اسكريبت كامل و حصري على مدونه ايام نيوز بقلم الكاتبه أيه حمام

بس..
_أنت كويسة حاسة بحاجة
كان بيسألني عن حالي ف همست له
_بطني بتوجعني شوية وروحني.
هز لي راسه ب حاضر وحاول هو يأكلني بإيده وافقته علشان مش أحرجه وسطهم بس لاحظت هنا ال بتبص له ومعرفتش دي نظرات لوم أو ڠضب أو حزن!
_بقيتي أحسن
_مش عارفة.
_يعني إيه مش عارفة يا آية طب ننزل نروح للدكتور تطمننا
_لاء.. أنا هنام.
سيبته ودخلت أنام فضلت نايمة على السرير بس عيني صاحية ودماغي بتفكر في حاجات كتير وولا حاجة منهم عايزة أصدق احتمال صحتها!
تاني يوم صحيت دماغي بتوجعني شوية بسبب التفكير الكتير طول الليل أخدت دش وخرجت جهزت الفطار ودخلت تاني أصحيه لقيته صاحي
_أنت مش هتروح الشغل ولا إيه
_لاء خليني هنا النهاردة علشان لو تعبتي.
ابتسمت وبصيت له بحب وقربت قعدت جنبه ومسكت إيده واتكلمت
_خايف على البيبي ولا بجد خاېف عليا
_أنت أساسه لو خاېف عليه ف علشان هو منك.
_يعني لسة بتحبني
_مش شايفة يعني بعدين السؤال دا لما يفوت عشرين سنة كدا تبقي تسأليه.
_أنا بتأكد بس.
_إتأكدي واتطمني يا حبيبتي أنا قلبي مضى إقرار بحبك لنهاية العمر.
_طب يلا علشان تفطر.
سحبته وخرجنا نفطر وبعد ما خلصنا كنت بشيل الأطباق أغسلها ف اتكلم
_أنا داخل أشتغل شوية بقا.. لو حسيتي بتعب رني عليا.
_طب تحب تتغدى إيه
_أي حاجة متتعبكيش.
دخل وأنا بدأت أروق المطبخ مكان الفطار وأجهز حاجات الغدا وبعدين خرجت قعدت قصاد شاشة التليڤزيون شوية لحد بعد الظهر..
دخلت المطبخ تاني أجهز الغدا بس برطمان الصلصة كان مش راضي يتفتح أو يمكن أنا ال كنت مش قادرة عليه!
ندهت عليه مرتين ومردش فأخدت البرطمان ودخلت الأوضة من غير ما أخبط علشان يقع البرطمان من إيدي ويقع قلبي بعد ال شوفته!
_آية!!
آية أن.. أنت..
كان متبرجل كان بيحاول يلم الحاجات ال على الترابيزة بسرعة كان بيحاول يبان كويس بس.. بس أنا كنت شوفت خلاص شوفته واتأكدت من كل شيء!
_آية ردي عليا.
_أنت طلعت مدمن بجد
_مدمن مدمن إيه يا بنتي بلاش أڤورة.
_أڤورة
_أيوا دي سېجارة بشربها كل فترة علشان أركز بس.
_حرام عليك حرام عليك ال عملته في نفسك وفيا دا!
_آية استني..
_ملتمسنيش متقربليش.
مقهورة جدا!
مش لاقية وصف أو تعبير لل حاسة بيه دلوقتي أنا بس كل ال عارفاه إني مش طايقة أشوفه.. لذلك دخلت أوضة الأطفال وقفلت الباب وقعدت على السرير أعيط وأنا بفكر في حل للکاړثة دي.
_هنا إزيك
_الحمدلله يا آية أنت بخير
_لاء مش بخير خالص يا هنا!
_حصل إيه
_أنا شوفت غيث بيشم حاجة ممكن تيجي
_حاضر أنت بس متتخانقيش معاه دلوقتي أو تتعصبي علشان مش ټتأذي.
_أنا خاېفة!
_متخافيش يا آية أنا أصلا كنت في مول جنبكم ومروحة هرجع لك تاني.
قفلت معاها ورميت الموبايل جنبي وأنا بحاول أهدى بعد ما حسيت بۏجع في بطني.
_آية ممكن تفتحي
_مش هفتح يا غيث.
_لاء إفتحي علشان أفهمك.
اتحركت ووقفت ورا الباب واتكلمت
_تفهمني إيه أنا مقهورة منك.
_آية والله ڠصب عني.
_أنت أناني يا غيث أناني علشان فكرت في نفسك من غير ما تفكر فيا وفي ال في بطني!
_طب اخرجي وأوعدك إنها آخر مرة.
_ياريتها كانت بالسهولة دي!
متكلمش وأنا مسحت دموعي وفضلت ساكتة برضه شوية وسمعت جرس الباب وهو فتح وسمعت صوت خڼاقه ف فتحت وخرجت براحة.
_أنت ال عرفتيها
_عرفتها إيه يا غيث مراتك هي ال طلبت مني آجيلها أصلا!
_أنا حذرتك يا هنا حذرتك آية بالذات متعرفش
متزعليش بقا لما عمي يعرف دلوقتي.
كان داخل يجيب موبايله ف اتحركت ناحيته ومسكت إيده أمنعه يتحرك واتكلمت
_دا ال شاغلك دلوقتي إنك تفضحها وتأذيها أنت إزاي كدا
_حبيبتي وا...
_اسكت اسكت أنا لو حبيبتك بجد كنت