجع يزحف، بس أوعي تسامحيه!
الوقت عدى ومفيش حاجة اتغيرت. هناء مكنش ليها صحاب ولا هوايات، كانت عايشة عشانهم بس. ليلها دموع ووحدة.. لحد ما مي بعتت لها ڤاوتشر سبا هدية.
إيه ده يا بنتي؟
روحي يا ماما دلعي نفسك علشاني.
راحت هناء، ولأول مرة تحس إنها ملكة. اهتمام، مساج، دلع.. في الأول كانت مكسوفة، وبعدين استمتعت بجد. رجعت البيت بصت في المراية وقالت أنا ست.. وحلوة كمان. وست زي دي مينفعش تلبس الهدوم القديمة دي!
لمت كل لبسها القديم ورمته، وقررت تنزل تشتري لبس جديد مهما كلفها. وفجأة استوعبت حاجة.. بقالها شهرين من غيره، ومع ذلك الفلوس في المحفظة أكتر!
فتحت كشكول المصاريف لقت قسط عربية محمود، عدة صيد، بنزين، كروت شحن.. كله كان رايح عليه!
وهي لما كانت تطلب فستان يقولها عندك لبس كتير، جزمة؟ في أرخص، كريم؟ هو ده دهب؟.
بدأت تهتم بنفسها، والكل لاحظ التغيير وبقت تجيلها مجاملات من كل حتة. وفي يوم، رجعت البيت لقت النور قايد.. فكرت إنه محمود وحست بضيق، بس لقت المفاجأة أحمدوعياله ومراته في البيت! بقلم منال علي
بكت من الفرحة وهي بتحضن أحفادها. وبالليل أحمد قعد معاها أنا كلمت بابا.. هو مش هيرجع.
هناء ردت بكل هدوء وثبات أنا كنت ناوية أطلب الطلاق ونقسم الشقة والممتلكات.. مش هستناه. أنا هبدأ حياتي من جديد.
وفعلاً، باعت نصيبها وسافرت لمي في ألمانيا، وهناك فتحت صفحة جديدة، واشتغلت في رعاية الناس في فندق صغير، واتجوزت راجل قدر قيمتها. أما محمود.. فرجع بعد فوات الأوان، يدور على
هناء القديمة اللي كانت بتعمل كل حاجة، بس مالقاش غير ذكريات ست قوية عرفت قيمة نفسها.
تمت