اسكريبت جديد بقلم نانسي اشرف مكتملة

هو بصله بعد ما حسن دخل الاسانسير وابتسم
منور يا حسن انت متعرفش ان القديرة هيفاء وهبي قالت ان اما الشمس تروح ويجي بدلها نجوم يبقى دا وقت ايه يبقى دا وقت النوم يا حسن صحصح معايا كدا
وقفت شوية برا فبصلي بنفاذ صبر
طيب انا هضغط عالزرار واطلع انا وحسن بقا اصلي حبيتشه اوي
قبل ما يكمل كلامه دخلت 
بصلي وابتسم بانتصار 
مدينا احنا الاتنين ادينا على رقم تمانية 
بصيتله وبصلي لحظات بنفهم ايه الي بيحصل  
وسكتنا
ايه دا ! 
ايه  
الاسانسير مش ناوي يتعطل!
التفتله بكامل جسمي
انت اهبل يالا! 
غريبة
ربع اديه وبص قدامه
يعني في المسلسلات التركي لازم تتعطل في اول لقاء ويغمى عليكي بقا و اوعا ضيق التنفس وبتاع 
اممم وانت تيجي تشيلني مش كدا ! 
لا يا عسل العضمة تقلت والله
ابتسم وكمل ممكن اشيل حسن
بصيت بعيد عنه  
وبعد لحظة واحدة النور قطع 
وسمعته بيقول
سبحان الله حكمتك يا رب 
يخربيت سنينك! 
تلاقيكوا مدفعتوش الكهربا عمارة نتنة  
بشايرك يا قدم السعد
قولتها ووقفت بعيد
بالمناسبة العظيمة دي حبيت اشاركوا ساعة ونص من قصص ارواح في الاسانسير اتحداكي الا تترعب  
يا رب من بين الناس كلها اتحبس مع بيجاما تيركواز وشبشب بيبي بلو 
دا كروكس يا جهلة
بصيتله بقرف ومتكلمتش
يااااااه الموضوع دا بيفكرني بالي حصلي في صيف سبعة وخمسين 
محدش مهتم 
مش مهم هحكيلك بردو 
صبرني يا رب 
اشششششش   صيف تسعة واربعين
تسعة واربعين ايه وسبعة وخمسين مين انت عندك كام سنة ! 
تمانية وعشرين 
يا رب الصبر
طلع خليل حارس العقار وخبط على باب الاسانسير
حد چوه  
لا يا خليل يا حبيبي الأصوات دي تهيؤات من عقلك الباطن
ضړبته بكوعي في بطنه عشان يسكت 
الواد حسن ابني معاكوا يا بيه 
خبطت عالباب
ايوا يا خليل متقلقش عليه 
طيب هو الاسانسير هيتحرك دلوجت
وفعلا اتحرك اما هو اتنهد
في الحقيقة انا مش عارف لولا جملة أبوك دي كنت هعيش ازاي يا أبو علي 
محدوف علينا من انهي داهية انت 
ابتسم ببرائة مدينة نصر
وصلنا واتفتح الباب حاولنا نطلع انا وهو في نفس اللحظة فخبطنا في بعض 
رجع خطوة وهو بيبتسم وبيشاورلي اطلع فطلعت 
كان بيتحرك ناحية باب الشقة الي قصادي
على فكرة انا اسمي يوسف
فتحت انا باب الشقة وبصيتله وانا مسألتكش
قولتها وقفلت الباب ووقفت ورا الباب اكتم ضحكتي ونبضات قلبي من الي حصل 
بعد ما خدت الشاور كنت بمسح شعري المبلول وشوفت رسالة من رقم غريب 
بصيت عالصورة وابتسمت كان هو
اسمك حلو يا رقية
سيبت شعري وقعدت عالسرير جيبت رقمي منين !
من جروب العمارة سيبتهم بيتخانقوا مع خليل على فلوس الاسانسير ودورت عليكي 
طلعوا صاحيين يعني! 
مش عارفة انا كنت بدور على الي صحاني أنا
تاني يوم اتفاجأت بيه