اللعـبه إنتهـت.. بقلم منــال عـلـي

خدتي الشقة دي ببلاش صح؟ ودلوقتي فاكرة إنك تعملي فيها اللي انتي عايزاه؟
قالت الحاجة فايزة وهي بتبص ل منى بنظرة مليانة احتقار.
فضّيلي أوضة هنا أنا هقعد فيها.
بقلم منال علي
كملت وهي بتبص حوالين الشقة بضيق
وبعدين إيه الهوا اللي داخل ده؟ المكان كله ساقع وصوت العربيات عامل دوشة كأننا قاعدين جنب مطار! إزاي بتعرفوا تناموا في القفص الزجاجي ده؟
قعدت بتقل على حافة الشباك الكبير، وبدأت ترتعش تمثيل كأنها في الشارع مش جوه شقة دافية.
منى أخدت نفس طويل عشان تسيطر على أعصابها.
يا طنط، الشبابيك دي عازلة تمامًا. تلات طبقات إزاز. مفيش هوا بيدخل خالص. أنا ووليد كشفنا عليها قبل الشتاء.
الحاجة فايزة لوّت بُقها باستهانة.
إنتي لسه صغيرة دمك سخن. لكن أنا عضمى بيوجعني. وبعدين الموضة الغريبة دي بتاعت الشبابيك من الأرض للسقف دي مالها؟ مفيش ستر ولا دفى. زمان كان في حيطان حيطان بجد. مش إزاز من كل ناحية.
منى سكتت لحظة، ولفّت ناحية ماكينة القهوة حصري على صفحه روايات واقتباسات بدأت تعد في سرها
واحد اتنين تلاتة
لازم تهدى.
دي أم وليد في الآخر حتى لو مش أمه الحقيقية.
تحبي تشربي شاي ولا قهوة يا حاجة فايزة؟
قهوة طبعًا بس مش القرف اللي في الكبسولات ده. قهوة بجد من الكنكة. بس أكيد إنتوا معندكوش حاجة زي كده في الشقق المتشيكة دي. خلاص هاتِ أي حاجة.
بقلم منال علي
الشقة دي كانت حلم بالنسبة ل منى.
شقة واسعة في عمارة جديدة، شبابيك بانوراما بتكشف النيل والمدينة كلها بالليل.
بس الحقيقة إن الشقة دي ماجتش بسهولة
جات بعد مصېبة.
كانت ملك عماد خالها.
عماد كان راجل عايش حياته بطولها وعرضها شغل وتجارة وسفر
بس عمره ما اتجوز.
وكان دايمًا يقول لها وهي صغيرة
لما تكبري يا منى هجيبلك قصر تعيشي فيه زي الأميرات.
وفي الآخر فعلًا جابلها الشقة.
اشترى لنفسه شقة كبيرة فخمة
جددها بالكامل
وعاش فيها شهر واحد بس.
وبعدها حصل الحاډث.
تريلا دخلت عليه في الطريق
وماټ في ساعتها.
بعد ۏفاته اكتشفوا الوصية في الخزنة.
ساب كل حاجة ل منى لأنها أقرب حد ليه في الدنيا.
في الأول منى ماقدرتش تعيش في الشقة.
كانت حاسة إنها بتاخد مكان حد تاني.
لكن بعد ما اتجوزت وليد
جابته يعيش معاها هناك.
وليد كان راجل بسيط بيشتغل نجار أبواب.
بس شغله كان متقن جدًا.
أول مرة دخل الشقة وقف قدام الشبابيك الكبيرة وبص للمدينة.
وقال ببساطة
المفصلات دي كويسة الشبابيك دي تعيش سنين.
ماانبهرش بالشقة
ولا حس بالنقص.
اتعامل معاها كأنها بيت عادي.
وده كان أكتر حاجة خلت منى تحبه.
الهدوء ده كله انتهى
أول ما الست فايزة دخلت البيت.
قبلها بأسبوع كلمت وليد في التليفون بصوت ضعيف.
يا ابني الضغط تعبني وصوت العربيات تحت شقتي مش مخليني أعرف أنام. ممكن أجي أقعد عندكم يومين بس لحد ما أعمل التحاليل؟
منى من جواها رفضت الفكرة.
خبرتها مع الناس قالت لها حاجة واحدة
اللي بيقول يومين
يقصد شهر.
لكن وليد بص لها