اسكريبت كامل بقلم الكاتبه المبدعه مريم سمير
حاجات كتير تستاهل انك تحاولي عشانها هتحاولي
_ هحاول
ومن اليوم دا وانا فعلا بحاول بحاول مفكرش كتير قبل ما انام بحاول مفتكرش كل الي حصل معايا احاول مقساش عليا اني مش غلطانة وإن مستهلش دي تتمحي من قاموسي أنا استاهل! استاهل اوييي
كان هو كمان بيحاول معايا نخرج نتكلم نحكي عاقل جدا بيقبل النقض بيتناقش وصدره رحب دمه خفيف سوي نفسيا والأهم احمد حسسني اني جميلة ولذيذة واتحب ان الدنيا كلها قليلة عشاني إني احسن واحدة في أي مكان اروحه رجعلي ثقتي في نفسي! بقيت ابص في المرايا بعد ما كنت كارهة اعدي من قدامها اني ألبس ألوان بدل الغوامق اني اقول نكت بايخة!!!
_ اسمع دي كمان
خلاص يمريم بدل ما ادخل بينا في ترعة
_ أنا دمي تقيل عليك بجد
متقوليش كده انتي دمك يلطش يحبيبتي كلمة كمان هرقعلك بالصوت
_ بس انت قولتلي قبل كده إن دمي خفيف
كنت بشقطك يمريم اعملي حسابك بكرة هنخرج ديت
_ ديت!! يراجل
يعني بحاول ابقي رومانسي اديني فرصتي
دخلنا المطعم وقعدنا علي طربيزة الويتر جه وحط ورد قدامي _ يسيدي يسيدي حلو اوييي
النهارده كملنا سنة أنا مظبط الدنيا
_ سنة ياه مرت بسرعة اويي أنا لسه فاكرة يوم خطوبتنا الايام خفيفة وانت موجود يا احمد
_ أنا بكون عاوزة اقولك كلام كتير بس مبعرفش
قولي وانا هفهم
_ محدش استحملني قدك أنا لو فضلت اشكرك لسنين قدام هيبقي قليل عليك انت خلتني احاول عشان نفسي احاول اطلع نفسي من الدوامة الي كنت فيها خلتني ابص جمبي ألاقيك بدل ما كنت لوحدي يرتني قابلتك من زمان انت صلحت حاجات مش انت الي مبوظها حاولت في الوقت الي مكنتش حتي انا بعرف اخد قرار المحاولة انت راجل مفيش منك يا احمد أنا بثق فيك أنا مبقتش خاېفه وانت موجود أنا بحبك
_ احمد احمد!!
هو الاستاذ ماله
_ اغماء مهو مكنش ينفع اقول كل دا مرة واحدة
احنا لازم نروح البيت حالا
_ لسه متعشناش والله ريحة الاكل مجنناني
اكل أي دلوقتي انا عاوز اكتب الكتاب
_ ما المأذون موجود هيروح فين يعني استهدي بالله بس واقعد لازم نجرب الفراخ الي بتتشوي دييي
واتجوزنا! وثقت اخيرا في راجل ويبختي إن الراجل دا احمد منكرش إن كان بيبقي فيه بينا خناقات زي اي جوازة بس كان بيجي في اخر اليوم يحضني يحضني وانا غلطانة أو لاء يحضني بمناسبة أو من غير يحضني وبس .
بص يحبيبي احنا هنتفق اتفاق انت هتنام دلوقتي
لاء يبابي مش هنام لسه بدري
ضيق عينه وشوكلت
مستغل وطماع بس محتاجلك ماشي اتفقنا يلا نام
_ انت كنت في اوضه نوح بتعمل اييي
بنيمه
_ انت!! غريبه يعني دا انا ياما اتحايلت عليك
النهارده ايي
_ الحد
أنا يعني اتمني ابني مياخدش عقلك النهارده عيد ميلادك
الباب خبط وفتحه ودخل تاني دي تورتة من غير ارقام اهو
_ لو كنت حطيت السن كنت نكدت عليك نكد يا احمد!
كويس لحقت نفسك كل سنه وانتي طيبه يا اجمل ست في الدنيا
_ وانت طيب يحبيبي ربنا يخليك ليا
غمز أنا عملت
صفقه عشان الواد ينام ف ايي
_ انا يعني اتمني ابني مياخدش تربيتك
مريم سمير .
