قصه ساره بقلم محمد مالك

والله ولولا الواحد يعرف ربنا كويس كان ممكن ي قدام بت موزة زي دي !! هو انت جبتها منين البت دي يا حج ! من اولها كدا عايزة تلوث سمعتك وشرفك ! دا كويس اني رحت بنفسي ومبعتش حد من صبيان المحل .. كان زمان سيرتنا علي كل لسان .. يا حج .. جاي ! طب يا حج توصل بالسلامة .. سلام يا حج سيد .. سلام يا عريس
عثمان مندهشا .. يا ابن الاية !! ېخرب بيتك .. ايه اللي انت عملته دا ! دا انت وديت البت في داهية !
يس والد سارة في قمة الڠضب مما فعله حسن ابن الحاج سيد زوج ابنته ومحاولة علي ابنته سارة وتحضر له زينب زوجته العشاء فتراه حزينا شاحب اللون مهموما ..
زينب .. العشا يا يس
يس .. لا ماليش نفس .. كلي انتي والواد
زينب .. ياراجل دا انت مدخلش جوفك لقمة من صباحية ربنا !!
يس .. ومين ليه نفس بس ياكل يا زينب !!
زينب .. عندك حق .. بس مينفعش متاكلش اليوم كله كدا دا انت عندك السكر .. ممكن تقع من طولك
يس .. ياريت عشان الواحد يرتاح
زينب .. يا ساتر يارب .. الف بعد الشړ عليك ياخويا .. هو احنا عايشين غير بحسك في الدنيا !! في ايه يا سيد مالك ! عمري ما شفتك حزين ومهموم كدا ! طول عمرك رامي حمولك علي الله .. مالك يا اخويا !
يس .. مش قادر اصدق اللي حصل !! بقي اين سيد عايز علي بنتي انا !!
زينب .. ربك ستر يا اخويا واهي بنتنا بقت معانا.. ولما يجي بسلامته بقي جوزها ابقي شوف هتتصرف معاه ازاي !!
يس .. دا انا هاطين عيشته وعيشة ابنه الساڤل دا .. دا انا هاين عليا اطلع اعمل بلاغ ضدة في القسم
زينب .. لا يا اخويا ماشجعكش علي كدا .. فضايح ملهاش لزمة .. وما دام ربك ستر خلاص ملهاش لزوم الفضايح دي وزي ما دخلنا بالمعروف نخرج بالمعروف
يس .. عندك حق بس لما يجيني سيد .. البنت عاملة ايه دلوقتي
زينب .. بنتك تعبانه يا سيد.. اكلتها لقمة بالعافية ونامت بس وهي نايمة يا عيني جسمها كله بيتنفض
سيد .. معلش.. حقها عليا انا .. انا السبب في الجوازة دي .. بس كل شئ هيتصلح بإذن الله
وفجأة يطرق جرس الباب
يس .. باينله سيد .. روحي افتحي الباب يا زينب
زينب .. حاضر
وتذهب زينب لتفتح الباب فتجد سيد بالفعل امام الباب غاضب وينوي شړا
سيد .. فين سارة !
زينب غاضبة هي الاخري .. موجودة عندي .. اتفضل ابوها مستنيك
ثم يدخل سيد الي الداخل وبمجرد ويراه يس الذي بدأ ينظر اليه نظرات تعبر عن الڠضب الشديد والاستنكار مما فعل ابنه
سيد .. سارة فين يا يس
يس .. سارة نايمه في اوضتها جوة
سيد .. وازاي تسيب البيت من غير علمي .. هو وكالة من
غير بواب !.
يس .. وانت كنت عايزها تستني في بيتك بعد
اللي عمله فيها ابنك !
سيد
.. نعم يا اخويا !! وابني عمل فيها ايه ان شاء الله !
يس ..
روح واسألة ولو راجل يقول ع
اللي كان عايز يعمله في البنت !! لكن انا متوقعش ان ابنك دا راجل اصلا !!
سيد .. احترم نفسك يا جدع انت .. انا ابني سيد الرجالة !! وبعدين بلاش الډخلة المفقوسة دي!! ولا خدوهم بالصوت قبل ما يغلبوكم !
