قصه قصيره للكاتبة ايمان شلبي .... مكتملة ( نعمة و جودك )
المحتويات
اسكريبت بقلمي إيمان شلبي
انا اول مره اشوف بنت شغاله سواقه!
غمضت عيني وانا بخرج نفس بكل بطئ
بعدها ابتسمت بهدوء ورديت علي الشاب اللي كان راكب جنبي
اديك شوفت
مط شفايفه ورد بحيره
وايه اللي يخلي بنت زي القمر زيك تشتغل سواقه
الشغل مش عيب يافندم
هز رأسه بتأكييد
مش عيب طبعا بس انا شايف أن للبنات شغل معين
ابتسمت بسخرية ورديت وانا بلف يمين
وانا لاقيت شغل وقولت لا يا استاذ!
انتي خريجه ايه
رديت بأحراج
معايا ثانويه عامه
اممممم وعلي كده بقي مرتاحه في الشغلانه ديه
اخدت نفس عميق ورديت برضا
الحمد لله كل اللي يجي من عند ربنا رزق
انتي متجوزه
لا بس بصرف علي أمي وابويا
ربنا يخليهوملك
يارب
سكتنا شويه وكملت الطريق لحد ما وصلنا
نزل وشكرني وعطاني فلوس
كانت زياده عن المبلغ المطلوب!
حمدت ربنا وفضلت الف شويه بالعربيه
كان فاضل ربع ساعه علي الشيفت بتاعي
بصيت علي الفلوس اللي جمعتها النهارده ملقتهاش هتكفي علاج ماما اللي ب١٠٠٠ جنيه
ركنت علي جنب وسندت راسي علي الدريكسيون بتعب وإرهاقمكنتش عارفه هعمل ايه الظروف صعبه الشغل واقف المصاريف كتيره علاج ماما وبابا لازم يتجاب ضروري!
يارب انت اللي عالم بحالي يارب
ارزقني من حيث لا احتسب يارب مش علشاني علشان علاج امي وابويا اللي مليش غيرهم يارب انا عارفه انك سامعني وحاسس بيا ا.....
اطلع ياسطا بسرعه
بصيت جنبي بخضه وقلق لقيته بيبص ورا بتوتر ومن غير ما يبصلي زعق فيا
ياسطا بقولك اطلع بسرعه هنمۏت
رديت پخوف وانا بلف المفتاح
يالهوي هڼموت ليه
بصلي پصدمه واول ما عرف اني بنت لطم علي وشه
نهار اسود انتي بنت
مالها يعني البنت!
بص ورا كان في عربيه بتجري ورانا فصړخ پخوف
زودي السرعه
بلعت ريقي پخوف وزودت السرعه
هو في ايه يخربيتك
مش وقته ارجوكي اعملي اي حاجه و...اااااه
أتوجع پألم وهو بيحط ايده علي كتفه وانا صړخت پخوف اول ما العربيه قربت مننا وزنقت علينا
اسكت!
أبدا عملت فيها محمد رمضان قومت زنقت انا كمان عليها
نهار اسووووود يالهوي يالهوووووي منك لله العربيه باظت ياختااااي روحت في داهيه روحت في داهيه خلاص
ياستي اتنيلي زودي السرعه هجبلك غيرها
رديت بغيظ وانا بدوس بنزين
ياخويا اتنيل انت شكلك كحيان اصلا
كحيان!
كنت لسه هرد بس ضربوا علينا ڼار صړخت بړعب وزودت السرعه اكتر ومن توتري فضلت ادخل في شوارع كتير معرفهاش لكن مش مهم المهم دلوقتي اني ابعد عن المجرمين دول!
وأخيرا وبعد لف كتير وبعد ما العربيه اتدغدغت قدرت أهرب منهم
بصيت جنبي ولسه هزعق لقيته ساند رأسه علي الكرسي ومغمض عيونه وپينزف من كتفه
يالهوووي د ده ده شكله ماټ ياليلتلك الهباب يا إيمان ي....
انا مموتش بطلي ندب
قالها بتعب وصوت ضعيف وهو بيفتح عينه ببطئ
اخدت نفسي براحه
الحمد لله انت كويس
هز رأسه وهو بيرد بتعب
ش شكرا علي مساعدتك
رديت بضيق
انت اللي اقټحمت عربيتي وفجأه لقيت ناس بتجري ورايا فجريت من الخۏف وعيشت جو فيلم اكشن من بتوع محمد رمضان وحاجه في قمه العبط وبيتي هيتخرب وصاحب العربيه هيرفع عليا قضيه وامي وابويا هيموتوا من قهرتهم عليا و.......
بس بس ايه بالعه راديو!
هدفعلك تعويض
يابني تعويض ايه انت شكلك شحات اصلا انت هتحور عليا !
شحات!
بقولك ايه انا هعمل بأصلي وهوديك مستشفي ونكلم حد من اهلك وهمشي وربنا يعوض عليا بقي
هز رأسه بنفي وتعب
لا لا مستشفي ايه ا انا هنزل هنا كفايه اللي حصلك بسببي
عوجت شفايفي بسخرية
حساس اوي ياخويا اتنيل خليك هوديك المستشفي
اتنيل!
اتحركت بالعربيه وانا برد باستغراب
هو انا ليه كل ما اقول كلمه تستغرب ما تعيش عيشه اهلك يابني كلنا ولاد خمسه
تسعه
رديت بأحراج
خمسه تسعه واحد كلهم ارقام عديها
هز رأسه بيأس وابتسامه بسيطه وسندها علي الكرسي وهو بيغمض عيونه بتعب
وصلنا المستشفي كان فقد الوعي من التعب
مكانوش راضيين يدخلوني الا ما ادفع فلوس
طلعت كل الفلوس اللي معايا ودفعتها!!
من غير تفكير من غير زعل من غير خوف
بالرغم احتياجي للفلوس لكن انا عارفه ان ربنا هيعوضني خير
بابا دائما بيقولي
لو شوفتي اي حد محتاج
متابعة القراءة
