خـطـه مـرسومـه بقلم منــال عـلـي

رجعت البيت بتتسلل في ساعة الراحة بتاعة الشغل قلت أطمن على جوزي اللي نايم عيان. كنت بمشي على طراطيف صوابعي عشان مسمعش صوته بس صوته هو اللي وصلي من الممر.. كان واطي بس فيه لهجة استعجال مريبة نبرة تانية خالص غير الصوت التعبان اللي كان بيمثله قدامي. وفجأة سمعت كلمات مالهاش أي مكان في حياتنا.. قلبي سقط في رجلي. ركبي مكنتش شيلاني والحقيقة بتتكشف قدامي مرة واحدة حادة زي السکينة.. وفي بيتي أنا!
بقلم منال علي
أنا أصلا رجعت البيت في نص اليوم عشان الذنب كان واكلني. أحمد كان عامل فيها مريض جدا بقاله تلات أيام مبيتحركش من السرير ومنقطع عن الشغل.. كحة ووش باهت ودور تمثيل معمول بالملي. كنت بسيبله الميه والكلينكس جنبي وأبعتله رسايل كل شوية أفكره بميعاد الدوا وأجري على مكتبي وأنا حاسة إني زوجة مهملة ومقصرة. عشان كدة قلت أعمل حركة حلوة جبتله شوربة دافية من المطعم اللي بيحبه والقرفة بالجنزبيل بتاعته وقلت أديله بوسة سريعة وأطمن عليه متوفره على روايات واقتباسات ركنت العربية في آخر الشارع زي ما بعمل دايما عشان صوت الركنة ميصحيهوش. البيت كان هادي.. الستائر مقفولة ومفيش أي حركة. دخلت البيت زي الحرامية قالعة الشوز في إيدي وفجأة اتسمرت مكاني لما سمعت صوته.
مبيكحش!
كان في الصالة رايح جاي بزهق. نبرة صوته كانت حادة ومظبوطة كأنه بيحاول يفرمل انفجاره. وقفت في الممر وقلبي بيدق زي الطبلة.. وبسمع.
أحمد قال بصوت واطي ومشدود لأ إنتي مش فاهمة. أنا قلتلك الجدول اللي هنمشي عليه.. مش عايزها تشك في أي حاجة قبل يوم الجمعة.
سندت إيدي على الحيطة عشان مقعش.
الجمعة جدول ومين هي دي أنا المقصودة
صوت ست طلع من سماعة الموبايل الصوت كان مكتوم بس حاد كفاية إنه يشرخ قلبي بطل مماطلة بقى.. إنت وعدتني!
رد أحمد بحدة وهو بيهمس بعمل اللي عليا! بس هي مش غبية.. لو ضغطت زيادة هتبدأ تدور ورايا ولو بدأت تدور...
قاطعته الست بقلة صبر وبعدين هترجع في كلامك أنا مش هستنى للأبد يا أحمد.. أنا عايزة اللي وعدتني بيه.
بلعت ريقي بصعوبة وزوري نشف. كان مدي ضهره للممر شايفاه من فتحة الباب اللي جنب المكتبة.. الموبايل على ودنه وكتافه مشدودة. كان باين عليه إنه زي الفل.. سليم وفايق ونشيط بشكل مشفتهوش منه طول الأسبوع اللي فات قدامي.
قالها أنا حولت الفلوس خلاص.. الموضوع خلص. بس.. سيبيني أنا أخلص الباقي.
الفلوس!
رجلي سابت خالص. إحنا مكنش المفروض يكون معانا مليم زيادة. ده إحنا من ليلتين بس كنا پنتخانق عشان وصل الفيزا وبص في عيني وحلف لي إننا على الحديدة لحد ما مكافأة الشغل بتاعتي تنزل! بقلم منال علي
الست ضحكت ضحكة باردة حولتها فين متمثلش عليا.. أنا عايزة دليل.
أحمد وقف