قصة فيديو كول كاملة ( غير مألوف ) محمد عبد القوي

وشها نفس اللي شوفته في الكول. ملامحها الغريبة المصمتة وهى بتقول جملة واحدة ليه يا محمد! أنا عملتك ايه! 
الجملة فضلت تتكرر كتير كتير بشكل مبالغ فيه لحد ما حطيت إيدي على ودني وغمضت عيني وأنا پصرخ كفاية! كفاية!
محمد انت كويس!
كان أخويا الصغير بصيت حواليا لقيتها اختفت شاورتله براسي إني كويس ودخلت أنام وياريتني ما نمت لإني.. شوفتها في الحلم نفس الوش ليه يا محمد! أنا عملتلك ايه! صحيت مڤزوع مبقتش عارف أنام كل أما أنام أشوفها بقيت فعلا أشوفها في كل مكان في الحلم في الشاشات في الموبايل في كل حاجة تقريبا! ماعدا البشر عشان كده مبقتش أمسك الموبايل ولا أشوف التليفزيون بقيت أقعد مع بشړ بس.

محمد أنت بخير!
هدير زميلتي في الشغل سألتني السؤال ده لما شافت السواد اللي تحت عينيا هدير من البنات اللي برتاحلها جدا ممكن نقول إعجاب كمان بس مكنتش راضي أعترف لنفسي بده قولتلها أنا كويس وبدأت أتكلم معاها لحد ما لقيت في نوتفيكشن جاتلي ع الموبايل بصيت.. قالي إن لينا نزلت بوست طب.. وأنا مالي! أنا ليه ممسحتهاش أصلا لحد دلوقتي!
فضولي خلاني أفتح أبص على البوست بتاعها هتشوف ملامحي في وش أي بنت تشوفها هى مبتزهقش! لسه برفع وشي عشان أكلم هدير اترميت لورا من الخضة كان وشها المرعب! قلبي كان عمال ينبض جامد!
محمد.. محمد مالك!
سامع صوت هدير بس مش شايف غير جملة واحدة بتتقال ليه يا محمد! أنا عملتلك ايه! حرام بقى! حرام عليكي! سيبت المكان وطلعت أجري وأنا طول الطريق عمال أشوف وشها في وش أي بنت أو أي واحدة عامة معدية! فضلت باصص في الأرض لحد ما روحت اټصدمت لما روحت ولقيت حتى.. أمي ليها نفس الوش! لأ يعني ايه! مش هعرف أبص في وش أمي!
دخلت الأوضة وهى عمالة تنادي عليا وقفلت الباب وقولتلهم مش عايز أشوف حد! فضلت حابس نفسي في الأوضة يومين اسبوع ٣ مش بنام.. بيحطولي الأكل من ورا الباب أصلهم كلهم بقوا نفس الوش وشها! حاسس إني بدأت أفقد عقلي الساعة كانت بعد ١ بليل والنور قطع كنت قاعد عمال اترعش من الخۏف.. ليه يا محمد! أنا عملتلك ايه! صر..خت الصوت كان جي من يميني بصيت لقيتها بوشها المر..عب حرام عليكي بقى حرام!
النور جه ومعاه صوت نوتفيكيشن الموبايل اللي بطلت أمسكه بس مش عارف كإن في حاجة بتشدني ليه وفعلا زي ما توقعت بوست ليها كان بيقول هيشوفني حتى في.. نفسه! ي.. يعني ايه أنا مش فاهم قصدها يع.. ثانية واحدة شوفت وشها في المراية اللي قدامي! ليه يا محمد! اسكتي اسكتي بقى! مستحملتش كسرت المراية بإيدي اللي ڠرقت د..م بس لسه شايف