الـعزومه و كـشف الـمستور بقلم منــال عـلـي

تعبها وهي بتربي بنتين لوحدها. وفجأة سأل أبويا وهو بيصب الشاي
فاكرة يا ليلى لما كنتي عايزة تطلعي مهندسة معمارية وأنتي صغيرة؟
اټصدمت إنه فاكر. لما كان عندي 10 سنين كنت مهووسة برسم الكباري والبيوت.
قلت فاكرة.. بس دخلت آي تي.. عملي أكتر.
قال بهدوء العملي كويس، بس مفيش أغلى من الحلم، حتى لو معجبش الناس.
ريهام قاطعت الكلام ليلى كانت بتحلم فعلاً، بس ماما فوقتها بسرعة! لازم الواحد يكون واقعي.
أمي أيدتها طبعاً.. لازم رجليكي تبقى على الأرض.
أبويا سكت، بس ملامحه اتشدت. سألته عشان أغير الموضوع احكيلنا عن شغلك.
عينه لمعت بنبني كومباوندات صديقة للبيئة.. بدأنا ببيت صغير، ودلوقتي معانا 3 مشاريع ضخمة.
ريهام علقت بس أكيد الأسعار دي للطبقة اللي فوق قوي، مش أي حد يقدر عليها.
هز راسه حالياً آه، بس المستقبل ليها. الناس زهقت من زحمة الخرسانة وعايزين طبيعة.
أمي كانت بتسمع بشك، وكأنها لسه شايفة كلامه أحلام يقظة. وبعدين سألت بحذر
أنت اتجوزت هناك؟
أجاب لا. بعد الطلاق اتفرغت للشغل.. وللبنات اللي كان لازم أدعمهم مادياً.. وبص لي أنا وريهام. مكنش فيه وقت لحياة شخصية.
قلت بدهشة كنت بتبعت لنا فلوس؟ أنا كنت فاكرة إننا عايشين بمرتب ماما بس!
أمي كادت تشرق في الشاي، وريهام اتجمدت وهي بتاكل.
تمتمت أمي طبعاً والدكم كان بيساعد.. بيبعت لمصاريف الدراسة واللبس..
صحح أبويا بهدوء كنت ببعت كل شهر. ومشور بس مصاريف. قبل 3 سنين مثلاً، حولت مبلغ كبير عشان كل واحدة منكم تشتري شقة تمليك.
حسيت الدنيا بتلف بيا. همست شقة؟
أيوه. شقة لكل واحدة. قلت البنات كبروا ولازم كل واحدة يكون ليها بيتها.
بصيت لريهام.. كانت شاحبة وبتنظر في طبقها.
قلت بهدوء ريهام.. أنتي مش قلتي إنك مأجرة في المهندسين؟
مردتش.
ريهام؟.. زعقت بصوت أعلى.
رفعت عينها أخيراً ليلى.. الموضوع معقد..
زقيت الكرسي وقفت إيه اللي معقد؟ المعقد إن بابا بعت فلوس شقتين، وأنتي وأمي قررتوا تخبوا عليا؟ وأنا طالع عيني وبدفع نص مرتبي إيجار عشان الست ريهام تسكن في شقة تمليك في المهندسين بفلوسي وفلوسها؟
أبويا ردد پصدمة شقة في المهندسين؟ أنا كنت باعت تمن شقتين مستورين!
أمي بدأت تبرر يا سامي افهم.. ريهام شغلها في وسط البلد ومحتاجة واجهة، وليلى حالها ماشي في مدينة السلام.
قال ببرود يعني اشتريتوا لريهام شقة أكبر بفلوس البنتين؟
أمي قالت كنا هنساعد ليلى بعدين.
ضحكت بمرارة بعدين؟ بقالي 3 سنين بوفر في اللقمة وأنتم بتقولوا بعدين؟
صړخت بابا بعت المال عشان يتقسم بالعدل!
صوت أبويا جه هادي بس مرعب يا هدى.. فهميني إزاي فلوس شقتين بقوا شقة واحدة؟
أمي بدأت تتلجلج، وأنا حسيت عمري كله بيتهد. سألتها أمي.. الكلام ده صح؟
مبصتش في عيني كان بيبعت.. بس الفلوس مكنتش بتكفي احتياجاتكم..
أبويا وقف فجأة مش بتكفي؟ 1500 يورو كل شهر؟ ده تلت أضعاف متوسط المرتبات!
سألتها بكسرة مصاريف إيه؟ أنا