ثري عربي يكتشف إن عنده بنت مصريه

فياض من سرعة جده وكان هيرفض وياخد موقف من التسرع ده لكن نظرة الرجاء اللي شافها في عيون جده خلته استسلم خصوصا أنه عارف أنه بيقضيها ايام وقال
_ اللي تبغاه جدي راح يصير .
خرج فياض بعد توصيه جده ليه وحاسس أنه تايه مش مستوعب بس كان لازم ينفذ اللي بيقولوا عليه وهو بيدعي ربنا أن الأمور تعدي على خير..
_ الله يجرنا يا جدي الله يجيرنا من شو مخبي تاني ..
على ناحيه تانيه حوريه قررت ټنتقم لۏجع قلبها وغدر ابن العمده بيها بعد ما وعدها بالجواز كل السنين دي حست انها رخيصه اوي في نظره هو سهل كده الواحد يبيع الحب بالسهوله دي وتتفتت الوعود وتتبخر كأنها كانت سراب وتطير في الهوا
اتنهدت وافتكرت حكاية أمها اللي كانت السبب في وجودها عالدنيا
وفي لحظه انقبض قلبها وحست ان حكاية أمها شكل حكايتها بس امها ماټت من الهوى والعشق وهي استحاله توصل للمرحله دي ابدا
هي اقوي من كده ..اقوي من اي ظرف وۏجع زي ما خالها علمها ورباها..هتكون جبل وهتعدي وتلتفت لمصلحتها..
وقفت قدام مرايتها وبصت لنفسها بفخر واعجاب ..قد ايه هي جميله ودا مش غرور فيها هي فعلا جميله بروحها وشكلها بصت لنفسها بخبث وهي مبسوطه جدا من نفسها ومن لبسها مفكره انها بالطريقة دي بټنتقم بس متعرفش انها بټنتقم من نفسها افتكرت كلام خالها للحظه جسمها ارتجف بس رجعت تاني شجعت نفسها عشان ټنتقم لروحها لازم تضحي بنفسها انهارده وتستلقي وعدها.. مخها الصغير هيأ ليها كدا..
انتهت وقربت من الباب علشان تخرج بس فجأه حست بايدين زي الكلبشات قبضت على رسغها
_ رايحه فين يا حوريه
ابتلعت ريقها پخوف ودورت وشها ليه وفجأة
_ اناااا
الفصل الرابع
_ على فين يا هباب البرك انتي ! يا مرك يا شوقية! ايه يا بت الهباب ده اوعي تكوني بتفكري تروحي تهزي وسطك ورا مزمار خالك في فرح ابن العمده..!
بصتلها حوريه بعيون زي عيون القطط ال يعني بريئه وقبل ما تنطق جابتها شوقيه من شعرها الطويل الناعم وهي بطوحها شمال ويمين..
_ نهارك مش فايت يا حوريه يبقي نوياها يابنت الخايبه وليلتي وليتك مش فايته نسيتي ياللي تنشكي في بطنك اخر مره عملتيها فاكره ولا جسمك برد من العلقھ اياها..
_ سيبني يا شوقيه مهما تعملي فيا هروح ارقص في فرح ابن الخايبه العايبه دا بردو..لازم أجرس أمه وافرجه ابن المنكوبه ده..
_ اه يا سافله ..
_ سيبيني يا شوقيه
زادت حدة مسكتها من شعرها وهي علي وشك تلطم خدها من عمايل حوريه فيها وياريتها بتتعاقب لوحدها لا دا خالها بيعاقبها معاها واخر مره عملتها كلوا الاتنين علقھ مو .ت لسه أثرها معلم على جسمهم بس تعمل ايه في بنت الخايبه اللي قدامها..
_ منك لله يا حوريه بس لا مش هسمحلك ابدا المره دي كل مره تضحكي عليا..وانا الخايبة اللي قلبها بيحنلك ..
سابت شعرها وقعدت تنهج مش قادره تاخد نفسها ضړبت بايدها علي ركبها بحركة شعبية ..
_ هتجيبي اجلي بعمايلك ..منك لله يا حوريه
ضړبت حوريه الأرض برجليها زي الأطفال ورجعت تتمحك فيها و تتحايل عليها وتقولها أنها اخر مره وأنها لازم تساعدها . فضلت نص ساعه تتحايل عليها بكل الطرق وهي بردو مصممه علي موقفها لحد ما قررت حوريه تشغل دماغها وتهرب منها..معدش وقت ولازم تنفذ خططتها وتفضح ابن العمده وسط الناس كلها.
وفعلا
في لمح البصر كانت حوريه لفه نفسها بعبايتها السمرا وخرجت جري علي برا ومرات