مغلق للصيانه.. بقلم منــال عـلـي

مالحة! ألا يحق لي أن أرفض طلبهم ولو لمرة واحدة في السنة؟
ماما مكنش قصدها حاجة، هي بس بتحب تكون هي اللي مسيطرة على كل حاجة.
طيب، يبقى تسيطر على مطبخها هي في بيتها.
هاني قفل اللابتوب تاني بتاعه وبصلي بضيق بصي يا هالة، أنا عندي مشاكل في الشغل رهيبه المقاول بوظ المواعيد والعميل بېهدد بقضايا، وأنا هضطر أنزل الموقع نهاية الأسبوع ده عشان ألم الدور. مش ممكن بلاش دراما دلوقتي ونعديها؟
قلت له وأنا بهز راسي مفيش دراما يا هاني، بس أنا كمان عندي جدول، ومحمود عنده مذاكرة، ومفيش حد فينا عنده استعداد يتحول لطباخين في فندق أسبوع كامل.
فتحت جروب العيلة على الواتساب وكتبت يا جماعة، المطبخ عندي مقفول للصيانة الأسبوع ده للأسف. إيه رأيكم نتقابل في كافيه أو مطعم أحسن؟ والحساب عليا، المهم نلم الشمل.
هاني عينيه وسعت من الصدمة إنتِ بتهزري؟ بتعملي إيه؟
بعمل اللي كان لازم أعمله من زمان.
الموبايل مبيطلش رن، واسم ماما منور الشاشة. هاني مد إيده عشان ياخد الموبايل مترديش! إنتِ عايزة تولعي في البيت؟
كنت أسرع منه ورديت أيوة يا ماما، أهلاً بيكي.
صوتها طلع حاد ومستنكر يا هالة! إيه الرسالة دي؟ يعني إيه مطبخ مقفول للصيانة؟ إنتِ اټجننتي؟ إحنا بقالنا غرباء عن بعض؟
رديت بهدوء أعصاب لا يا ماما، فاهمة قصدك. وعشان كدة عايزة نقضي وقت لطيف من غير ما أكون محپوسة في المطبخ طول اليوم وأنا تعبانة، ونعرف نقعد نتكلم ونضحك بدل ما أكون واقفة بصب عصير وبغرف أكل.
هاني! حماتي صړخت في الموبايل، سامع مراتك بتقول إيه؟
هاني قام وأخد اللابتوب بتاعه ودخل أوضة النوم وقفل الباب أنا عندي تقرير لازم أخلصه، اتصرفي إنتِ في الورطة اللي عملتيها.
وقفت في الصالة والبيت هادي فجأة، غير صوت محمود وهو بينادي يا ماما، حليتي المسألة؟
دخلت لمحمود وقعدت جنبه، وأنا بمسح عرق التوتر من على جبيني، لقيت الموبايل بيتهز تاني.. كانت آلاء مرات أخوه.
هالة، إيه اللي بتكتبيه ده؟ ماما بټعيط وبتقول إنك مش عايزانا!
أخدت نفس عميق وكتبت رد واحد للكل أنا عايزة أشوفكم جداً، بس مش عايزة أكون شيف في بيتي. لو حابين، كل واحد يجيب معاه صنف جاهز ونقعد سوا، وأنا عليا المكان والتقديم. غير كدة، المطعم هو الحل الوحيد.
حطيت الموبايل على المكتب، وابتسمت لمحمود تعالى يا بطل، نحل المسألة دي سوا، وبعدين نطلب بيتزا لينا إحنا بس.
الموبايل فضل يتهز ورا بعضه.. رسايل من آلاء ومن خالات هاني، ومن بنات خالاته، كله مستغرب وكله بيسأل إيه اللي حصل؟ هالة جرالها إيه؟
هاني خرج من الأوضة، كان لسه متضايق، بص لي ببرود وقال يا ستي، كدة خربتيها خالص.. أهو الكل بيسأل وبيقولوا إنتِ طردتيهم قبل ما يجوا.
بصيت له بكل هدوء وقلت يا هاني، أنا مش طردهم،