روايه كاملة و ممتعه بقلم الكاتبه المبدعه رنا يحيى

سهل تسامحيني بس أنا لسه عندي أمل
جاي تعرفني ده كله بعد ما كل حاجة باظت!
مكنش سهل عليا إني احكي ده لأي مخلوق بس أنت بالنسبالي غير أي حد
سكت مكنتش عارفه اقول ايه الصدمة مخلتليش كلام
أنا بحبك أوي يا رنا لو مسامحتنيش يبقى ليك حق بس أنا مش هحب غيرك
قام وقف لو لقيتيني اختفيت مرة تانية اعرفي إن اول ما ارجع أول حاجة هعملها هتبقى إني اشوفك لو مجتش اعرفي إن عمري ما حبيت غيرك أنت اللي عرفتيني الناس بتحب ازاي
حسيت بقلبي كأنه بيتقطع مليون حتة
أنا همشي مش هقدر اقعد في المستشفى أكتر من كده
مشي خطوتين وبعدين بصلي خلي بالك من نفسك
لف وشه وقولت بصوت واطي
وأنت كمان
راح ركب عربية سودا والعربية اتحركت نفخت بحيرة وقعدت مكاني
كل اللي بيحصل ده أكبر من استيعابي!
عدى شهر من ساعة أخر مقابله ما بينا مشوفتوش من ساعتها
قررت ادي لنفسي هدنة وخدت اجازه مفتوحة من الشغل
ڠضبي هدي كتير عن الأول من ناحيته
بقالك شهر مخبيه عليا قالك ايه مش ناويه تقولي بقى طلع ماڤيا!
ضحكت وأنا باصه للتليفزيون
اوعديني متقوليش لأي مخلوق
يستي بقالي شهر بوعد ومبتقوليش
يوسف ظابط
برقت وقامت وقفت بسرعه ايه! ظابط!
خدي صدمتك براحتك بقى
ده بجد
اه والله
يعني ضهرنا اتحمى
ضحكت جامد كانت أول مرة اضحك من مدة
قعدت جمبي وقالت پخوف مصتنع ب بس بس يا رنا د دنا شتمته كتير أوي!
وأنا
يلا نتحبس في زنزانة واحدة بقى
ضحكنا سوا وبعدين سألتني
سامحتيه
خدت نفس وبصتلها مش عارفه بس مبقتش زعلانه زي الأول
قومت وقفت وخدت طبق الفشار أنا داخله انام
طب ما تسيبي الطبق!
ضحكتهتسلى فيه قبل ما انام
عدى أسبوع كمان كنت نازله اشتري حاجات
لمحت حد بيبص عليا كل شوية بلعت ريقي پخوف
وبصيت حواليا وبعد كده مشيت
لقيته بيمشي ورايا حاولت اهدي نفسي
طلعت التليفون واتصلت بملك مردتش
قولت پخوف افتحي
رنيت تاني وفتحت
الحقيني يا ملك أنا متراقبه
شهقت ايه من مين
م معرفش معرفش مين ده شكله مرعب تفتكري حرامي
اركبي تاكسي وتعالي بسرعة يا رنا يا اما صوتي ولمي الناس
بصيت ورايا ومرة واحدة جريت بسرعة لقيته بيجري ورايا صړخت ولقيت عربية سودا كبيرة ظهرت مرة واحدة
لقيتهم بيشدوني ويدخلوني العربية فضلت اصړخ كتير لحد ما سمعت صوت حد
يوسف فين
بصتله بړعب ي يو سف م مين معرفش حد بالاسم ده
زعق أنت هتستعبطي
حطيت ايدي على ودني أنت بتزعق ليه طرشتني لو هتقتلني اقټلني واخلص
لا عرف ينقي اختار واحده مش جبانة
شاورلهم وحطوا حاجة على عيني كنت بتشاهد
خلاص هي النهاية
طول الطريق حاولت مبينش إني خاېفه وسؤال واحد بسأله لنفسي يوسف فين فعلا!
العربية وقفت ولقيته بيسألني تاني
يعني مش هتقولي يوسف فين
والله أنا اللي عايزه أعرف يوسف فين لو حضرتك عرفت ابقى بلغني قبل ما اموت
لقيت حد بيمسك ايدي وينزلني من العربية وشال اللي على عيني
فتحت عيني لقيت وشه في وشي وبيضحك!
قال بضحك يوسف اهو
بصيت بإستغراب حواليا لقيت اللي واقفين كلهم بيضحكوا ورجعت بصتله تاني
عملت كل حاجة فيا ومكنش ناقص غير انك تخطفني!
مسك ايدي ومشي بيا في طريق مش عارفه نهايته ايه
زقيته اوعى كده بجد بكرهك وبعدين أنت لابس بدلة ليه و....
برقت اما لقيت إن دي البدلة بتاعة خطوبتنا!
أنت موديني فين
هتعرفي دلوقتي كنت عارف إنك مش هتبعيني
أنت ليك عين تضحك!
ضحك أكتر كل ما افتكر ردودك مببقاش قادر مضحكش
ابتسمت وصلنا لمكان منور بأضاءات جميلة في كراسي كتير ديكور خطوبتنا!
بصتله وأنا مش
فاهمه حاجة ابتسم ومسك ايدي
صفر صفاره لقيت ناس كتير أوي طالعه بتسقف!
ملك! ماما! اهلي! صحابي!
كل اللي عزمتهم في الخطوبة موجودين!
زي ما كسرتك قدام الناس دي مكنش ينفع اصلح من غيرهم كلهم عرفوا قد ايه دلوقتي إن ليك خطيب بيحبك ومستعد يعمل كل حاجة عشانك
دمعت وابتسمت وكمل
عملت كل ده امتى! ازاي وأنا مش حاسه
شاور على ملك البركة في ملك هي اللي ساعدتني
بصتلها وضحكت لقيتها بتمسح دموعها وبعتتلي بوسة في الهوا
تتجوزيني يا رنونة
قولت بصوت واطي موافقة يا حضرة الظابط
ضحك وشالني ولف بيا وسط تسقيف منهم كلهم
رنا يحيي