إختيار في أخر دقيقه.. بقلم منــال عـلـي

أنا، يا هي. قدامك دقيقة."
الصمت ساد المطعم كأن الهوا اتسحب منه. أحمد بص للظرف، وبعدين بص لندى اللي قاعدة واثقة في نفسها، وأخيراً بص لليلي اللي كانت بتترعش في صمت.
أحمد مد إيده ومسك الظرف.. ندى ابتسمت بانتصار.
لكنه فجأة، وبحركة قوية، قطع الظرف نصين.. وبعدين أربعة، ورماهم قدامها ببرود:
— "بنتي مش حمل ولا ذكرى قديمة.. بنتي هي حياتي اللي جاية كلها. الغلطة الوحيدة اللي عملتها هنا هي إني فكرت في لحظة إنك ممكن تبقي أم ليها."
وش ندى اتحول من الصدمة لغل رهيب، وقفت وزعقت بصوت عالي لفت انتباه الناس:
— "إنت فاشل! ومحدش هيرضى بيك وإنت شايل الشيلة دي فوق كتافك!"
وسابت المطعم وهي بتخبط بكعبها في الأرض بغل. بقلم منــال عـلـي
أحمد قعد مكانه وهو منهك، لحد ما ليلي شدت كم قميصه براحة وقالت بصوت مكسور:
— "بابا.. هي مشيت عشاني؟ أنا تقيلة عليك؟"
قلب أحمد اتعصر، وقبل ما ينطق، لقى دعاء بتقرب منهم بابتسامة زي الشمس. وطت لمستوى ليلي وقالتلها بحنان:
— "يا مساء الجمال على أحلى أميرة.. عارفة؟ الشيف جوه عامل شوربة لسان عصفور تجنن، مخصوص للبنوتات الشاطرين اللي زيك.. تحبي أجيبلك طبق؟"
ليلي رفعت عينيها بدهشة: "بجد؟"
دعاء غمزتلها: "ومعاه عصير مانجو فريش كمان، لو بابا وافق طبعاً."
أحمد بص لدعاء وابتسم لأول مرة من قلبه: "طبعاً يا فندم، تعيشي."
دعاء بصت لأحمد بتفهم: "وحضرتك؟ أجيبلك قهوة تريح أعصابك؟"
أحمد اتنهد: "يا ريت.. وميّة ساقعة."
الدفا رجع للترابيزة. ليلي أكلت وهي فرحانة ورجعت ترسم.. المرة دي رسمت نفسها وهي ماسكة إيد باباها، وجنبهم "دعاء".
— "مين دي يا ليلي؟" — سألها أحمد.
— "دي إنت وأنا.. وطنط الطيبة دي. شكلها مش بتزعق خالص."
أحمد ضحك من قلبه. ولما جه يدفع الحساب، دعاء حكتله قصتها في ثواني.. إنها عاشت يتيمة وعارفة يعني إيه طفل يحس إنه "زيادة". وقالتله:
— "اللي عملته النهارده يا أستاذ أحمد أنقذ روح بنتك. خليتها تحس إنها أغلى حاجة في الدنيا.. وده بالدنيا كلها."
أحمد دفع الحساب وساب "تبس" كبير، بس وهو بيقوم، لقى دعاء كاتبة كلمة على ظهر الفاتورة:
"أنا إجازتي كل يوم حد.. وفي محل حلواني قريب من هنا عنده أحلى شوكولاتة في مصر وفيه ركن للأطفال. ده مش موعد.. دي مجرد دعوة للسلام بين ناس فاهمين قيمة الحياة بجد."
أحمد خرج وليلي نايمة على كتفه، بص للفاتورة وابتسم.
عرف إن الحب مش دايما سفر وشكليات.. ساعات بيكون في "طبق شوربة دافي" وقلب بني آدم حاسس بغيره.