قصه تقبلني فاحببته بقلم الكاتبه هاجر جمال

زي حالتي بقيت مش عارفة أنا بعالجها ولا بعالج نفسي ويومها
كنا بنتكلم
_ممكن بقا أقولك إنك أحلى واحدة دخلت عيادتي من يوم ما أشتغلت
لقيت فرحة ملت وشها عنيها بقت بتلمع وناقص تقوم تحضني وقالتلي
_أنا عارفة إن حضرتك بتجامليني يا دكتور بس صراحة فرحت من قلبي
ابتسمت ليها بحب واستغليت فرحتها وزودت العيار حبتين 
_مجاملة اي وكلام فاضي اي هو في حد يقول للقمر دا مجاملة دا يبقى أعمى القلب والنظر ارفعي شاشة تليفونك وشوفي وشك إلل زي البدر المنور دا شوفي قلبك إلل مليان حب أنا شيفاه من عندي قوليلي بقا عايزة قرة عينك المستقبلي يكون عامل إزاي!
ضحكت جامد وكأنها طايرة من الفرح وجناحتها بترفرف على قلبي وقالتلي
_أنا عايزاه طويل وأسمر وعيونه ملونة لا وكمان بيحبني
_طيب ربنا يرزقك بواحد يخلي حياتك جنة
_يارب يا دكتور بس ممكن أسألك سؤال يا دكتور
_اتفضلي
_حضرتك بتعالجيني وأنا شبهك في جسمك يعني
كانت مترددة في كلامها ومكسوفة تقولي إني أنا شبهها إزاي أنا بعالجها وأنا زيها بس رديت وقولتلها بكل ۏجع جوايا
_علشان أنا شايفة نفسي حلوة مش محتاجة اتعالج
ابتسمتلي وقامت مشيت ومرة على مرة بقت تتحسن أكتر من الأول وفرحت جدا ليها لما اتخطبت لإبن عمها وسعيدة جدا بفرحتها إلل اتمنيت إني أفرح زيها في يوم من الأيام
وفي يوم كنت راجعة من العيادة وأمي قالتلي إن العريس الأخير عمال يتقدم كل شوية ومش ساكت وعايزني أقابله وللصراحة أنا وافقت علشان بس فضولي تعبني عايزة أعرف هو ليه مصمم يقابلني وليه مصمم عليا
جه في اليوم إلل حددناه وكنت بلبس الدريس إلل بحبه إلل كل مرة بلبسه وأنا متوترة جدا اليوم دا وقلقانة وكأني شايلة هم الوقت إلل هيقوم فيه ويسبني ويمشي على حجة هاجي مرة تانية بس اتشجعت ودخلت قابلته
_سلام عليكم
حسيت في عنيه لمعة أول ما شافني بس معرفش دي من اي
_عليكم السلام
قعدت بعيد عنه شوية وفضلت بفرك في صوابعي علشان توتري يقل وكأني أول مرة يجيلي عريس هو فعلا أول مرة أحس الإحساس دا شيفاه بعيني وهو بيبص عليا طب يا ترى مش عاجبه شكلي ولا اي اتجرأت شوية وسألته
_حضرتك كنت طالب تقابلني خير!
_أكيد خير بصي أنا هجبلك من الأخر أنا دكتور أحمد المنياوي دكتور أطفال كنت معاك في الندوة ولما شوفتك أعجبت بيك وقولت لازم اتقدملك
سكت شوية وكنت ببصله بكل وضوح عايزة أدرس ملامح وشه بحكم دراستي لازم بعرف هو بيكدب ولا لا بس الظاهر على وشه إنه بيقول الحقيقة
_طب وشكل!
_ماله شكلك
_أنت مش شايف أي عيوب فيا!
_أنا شايف ملاك قدامي هو الملاك بيتعايب!
_أنا تخينة حبتين تلاتة
_ليس بالمظهر يا حبيبة فؤادي وإنما ب جمال القلب
كنت حاسة بحاجات تانية خالص حاسة إن الدنيا كلها بتلف وأنا واقفة عنده هو أخيرا لقيت
واحد بس شايفني حلوة
اتخطبنا لمدة سنة وكان هو دكتوري على
الرغم إنه دكتور عكس تخصصي بس اكتشفت إنه بيعالجني ب الاهتمام والحب اكتشفت إن الحنية أعظم صفة في الكون ومن غيرها الانسان هيعيش في چحيم 
كنت قاعدة في بيته بعد جوازنا مستنياه ب حب ما أنا واثقة إني مربعة على قلبه أول ماجه اترميت في حضنه
_أحمد
_عيون أحمد
_اتأخرت عليا وطبعا أنا لما بستنى حد بعمل اي!
_بتاكلي
_طيب وأنت مش زعلان إني باكل ما أنا هتخن تاني وهبقى بطة
_اتخن تاني يا فراولة الكوكب مين قال إني زعلان
_بس أنا زعلانة
_بس أنا بحبك
ل هاجر جمال