اسكريبت كامل بقلم الكاتبه أمنية حلمي

من قلبي وأنا بتأمل البيت من الخارج بهدوء
بيت عادي مكون من دورين تلاتة صغير لكن تصميمه الخارجي كان لذيذ ليه جنينة صغيرة مليانة ورد وريحان و.. نعناع!
أنا شامة ريحته من مكاني كمان..
بعدت عيني عنه لما أطلت النظر وهنا بس خدت بالي منه.. من نظراته ليا!
وهنا اتكلم من تاني
_إتفضلي..
قالها وسبقني بخطواته وقرب من البيت عشان يفتحه بالمفتاح اللي في إيده وقتها خدت نفس عميق ودخلت وراه دخلت لعالم تاني شبه ديزني وكنت أنا أميرته الوحيدة المرة دي..
________________
عدى إسبوع.. إسبوع هدنة سلام زي ما إتفقنا أول يوم دخلنا فيه البيت دا! ومخبيش عليكم الجواز مطلعش بالسوء اللي كنت متخيلاه أو خليني أقول الجواز من شهاب تحديدا!
كان إسبوع هادي ومسالم لأبعد حد هو كان متابع كل أعماله أونلاين ومتفرغ لشغلته الحقيقية أنا
كنت بحاول طول الإسبوع أبعد عنه قدر الإمكان أتهرب وأبقى لوحدي لكن.. كل ما أسلك طريق غيره ألاقيه في نهاية الطريق مستنيني!
شهاب كان ملازمني ساعة ورا التانية طول الإسبوع ودا خلاني مضطربة المشاعر نوعا ما و....
_رغد أنا جعان
_إممم وأنا كمان
_أطلب أكل ولا..
_ولا إيه
_أقوم أعمل وتساعديني
_موافقة!
قام بسرعة بعد كلامي وساب اللابتوب اللي مكانش بيفارق إيده طول ماحنا قاعدين ساكتين فضولي خلاني ألقي نظرة سريعة على شاشة اللاب اللي ملحقش يقفلها لما قام و.. كانت مفتوحة على صورتي صورتي أنا!
ليه ضربات قلبي بتجري دلوقتي طب
تصرفاته دي هتجيب أجلي يوما ما!
دخلت وراه بسرعة واتكلمت بحماس مش معهود طول الاسبوع..
_هنعمل إيه
_إيه رأيك في مكرونة إسباجيتي
_أكلتي المفضلة!
_إيه الصدف دي تعرفي إنها أكلتي المفضلة أنا كمان
قالها ببراءة خلتني أقرب منه خطوتين وأتكلم بشك
_مش واخد بالك إن كل حاجه بحبها أنت كمان بتحبها
_صدفة!
_حتى لوني المفضل ومشروبي المفضل وروايتي المفضلة ومكاني المفضل
_تلاقي أرواح هنقول إيه!
قالها بضحك خلاني أقرب أكتر وأرفعله صباعي السبابة بوعيد
_شهاب! أنت عاملي تخاطر
والمرة دي هو اللي قرب لحد ما أصبح بيننا سنتيمترات وهمس لي
_لو التخاطر بيخلي المشاعر متبادلة ياريت!
_شهاب!!
هددته بكلامي فابتسم بعبثية
_أنت محتاجة دجال عشان تحبيني يا قلبي مش مجرد تخاطر أعملك عمل طب
قال كلامه بعفوية خلتني أضحك ڠصب عني والمرة دي أنا اللي بعدت
_أنا جعانة!
الټفت بوشه للتلاجة وهو بيتأفف
_دا أنت فصيلة!!!
________________
_بتقرأي إيه
_قواعد العشق الأربعون
_كتاب تحفة! من أفضل ما قرأت
_إيه أنت بتقرأ
سألته بتفاجؤ فابتسم بغرور
_طبعا.. القراءة دي لعبتي
_بجد طب إيه أخر كتاب قرأته
_أحببت وغدة
_هي مش كانت أحببت وغدا
_لأ ما هي وغدة مش وغد إدعيلها بصلاح الحال بقى
رفعت له حاجبي واستنكرت
_أنت بتهزر
_وأهزر معاك ليه أنت تعرفيني يا أنسة
مش عارفة ليه بس لما اتكلم بالطريقة اللعوبة دي حبيت أجاريه عشان كدا غمزتله
_أنا مراتك يا بشمهندس!
_قوليها كدا تاني
قالها وقام من مكانه بعد ما ربعلي إيده
_مراتك
_تؤ بشمهندس.. أنت عارفة بقى المهندسين وجنون العظمة اللي عندهم ففي الحالات اللي زي دي أحب جدا تصبحيني وتمسيني على بشمهندس دي.. بشمهندس شهاب
قربت منه وضړبته في كتفه
_رخم!
_بس بحبك
ابتسمت وقتها
_رخم بس بتحبني!
متصدمتش ولا اتفاجئت مش أول مرة يعترفلي بحبه شهاب طول الوقت تقريبا بيكررها وفي مواقف مختلفة أول مرة قالهالي في يوم كنا بنطبخ فيه سوا وقتها انحنى لطولي وهمسلي في ودني
رغد أنا بحبك
مقدرش أوصف شعوري وقتها ولا نفسي اللي اتخطف كل اللي أقدر أقوله إني اتجمدت مكاني وخدت نفس عميق و.. ابتسمت!
كدا بدون أي رد فعل ولفيت عشان أكمل الأكل اللي كنا بنعمله رد فعل غريب.. بس دا اللي قالهولي قلبي وقتها
مقدرش أنكر معاملتي اللي بقت بتلين معاه واحدة واحدة روحي اللي بقت بتنتعش لما