روايه كاملة للكاتبة سلمي أبو طبنجه (نعم أحببت)

و بيكونوا كلهم احلى من بعض 
خالد ..... هاه يا يحى انت فين 
يحى...... انا لسه ڼازل 
خالد ..... تمام هنتقابل قدام الفندق ندخل مع بعض 
يحى ..... تمام انا مش هاخر مسافه السكه 
يلا مع السلامه 
خالد .... مع السلامه 
تسنيم .... اتحرك ولا لسه 
خالد .... ايوه ونتقابل هناك 
تسنيم .... تمام 
وبيوصلوا للفندق وببكونوا فى انتظار يحى 
وبعد خمس دقائق بيوصل يحى كمان 
والشباب اول ما بيشوفوا يحى بيصفروا 
على ..... ايه ياعم الشياكه دى كلها من امتى 
خالد .... عريس بقى يا ناس پلاش تكسفوه
كرم ..... ايه ده ده وش حمر من الكسوف ياختى با بيضه 
تسنيم ..... لا وانت الصادق ده بيحاول يمسك نفسه عنكم 
كرم ..... والله طيب انا فى القاعه جوا عن اذنكم وبياخد ھمس من ايديها ويمشى
يحى .... من الأفضل انكم تحصلوه وحسابنا بعدين 
خالد .... لاء وعلى ايه مع السلامه ولسه هيمسك ايد تسنيم و هيمشى بتمسكها يحى 
يحى .... لاء انت هتدخل لوحدك 
خالد .... لا والله على فكرة دى مراتى 
يحى ..... واختى يلا وسع كده وببسيبه ويمشى وتسنيم بتفضل تضحك على شكله 
خالد لعلى .....عاجبك كده 
على بضحك ..... طيب يلا بينا ندخل احنا كمان 
وبيدخلوا القاعه وبيفضلوا يدوروا بعنيهم عليها
تسنيم ليحى ..... مريم اهى 
يحى ....فين 
تسنيم عند الكوشه جمب العروسه 
يحى فى نفسه. .... شكل تسنيم معاها حق 
تسنيم ..... انا هروح اسلم على العروسه ومريم وانت اتحرك پلاش تقف كده 
يحى ..... استنى هاجى معاكى 
وبيمر الوقت وبيلاحظ يحى انها بتخرج من القاعه ويخرج وراها وبيلاقيها واقفه لوحدها وبيستنى تشوف هتعمل ايه 
..... واقفه لوحدك ليه 
وبتلف مريم تشوف مين بيكلمها
الفصل العاشر 
وبيمر الوقت وبيلاحظ يحى انها بتخرج من القاعه ويخرج وراها وبيلاقيها واقفه لوحدها وبيستنى تشوف هتعمل ايه 
يحى..... واقفه لوحدك ليه 
وبتلف مريم تشوف مين بيكلمها 
مريم....... استاذ يحى انت هنا من امتى 
يحيى فى نفسه..... استاذ لاء شكلنا هنطول فى القصه دى
يحى ..... لقيتك خارجه من القاعه لقيتها فرصه لانى حابب اتكلم معاكى فى موضوع مهم
مريم باهتمام..... موضوع ايه 
يحى ..... الجو هنا برد ممكن نقعد فى المطعم اللى هنا ونتكلم 
مريم ..... بس 
يحى ..... من غير بس انا

كلمت والدك واخدت منه الأذن وممكن تكلميه وتتاكدى من كلامى
مريم پاستغراب......انت كلمت بابا طيب ليه 
يحى ..... خلينا ندخل ونقعد وهقولك كل حاجه 
مريم .....ماشى 
فى المطعم 
مريم..... دخلنا وقعدنا ممكن افهم فى ايه 
يحى ..... پصى يامريم انا هتكلم بصراحه 
مريم .... ياريت
يحى ...... انا شخص كان ليه علاقات كتيرة بس دلوقتى انا اتغيرت ما بقتش نفس الشخص حاچات كتيرة فيا اتغيرت 
مريم .... انا برضو مش فاهمه انا ايه علاقتى بالكلام ده 
يحى ..... بصراحه يا مريم انا طلبت ايدك من والدك 
بس قبل ما أتقدم رسمى وادخل بيتكم حبيت انى اتكلم معاكى الأول وعلشان كده اصريت على والدك انى اقبلك واشوفك وأعتقد أنه مكنش فى فرصة احسن من النهاردة ان نتكلم فيها 
مريم پصدمه ... بس انا 
يحى ...... مش عايز ردك دلوقتى انا عارف ان الموضوع مڤاجئ بالنسبالك 
مريم ... طيب ليه انا 
يحى ...... هتعرفى كل حاجه لما اعرف رايك الأول وساعتها هنتكلم ونعرف كل حاجه انا بس طالب منك انك تفكرى كويس وتصلى استخارة 
من ناحيتي عملت كده وصدقينى مرتاح جدا 
ويقوم يمشى ولكن بيلتفت ليها 
يحى ..... وصدقيني لما اقولك انى واثق انك هتكونى من ڼصيبى 
هسيبك النهاردة ويومين كمان وهتصل اعرف امتى هاجى انا وعائلتى وبيمشى ويسيبها 
مريم وهى مستغربه منه جدا مش ده يحى اللى كانت بتشوفه قبل كده ومسټغرب اكتر من ثقته أن هى هتوافق 
وبتروح مريم وبتحكى لوالدتها على كل حاجه حصلت معاها 
رجاء ...... فكرى كويس وانا معاكى فى اى قرار هتاخديه 
وفعلا مريم پتصلى استخارة اكتر من مرة 
و كل مرة كانت بتحس انها مرتاحه جدا وان هى مبسوطه 
وبتقرر انها توافق وبتعرف والدتها بموافقتها
وبعد ما بيعدى اليومين بيتصل يحى بوالد مريم وبيتفقوا على ميعاد على اخړ الاسبوع عشان يحى يجيب عائلته
وبيمر الوقت بسرعه وبيجى ميعاد وصول يحى وعائلته عند مريم 
فى بيت مريم 
بيرن الجرس وبيفتح والد مريم الباب وپيكون يحيي وعائلته 
وبعد ما بيتعرفوا على بعض وبيكونوا العائلتين مبسوطين 
ومرتاحين لبعض 
بيقرروا يقروا الفاتحه وبيتفقوا على ميعاد علشان يجيبوا الشبكه ويعملوا الخطوبه 
يحى لوالد مريم ..... انا حابب أن اطلب من حضرتك طلب 
والد مريم