اسكريبت جديد بقلم نانسي اشرف مكتملة

ايه دا ! اييييه داااا !
خرجت راسي من العربية وانا بتأمله 
شاب طويل ملامحه لطيفة شعره عشوائي 
وبيجاما تيركواز لا تليق بتاتا على لون بشرته القمحاوية
ايه انت! 
ايه انا !!! قوليلي لو عندك زفة بتوجبي معاهم الساعة اتنين ونص الصبح! 
مش لاقية مكان أركن فيه 
وانتي ايه يرجعك الساعة اتنين ونص اصلا!
انا كنت في عيد ميلاد اروى صاحبتي 
وهي اروى معملتش عيدميلادها بعد صلاة الضهر ليه اكيد اروى من ايجيبت 
لا على فكرة أ وانت مالك يا غتت بقولك مش عارفة اركن
مسح بكفه على وشه
في واحد متخلف خد مكاني في الصف 

مكانك فين 
شاورت على المكان فرجع يبصلي
ايه ! 
مالك بتعض بوقك كدا ليه ! 
انتي مش واخدة بالك ان الصف التاني فاضي ! 
فاضي! 
سبحان الله حكمتك يا رب 
لا انا مركنش الا هنا 
طيب 
جري ووقف في حته فاضيه جمب مكان الركنة بتاعتي الي متعودة عليها
اهو مكان اهو
ايوا فعلا 
سبحان الله حكمتك يا رب
بصيتله وسكت
متتحركي يا أمي ورايا شغل بكرا عاوز ادخل انام 
ايه  
لا انا عايزة اركن مكاني
ابتسم بغرور ورفع حاجبه 
فبصيتله بتوتر
ايه ! 
انتي مش عارفة تركني 
لا طبعا انا انا بعرف اركن وبركن كل مرة هنا
قرب من العربية وبصلي من الشباك
طب ما المكان التاني فاضي جمب مكانك الأصلي 
هه لا بردو 
طب انزلي 
لا مش نازلة
خبط على الباب وهو بيجز على سنانه وبيدخل راسه من الشباك 
رجعت براسي لورا
انزلي انا غبي وروحي في مناخيري 
ح حاضر والله
نزلت من العربية 
بصلي من تحت لفوق بقرف ودخل العربية واتحرك 
وبكل احتراف ركنها 
نزل من العربية بعد ما قفل فيها كل حاجة
اتركنت 
ايه دا بجد ! 
سبحان الله حكمتك يا رب
ورفع المفتاح وحدفهولي في الهوا فمسكته وقبل ما توازني يختل سندني
مبنعرفش نسوق بنركب عربيات ليه بنطلع من ام المطبخ ليه  
ام ! انت ڤالجر وبيئة 
معلش حصلخير
قالها واتحرك ومشيت وراه 
الغريبة اننا دخلنا انا وهو نفس العمارة 
بصينا لبعض من تحت لفوق وطلبنا الأسانسير
اتفضلي
لا اتفضل انت 
ماشي
قالها بحركة سينمائية ودخل
ايه دا ايه يا كابتن دا !!! 
ايه ! 
انا المفروض ادخل الاول
ماشي ادخلي في مكان 
ليه! ابن خالتي اركب معاك لوحدنا! 
وهو عادي تركبي مع ابن خالتك لوحدكوا! 
مدخلناش في تفاصيل 
مش عارف اجبهالك ازاي الحقيقة بس 
خرج راسه
 لو مش واخدة بالك مفيش غيرنا صاحي في العمارة كلها
طب هطلع أنا لوحدي وهنزلك الاسانسير 
لأ 
ايه الغلاسة دي 
ايوا انا غلس اه 
وغتت 
ماشي شغال
بصيت ناحية العمارة لقيت حسن ابن خليل حارس العمارة بيلعب  
ودا كان ولد صغنون بس بشوش روحتله وطلبت منه يركب معايا الاسانسير 
اما