يس .. قصدك ايه !!
سيد .. قصدي ان بنتك اللي كانت بتشاغل الواد وكانت بتغريه عشان ينام معاها !!
سيد .. ههههه .. وصدقتها انت بقي ! لا يا حبيبي . انا ابني متربي كويس اوي .. وعمره ما يعمل حاجة تغضب ربنا ولا ابوه ابدا .. دا ملعوب من بنتك بعد ما لقيت الواد نضيف ومالوش في السكة الشمال وخاڤت لا ېفضحها .. قامت عاملة القصة دي .. قال ايه عشان تبان قدامكم شريفه وان هي الضحېة والمجني عليها .. وابني انا هو الجاني هاتك الاعراض !! لكن علي مين .. ملعوب مكشوف اوي من بنتك
يس .. احترم نفسك يا راجل انت . انا بنتي اشرف منك ومن ابنك .. وامشي اطلع برة وورقة طلاق بنتي تجيلي علي هنا احسنلك
سيد .. نعم يا خويا !! طلاق ايه دا يا ابو طلاق ! هو انا لسة شبعت منها ! اومال الالوفات اللي انت لهفتها مني دي كانت عشان ايه ! عشان انام معاها مرة وخلاص ! لا يا حبيبي .. انا دافع فيها كتير اوي
يس .. فلوسك هتاخدها ع الجزمة لما تطلق البنت
سيد .. هأو .. ومين قالك اني عايز فلوس ! انا عايزها هي . عايز اشبع منها واوعدك اني بعد ما اخد مزاجي واستكفي .. هرميها زي الجربان في الشارع
يس .. امشي اطلع برة
سيد .. صحيها خليها تروح معايا
يس .. مش بنتي مش هتطلع من بيتي تاني وانسي انها ترجعلك في يوم من الايام .. واحسنلك تطلق من غير مشاكل يا سيد
سيد .. طب ايه رأيك بقي انا هروح البيت وهستناها تيجي انهاردة .. ولو مرجعتش انهاردة بيتها يا يس انت عارف انا ممكن اعمل ايه كويس !! ولا نتكلم قدام المدام !
يس يرتبك فجأة ويصمت ولا يرد بأي كلمة
سيد .. بالاذن يا حج ..
ثم ينصرف ورد فعل علي وجه يس .
وبعد ان ينصرف سيد من عند يس .. زينب تسألة في دهشة وحيرة شديدة
زينب .. ايه الحكاية يا يس !!
يس .. حكاية ايه يا زينب !
زينب .. الراجل اللي اسمه سيد دا قصده ايه بكلمة ولا نتكلم قدام المدام !! هو فيه حاجة انت مخبيها عني يا يس !
يس .. حاجة ايه اللي انا هاخبيها عنك يا زينب ! دا مچنون وبيخرف باين عليه !!
زينب .. طب وهاتعمل ايه ! باين عليه مش ناوي يطلق البنت !!
يس .. انا رأيي بنتك تروح بيتها احسن يا زينب
زينب .. نعم !! بس دا مكنش رأيك قبل ما يجي !! غيرت رأيك ليه فجأة كدا !
يس .. وانتي هتستفادي ايه بس من خړاب بيتها !! في واحدة تطلق من اسبوع جواز يا عالم !
يس .. ومن تاني يوم كمان!! وخصوصا لو اكتشفت ان جوزها بالۏساخة بتاعة البني آدم دا اللي اسمه سيد .. يا راجل اختشي علي دمك .. دا بيخوض في عرض بنتك وبيقول انها كانت بتغري ابنه عشان ينام معاها !! وعايز تردهاله تاني !! هو انت جري لمخك حاجة يا يس !! ولا ماسك عليك ذلة واحنا مش عارفين !
يس يرتبك فجأة .. ذلة ايه يا وليه يا خرفانة انتي ! حاسبي علي كلامك !!
زينب .. طب فهمني ..
ايه اللي غير موقفك كدا مرة واحدة!! .. وبعدين وشك جاب الوان اول ما قالك هترجعها البيت ڠصب عنك