اسكريبت كامل بقلم الكاتبه هاله احمد

أكتر
= احساس المړيض مش بيحس بيه الطبيب ، غير لما يكون الطبيب هو المړيض ويحس بۏجع المړضي ..ماحدش عارف هو حصله ايه وعايز يخرج ليه وايه المشاكل اللي حصلتله وايه اللي يخليه يسوق بسرعة كبيرة كدة فايعمل حاډثة ، وزي مانتي قولتي ..هو دكتور وأكيد فاهم ..
- بتنهيدة : تمام ..أنا هروح أشوف شغلي أنا بقاا وأتصل علي أهله عشان أبلغهم إنه فاق
= أووك
"" مشينا كل واحد كان رايح يشوف شغله ، لكن افتكرت حاجة فارجعت أسأل زينب عليها ..""

- زينب
= أيوة
- الدكتور المړيض دا اسمه ايه ؟!
= عبدالرحمن ..دكتور عبدالرحمن حسن
- أوووك

"" روحت اتصلت بأهله وبلغتهم إنه فاق وجم بسرعة المستشفي ..، الممرضة اللي كانت معاه في الأوضة روحت سألتها ايه اللي حصل خلاه ېصرخ وبالشكل دا ..وقالتلي إنه لما فاق من الغيبوبة قعد يسأل إيه اللي حصله والممرضة جاوبته وسألها هو في مستشفي ايه ؟! ولما قالتله قعد ېصرخ وكان عايز يخرج من المستشفي ..شغلني جدا إنه ليه مش عايز يقعد في المستشفي دي ..كنت عايزة أعرف ...روحت أشوف شغلي وأشوف الحالات الجديدة اللي اتكلفت بيها ، وبعد شوية جت ممرضة وقالتلي إن عبدالرحمن فاق ..بس كان هادي ، روحتله الأوضة بتاعته وأهله كانوا موجودين وبيتطمنوا عليه وفرحانين إنه فاق ..بكل هدوء رميت السلام عليهم وهو أول ماشافني ملامحه اتغيرت وكان متضايق ..مااهتمتش وشوفت شغلي .. ""

- ضغطك واطي و.....
= مقاطعاً : أنا عارف ..أنا عارف حالتي كويس ، وقادر أكتشف إني ضغطي واطي وإن نبضي ماكنش منتظم وانتظم لما فوقت من الغيبوبة ..أنا قادر أعرف حالتي كويس

"" ماكنتش عاجباني طريقة كلامه خااالص ..بس كنت بدوس علي نفسي ، في النهاية دا شغلي ..""

- بتنهيدة : ومادامك يادكتور عارف حالتك كويس ، عارف برده إن ماكنش ينفع اللي عملته دا ؟! وخروجك من المستشفي خطړ عليك خصوصا إنك لسة ...
= مقاطعاً : قولتلك أنا قادر أعرف اللي عندي كويس ..وأنا عايز أخرج من هنا انهاردة ..أنا مش عايز أقعد في المستشفي دي ، أنا عايز أتنقل من هنا وأروح المستشفي بتاعتي
- ماينفعش تخرج ، ومش هاتخرج من هنا غير لما أنا أكتبلك علي خروج ..ودا مش هيحصل غير لما تتعالج بالكامل
= پغضب : ايه اللي انت....
- مقاطعةً : بص ، تتضايق تعلي صوتك تعمل اللي تعمله ..برده مش هتخرج ، عن اذنك بقاا ورايا شغل
- "" سيبته بسرعة قبل مايعلي صوته تاني ..لكن هو اتكلم ..""

= خلاص مادام مافيهاش خروج ..يبقي تجبيلي دكتور يكون مُشرف عليا غيرك انتي
- پصدمة : نعممممم !!
= اللي انتي سمعتيه ..أنا مش عايزك تشرفي عليا ، مش طايقك

"" اټصدمت من أسلوبه الغير محترم دا ..واستغربت انه رافضني أعالجه ، ليه هو أنا عاملتله ايه ..لكن مش أنا اللي انسحب بسهولة كدة ..""

- المفروض اني ماسكة حالتك احتياطي علي مايجوا الدكاترة الجديدة الاسبوع اللي جاي وحد فيهم يستلم حالتك ، لكن بعد اللي انت قولته دا ..ماحدش هايستلم حالتك غيري ..واعتبرها عِند ، وياأنا ياانت تصدق بقاا !!
- "" قبل مايتكلم مشيت بسرعة من قدامه ..وفعلا روحت لحازم وكان سهل اقنعه اني انا اللي آخد الحالة دي ..رغم اني