خيوط العنكبوت.. بقلم منــال عـلـي

الغلطانة إني وافقت أعيش دور الشغالة بمرتب في البيت ده عشان أحافظ على شكل جوازة مېتة أصلاً.. بقلم منال علي
أحمد قام وقف وبدأ يزعق أميرة! أنتي إتجننتي؟ إزاي تعلي صوتك على أمي وتقولي الكلام ده؟
أميرة بصت له بكل احتقار، طلعت الموبايل من جيبها وبعتت رسالة سريعة لصاحبتها منى أنا جاية يا منى، ابعتي لي اللوكيشن
أنا مش بس إتجنيت يا أحمد، أنا فوقت... أميرة دخلت الأوضة، جابت شنطة هدومها اللي كانت لسه نصها متلمش من يوم ما جم، ورمت فيها حاجتها بسرعة والاتنين واقفين وراها في حالة ذهول.
إنتي رايحة فين يا بت أنتي؟.. زعقت فوزية وهي بتحاول تمسك دراع أميرة. متوفره على روايات واقتباسات
أميرة نفضت إيدها بقوة رايحة لحياتي يا الشقة الإيجار اللي سبناها؟ أنا لسه مفسختش عقدها، ودفعت إيجار الشهر الجديد من تعبي. كنت فاكرة إني برجع لراجل، بس طلعت برجع ل أحمد ابن أمه.
أحمد وشة اتخطف يعني إيه؟ هتمشي وتسيبي جوزك؟ والناس هتقول إيه؟
الناس تقول اللي تقوله، المهم أنا أقول لنفسي إني بني آدمة مش جارية. والشنطة دي فيها لبسك اللي اشتريتهولك بفلوسي؟ خليهولك، أهو ينفعك وأنت قاعد قدام الكمبيوتر.
أميرة وصلت لباب الشقة، لفت وبصت لفوزية اللي كانت واقفة مصډومة وساندة على السلم
بالمناسبة يا طنط.. الشناكل دي فعلاً هتتكسر، بس مش مهم، أهو تلاقي حاجة تشغلك وتطلعي فيها غلك بدل ما تطلعيها على الناس. بقلم منال علي
رزعت أميرة الباب وراها بكل قوتها، صوت الرزعة سمع في العمارة كلها. نزلت السلم وهي حاسة إن الهوا أخيراً بقى كفاية لنفسها. ركبت تاكسي، وطلعت موبايلها، وعملت بلوك لأحمد وفوزية.
بعد شهرين، أميرة رجعت شقتها في التجمع، بس المرة
دي لوحدها، بمرتبها اللي بقى يكفيها ويفيض لأن مفيش عالة بيسحب طاقتها وفلوسها. أما أحمد، ففضل في أوضته الضلمة في شبرا، بيسمع كل يوم موشح من أمه عن البت اللي كانت عايشة بلقمتهم وهربت، وهو مش عارف يلوم مين.. أمه اللي سيطرت عليه، ولا نفسه اللي ضيعت ست بمليون راجل.