حكاوي الادهم بقلم الكاتبه منه العدوي
المحتويات
من الجيران تحت بيقول..
الحق يا ادهم المدام حنين لسه بتتنفس انزل بسرعة ننقلها علي المستشفي..
نزلت بسرعة علي تحت وقربت منها لقيت ان جسمها واقع علي الرمل لكن كان للاسف الرمل مش كتير..
كنت مش قادر اتحرك من هول الصدمة..لكن صوتهم فوقني..يا ابني اتحرك بسرعة قبل ما ټموت واحمد ربنا ان ها وقعت من الدور الاول وكان في رملة وقعت عليها
رجعت من الذكري السيئة دي علي خروج الدكتورة من عندها قربت منها وسالتها بلهفة..طمنيني يا دكتورة هي بقيت عاملة اي دلوقتي
نزلت راسها وردت باسف..للاسف اللي كنت خاېفة منه حصل المدام دخلت في غيبوبه الواقعة كانت قويه علي راسها واضح ان اتخبطت في شئ جامد غير كدا واضح انها مستسلمه لكدا
رفعت راسها وردت بنبرة هادية..كل دا لا يعلمه إلا الله كل اللي عليك ادعيلها كتير اتنهدت وكملت..عشان حالتها محتاجة معجزة من عند الله
نهت كلامها وسابتني ومشيت قعدت علي الارض ومكنتش في ايدي شئ غير البكا واني ادعيلها
كنت ضاميمها جامد وانا ببكي بطريقة عمر ما حد بكي زيها بكاء هستيري مكنتش مصدق انها واخيرا فاقت وبقيت كويسة وبين ايدي..بقيت كويسة بعد خمس شهور من الدعاء والصدقات وعملت المستحيل عشانها
ملست علي شعري بحنان وهمست..اهدي يا ادهم انا هنا جنبك والله
وانا لسه ببكي..انا مش مصدق كنت حاس اني خلاص خسرتك انت مش عارفة انا كنت عامل ازاي من غيرك انا حياتي من غيرك ولا شئ
فجاة الباب اتفتح وسمعت صوت والدتها ووالدتي لكن مهتمتش
ضړبتني حماتي علي ظهري وهي بتتكلم بغيظ..ابعد يا واد عن بنتي عايزة
لفيت وشي ليها وبصيت ليها ببرود..دي مراتي ورجعت تاني لوضعي
بصت لينا بغيظ فحنين ضحكت عيونها دمعت..ربنا يخليكم لبعض ويبعد عنكم كل مؤذي
دقيقة بالظبط وسمعنا خبط علي الباب خفيف ومفيش ثواني ولقينا الباب اتفتح
سيبها يا ادهم
لفيت علي صوتها الهادئ وبصيتلها بعصبية..انت لسه مصدقة انها بتحبك لسه واثقة فيها برضه يا حنين بعد اللي حصلك
هزيت راسها يمين وشمال بهدوء..لا انا بقيت عارفة حقيقتها بس اتنهدت وكملت..بس سيبها تقول اللي عندها
ميلت راسها لتحت وبكت وهي بتكمل..بس اتمني تسامحيني و..
قاطعت كلامها..متكمليش لاني للاسف مش هقدر ارجع اثق فيك تاني مش هقدر اتقبلك كصديقة تاني انت اذيتيني وخدعتي ثقتي فيك بطريقة چرحتني انا مستحيل اتقبلك تاني كصاحبة واثق فيها مرة تاني
بكت وهي بتتكلم بشهقات..عارفة ومقدرة دا ومن حقك كمان بس اتمني تسامحيني علي اللي عملته فيك عشان لما اموت ابقي مرتاحه
بصيت ليها باستغراب فكملت..ربنا انتقملك مني يا حنين انتقملك مني اشد اڼتقام انا طلع عندي ورم في المخ يا حنين ورم في حاله متأخرة ودكاترة كتير عجزوا عن علاجي
كنت بصالها پصدمه من كلامها فكملت..انا مسافرة دلوقتي انا وبابا عشان هعمل عملية بس نسبه نجاحها معدومه اتمني تسامحيني يا حنين مش عايزة اموت وانا شايلة ذنبك في رقبتي
مصدومه مذهوله و للحق حزينه عليها..حاولت اقف
متابعة القراءة
