قصه راضي ب السهر بقلم زهرة الربيع

في التليفون
راضي بص لها باستغراب وقال... انتي كلمتيه في التليفون
سهر ابتسمت بدموع وقالت.... امال جه ازاي انا كنت نازله اقول لك انه اخيرا رد
راضي مد ايده سلم عليه وقال.... الحمد لله ان اختك رجعت لك بالسلامه
عزمي ابتسم ومسك سهر من ايدها وقال...الحمد لله اني كنت قريب من المكان ....على العموم شكرا قوي وفي اي وقت اي حاجه تطلبها رقمي معاك واكيد هيبقى لك مكافاه كبيره مني
راضي بص لها والدموع في عيونه وقال.... انا مش عايزه اي حاجه انا خدت مكافات كتير في الوقت ده ..خلي بالك منها
سهر ابتسمتلو بدموع وطلعت مع اخوها وهيه بتبص لراضي بدموع

عزمي ابتسم اول ما طلع وبصلها وقال... هو في ايه بالظبط...ايه حكايتك مع الشاب ده ... انا وداخل لقيته جري قدامك ولولا وصولي كان زمانو اټصاب بدالك ..ده غير اللي حكيتيهولي في التليفون
سهر نزلت عيونها بكسوف وقالت..راضي شخص محترم جدا ووقف جنبي و
عزمي ابتسم وكتف ايديه وقالو...و ايه كمان
سهر ابتسمت بكسوف و عزمي رفع وشها ليه وقال... قبل سنه عدت لو كان حصل الموقف ده كنت هرفض الشخص ده لانه مش قد المقام اديك شايفه المكان اللي قاعدين فيه... بس بعد اللي حصل معايا بقيت بتمنى ان اي قلبين يدقو لبعض يتلاقو 
... خليه يجيبك على البيت...و قولي له اني هستناه يجي يشرب معايا القهوه
سهر اتفاجأت وضمته بقوه وسعاده وهيه بتقول...بجد...شكرا شكرا يا ابيه
عزمي فرح لفرحتها وقال ....حبيبتي يا سهر ربنا يسعدك... يلا حبيبتي هاستناكي في البيت ما تتاخريش ها 
وركب العربيه بتاعته ومشي
اما راضي بص لنوجا بۏجع وقال... مش عايزه اعرفك تاني 
وطلع على اوضته پغضب
نوجا لسه هتطلع وراه دخلت سهر وطلعت جري وراه
نوجا اتنهدت وشافت ما فيش فايده ومشيت من المكان بهدوء
راضي دخل الاوضه بحزن...ومسك قطعت هدومها اللي كانت لابساها وهو بقى يبص لها بحزن ونزلت دمعه على خده
بس حس بايها قريبه منه وقالت .... كده تسيبني امشي من غير ما تقول ولا كلمه حتى ما قلتليش خليكي
راضي اتسعت عينيه بزهول والټفت لها
ابتسم لما لقاها قدامه وقال بزهول ... انتي ازاي رجعتي
سهر قالت بابتسامه.... ولا حاجه قلت لاخويا انا بحب الولد اللي جوه ده ومش هقدر امشي من غيره ...قال لي ارجعي له هو مش قد كده وانت احلى منه بكتير بس معلش
راضي ضحك بسعاده وهو مش مصدق نفسه وقال... انا....انا مش مصدق كش مصدق انك قدامي كنت فكرت خلاص مش هقدر اشوفك تاني
سهر قاطعته وقال... اخويا هيستناك عشان تشرب معاه القهوه اجباري مش اختياري على فكره
راضي ابتسم بسعاده اكبر. وقال هتوافقي تتجوزيني انا ما عنديش غير شقه صغيره واللوكندا دي
سهر ابتسمت بسعاده وقالت ده كتير جدا وانت اكثر وكفايه قوي... بحبك يا راضي
راضي ابتسم وهو هيطير من جواه وقال....انا بجد حاسس اني بحلم
ابتسمت وقالت...ومين قلك هسمحلك تنام علشان تحلم انت ناسي ان اسمي سهر ولا ايه
راضي ضحك وقال...ويا ريت كل السهر حلو كده....انا بعشقك.. بعشقك اوي و باشكر ربنا الف مره انه جمعنا... راضي اخيرا بقى راضي .... راضي بالسهر
كنتم مع راضي بالسهر بقلم...زهرة الربيع زهرتكم تحيكم ودمتم في امان اللله مع من تحبون