روايه كاملة للكاتبة المبدعه روان محمد مكتملة لجميع فصول الرواية حبيسه الارشيف

سنين خلتيه راجل .
بعصبيه وماله يخويا ابو عشر سنين هو مش محسوب ذكر ولا اى .
حاشا لله دا ذكر ونص كمان .
ايوا كدا اتعدل .
بس دى مش اوضتى .
مش مشكله المهم انها اوضه وانت راجل يبقى اى .
بهدوء عندك حق .
سكتنا تانى 
وبغبائى قطعت الصمت دا للمره التانيه وقولت 
انا جعانه اوى .
للاسف وانا كمان .
طب ما تقوم بعضلاتك دى اكسر الباب .
ضحك وقال انتى هبله دا باب جامد هما يعنى هيعملوا باب يتكسر اى حرامى يدخل يكسره ويسرقه .
يسرق اى دا ورق قديم كله ملوش فايده .
دا من وجهه نظرك انتى لو ملوش لازمه كانوا هيعملوا ارشيف ليه .
عندك حق .
وسكتنا تانى او تالت مش فاكره 
بقولك اى .
يبنتى انتى مش بتعرفى تسكتى دقيقتين .
علفكرا بقا انا بقالى كدا خمس دقايق او اكتر متكلمتش .
طب عايزه اى .
تفتكر كل اللى فى الشركه روحوا وسابونا .
اكيد روحوا الساعه دلوقتى ممكن تكون وسكت شويه يخمن واتكلم وقال ممكن تكون تمانيه مثلا .
يا نهار ابيض اتلاقى عيلتى قلقت عليا .
اكيد .
عيطت وقولت هو احنا ممكن ڼموت هنا ومحدش يعرف عننا حاجه .
يستى تفائلى خير ان شاء الله هنطلع من هنا وبطلى عياط بقا .
مسحت دموعى وقولت بس انا جعانه وفجأة صړخت بفزع .
______
فى مكان تانى 
يلهوى يا إبراهيم البت اتاخرت اوى وتليفونها مش بترد عليه .
اهدى يا ام فرح زمانها جايه .
بنتى اتخطفت يا إبراهيم وانت تقولى زمانها جايه ربع برودك يا أخى قوم دور على بنتك قوم .
قام وهى قامت وراه فضلت ټعيط فى الشارع وناس الشارع اتلموا عليها وهى بتقول بنتى اتخطفت يا ناس يارب احميها .
متقلقيش يختى ان شاء الله هترجع جات ام خالد وهى بتقول خالد كمان مرجعش لحد دلوقتى انا قلبى واكلنى عليه .
الستات اتلموا حواليهم وهى قعدت جنب ام فرح وبتقول مش بنتك شغاله مع ابنى فى الشركه .
ام فرح طب رنى عليه نطمن عليهم .
ام خالد ماهو تليفونه مقفول هو كمان يكونوا اتخطفوا سوا .
شهقات من النساء المتجمعه حولهم وبدؤا الثرثره يكونوا يختى هربوا مع بعض .
اتلاقيهم يختى بيحبوا بعض فى السر وبيتسرمحوا هنا ولا هنا وزمانهم جايين .
زعقت ام فرح فيهم انتوا بتقولوا اى يناس يا ناق..صه دى بنتى اللى مفيش فى اخلاقها فى الشارع كله تقولوا عليها كدا اخس عليكوا عالم وس..خه تعالى يام خالد ندخل جوا ودخلت هى وام خالد وقفلت الباب فى وشهم .
احد الستات شوفى يختى الوليه بتبجح فينا ولا اكن بنتها شيخه مش بتتسرمح مع خالد .
ست اخرى يستى دى فرح مفيش فى اخلاقها مش معقول تعمل كدا .
واحده اخرى ياما تحت السواهى دواهى ايش عرفك انتى .
كل واحده على بيتها ربنا يرجعها لامها بالسلامه هى وخالد بدل ما تقفوا مع جيرانكوا فى المحنه دى تتكلموا عليهم .
__________.
انت جيت يا حبيبتي احطلك تأكلى.
لا يا امى انا مش جعانه ودخلت الاوضه بتاعها
انا حاسه بالذنب ليه بس هى تستاهل خليها تتعلم الادب
فلاش باک .
بعد ما المشرف بتاعنا زعق ليها علشان لخبطت فى ورق الشغل لقيتها مشت وهى بټعيط ففرحت انه اتعامل معاها بالاسلوب دا وخاصه ان فرح عامله نفسها غلبانه وبنت سهتانه كدا فمشيت وراها لحد ما لقيتها وقفت ومسحت دموعها ودخلت اوضه الارشيف مشيت وراها براحه لحد ما سمعت صوت راجل معاها فى الاوضه بيزعق وبعد شويه الباب قفل جامد فقربت لقيتها بتقوله انت كويس فعرفت انها جايه لحبيب القلب فمشيت وانا عارفه ان اوكره الارشيف بايظه لانى اللى كسرتها قبل كدا بالغلط فقولت خليهم محبوسين شويه .
باک
____________________
بفزع وصړاخ شوفت اللى انا شوفته ومسكت فى ايده پخوف .
بص فى المكان اللى باصه نحيته وقال اهدى انا مش شايف اى حاجه .
مسكت فى ايده اكتر وهو كمان اتفزع لما سمع 
يتبع.
الحلقة