روايه عهد الډم بقلم حماده هيكل

اتاخرت اوي يا حج ..بس في سداد الدين اللي عليك ..وانا عشان خاطر العشرة اللي بينا
ساكت ومتحمل ..وكل مرة تقولي الشهر الجاي
وشهر يجر شهر و الموضوع ملهوش اخر
فلوس ايه دي يا جدي عايز أفهم
دا حفيدك يا حج !
اه حفيدي مؤمن
انا اقولك يا مؤمن شكلك متعلم وواعي
جدك من 6 شهور خد مني مبلغ 120 ألف جنيه
وقالي كلها شهرين وهردهم لك 150 الف
قولت وماله مفيش مشكلة...مضيته على وصل امانه
بالمبلغ عشان اضمن حقي
.فات الشهرين ..ووراهم 4 شهور زيهم..وجدك لسه بيماطل
120 ألف جنيه عملت بيهم ايه
عمك حسن كان مديون وكان هيتحبس وكان لازم أقف جنبه وافك ضيقته
طب وكنت هتسدد أزاي
عندي حتة أرض في البلد كام قيراط كدا كان المحامي قالي انها على وشك انها تدخل كردون مباني وهتتباع بالمتر
قولت استلف الفلوس وأساعد ابني على ما الارض سعرها يزيد...بس للأسف الأرض لسه مدخلتش كردون مباني
ومازالت زراعية
أهو نفس الكلام بسمعه منه كل مرة
انا دلوقت عايز فلوسي ومش هصبر تاني
طيب يا معلم راضي ممكن بس تهدا عشان نتفاهم
نتفاهم ايه..مفيش تفاهم فلوسي لازم ترجعي
انا مش هستفيد حاجة لما اقدم وصل الأمانه
للنيابة وتتحبس ..حبسك مش هيرجعلي فلوسي
حاضر يا بني ..قريب هتفرج
قريب ايه يا راجل يا خرفان انت ..تصدق انا غلطان
اني طاوعتك ووافقت أسلفك
اتكلم بأدب يا عم انت ..ايه خرفان دي
وبعدين هو انت ساعدته لوجه الله يعني مانت واخد
فايدة عليهم 30 ألف ..
قالي پغضب
تصدق أنك عيل قليل الرباية ..بتغلط فيا وفين في بيتي وفي منطقتي وكمان مداين جدك ..انت جنيت على روحك يا حيلتها...وفجأة طلع مطوه من جيب بنطلونه وفتحها عليا
جدي أدخل مابينا وقال
معلش يا بني حقك عليا ..دا ولد صغير ميقصدش
انا مش صغير يا جده وبعدين انت بتقوله معلش ليه
هو اللي غلط فيك الأول
سامحني يا راضي يا بني ..وأنت تخرس خالص
أسامحه...حاضر بس لما احط توقيعي على وشه المسمسم
دا بالمطوه بتاعتي ..عشان يعرف هو غلط في حق مين
قرب مني وحاول يضربني بالمطوه في وشي لكن انا تفاديتها بسرعه ولکمته في بطنه ..بص لي بغيظ وھجم مرة تانية عليا
وجدي بيحاول يهدينا
ابعد انت يا جدو
ضړبني برجله في بطني وقعني على الأرض
بعدها قرب مني وقال
وقعتي يا حلوة ولاحد سمى عليكي
ولسه هينزل بالمطوه عليا ..جدي ضړبة بالكرسي
على دماغه ..وقعت منه المطوه ..فمسكتها بسرعه
هات يا حبيبي احسن تعور نفسك
خبطته برجلي بين رجليه ..الضړبة وجعته جدا
صړخ بشده وبعدها وقع فوق مني
ولسوء الحظ المطوة رشقت فيه وغرزت جوه قلبه
شهق شهقه عالية وبعدها قطع النفس.
الډم بتاعه غرق قميصي ..رفعته من فوقي بصعوبة لأن كان جسمه مليان
وقفت مذهول وانا مش مصدق اللي حصل
حطيت ايدي على رقبته ..مفيش نبض
جدي دا ماټ يا جدي ...هنتصرف أزاي دلوقت
ششششش وطي صوتك
قرب مني وقالي أنا عايزك تهدا خالص
وانا هتصرف
تتصرف يعني ايه ..دا قتيل احنا روحنا في داهية
قولتلك أهدى يا مؤمن
فكر شوية وبعدها قالي
عايزك تدخل أوضتك وتغير هدومك دي
وبعدها تنزل ترجع بيتكم وأنا هتصرف
أزاي دا ..انا لا يمكن اسيبك و..
اسمع كلام جدك ومتتعبنيش معاك
اضطريت اسمع كلامه لأني مفيش قدامي غير كدا
رجعت البيت ولما شافوني حالي متغير سألتني ماما
مالك يا مؤمن فيك أيه . انت تعبان
لا يا ماما انا كويس
طب وجدك عامل ايه
جدي كويس ..كويس يا ماما
دخلت أوضتي وقفلت الباب ومردتش على ماما
وهي بتقولي طيب أجهزلك العشا
كنت هتجنن ..وانا بفكر في كل الاحداث اللي حصلت دي كلها
جدي مخبي سر
خطېر ..ودلوقتي في چثة في شقته
ومش عارف هيتصرف فيها ازاي
حاولت أشغل نفسي في المذاكرة ..بس معرفتش
شكل راضي وهو