خـطـه مـرسومـه بقلم منــال عـلـي

مكانه وقال هتاخديه بعد يوم الجمعة.. هبعتلك كل الورق.. عقد الشقة والحساب وكل حاجة.
عقد الشقة!
الحساب!
الورق!
الدنيا اسودت في عيني والبيت بدأ يلف بيا. ضغطت على كيس الشوربة بإيدي لدرجة إن الحواف البلاستيك علمت في صوابعي. ساعتها بس الحقيقة خبطت في وشي زي القلم الموضوع مكنش سوء تفاهم ولا غلطة.. دي كانت خطة مرسومة. سر بمواعيد وورق وفلوس.. حاجات محدش بيخبيها إلا لو كان بيبني حياة جديدة.. من غير الشخص اللي اتجوزه.
حاول يقرب مني وهو فارد إيده وشه قلب في ثانية لوش الضحېة اللي حافظاه يا حبيبتي والله إنتي فاهمة غلط.. ده.. ده كان مقلب كنت بختبر ثقتك فيا معقولة تصدقي إني أعمل فيكي كدة
ضحكت ضحكة قهر مكتومة ضحكة خلت جسمه يتنفض مقلب ده إنت فنان يا أحمد.. بس المقلب بجد هو اللي أنا هعمله فيك دلوقتي. التوكيل اللي إنت فرحان بيه أنا لغيته من شهر!
كڈب كڈبة بيضاء عشان أربكه وفعلا وشه جاب ألوان.. هو ميعرفش إني لغيته ولا لأ بس الشك بدأ ينهش فيه. كملت وأنا بقرب منه وعيني في عينه
والفلوس اللي حولتهم لحسابكم المشترك أنا كلمت البنك وأنا واقفة في الممر وبلغت عن حركة مشپوهة.. الحساب اتجمد يا بطل.
طبعا أنا مكلمتش البنك ولا حاجة بس كان لازم أهزه عشان يطلع كل اللي عنده. وفجأة الوش الهادي المحترم اتمسح تماما وظهر الوش الحقيقي.. وش التعلب اللي كان مستخبي ورا دور العيان.
صوته خشن وبقى مرعب بقى كدة فاكرة نفسك ذكية الورق كله معايا والشقة قانونا بقت نصها ليكي ونصها ليا بالوضع الجديد والفلوس اللي بتقولي عليها دي شقايا وتعبي في البيت ده بقالنا سنين!
رديت عليه بمنتهى البرود شقاك إنت كنت مأنتخ في السرير وأنا اللي بلف في المصالح والشركات عشان أبني البيت ده.. إنت مجرد كومبارس في حياتي ودورك انتهى النهاردة.
مسك دراعي بقوة مش هتمشي من هنا غير لما الورق ده يخلص والجمعة هسافر يعني هسافر!بقلم منال علي في اللحظة دي سمعت خبط رزين على الباب. أحمد اتخض وبص وراه.. أنا كنت مرتبة كل حاجة في الدقائق اللي كنت واقفة فيها بسمعه.
فتحت الباب ببرود ودخل أخويا محمود ومعاه اتنين صحابه.. محمود بص لأحمد نظرة خلت ركب أحمد تخبط في بعضها سمعت إنك تعبان يا جوز أختي جيت أطمن عليك وأوصلك لحد بيت أهلك.. بالهدوم اللي عليك بس.
أحمد حاول يزعق إنتوا بتهجموا على بيتي أنا هطلب البوليس!
طلعت الموبايل وشغلت التسجيل.. صوته وهو بيقول القانون لا يحمي المغفلين ملأ الصالة. قلتله اطلب البوليس يا أحمد.. خليهم يسمعوا خطة الڼصب والسړقة وخليهم يشوفوا المړيض اللي بيجري ورا مراته في الشقة عشان يثبت ملكيته.
وقع في الأرض حرفيا انهار.. التمثلية خلصت والجمعة اللي كان مستنيها عشان يهرب
فيها بقت هي السواد اللي مستنيه.
رميتله شنطة هدوم صغيرة كنت لمېتها في ثواني الجمعة دي يا أحمد مش هتكون في المطار.. الجمعة دي هتكون بتشرح للمحامي بتاعك إزاي هتردلي كل قرش سرقته وإلا التسجيل ده هيكون تريند في النيابة الصبح.
خرج وهو بيجر خيبته والست اللي كانت مستنياه على الخط لما عرفت إن الحنفية اتقفلت ماردتش على مكالماته قدامنا.
قفلت الباب وراه وسندت ضهري عليه.. كنت حاسة بۏجع بس الۏجع ده كان أخف بكتير من ۏجع إني أعيش مغفلة مع واحد بيبيعني ب عقد شقة.