اسكريبت نكمل كلامنا مكتمل الاجزاء
فى الغالب اتكسفت
شكرا على الحساب اللى دفعته مع ان محدش طلب منك تعمل كدة
هى بتتلاعب بالكلام دلوقتى و لا انا بيتهيألى طيب .. و ماله
همست
شكرا انك ظهرتى اودامى اليوم ده
ابتسمت و مردتش
مستنى الدكتوراه
مظنش انك هتكون موجود هنا عشان تحضرها
بس انا مش راجع الاقصر تانى
بصتلى باستفهام فقولتلها و انا باصص ف عينيها
اممم .. بس الاقصر جميلة بردو .. ما يمكن ف يوم تحنلها و تحب ترجعلها
ما الحب الا للحبيب الاول
بصتلى باستغراب و ابتسمت و بعدت نظرها عنى و طبعا هى تبتسم من هنا و انا قلبى يرقص من هنا
طب مش ناوية تبعتى سلام لام بطوط
سلملى عليها و قولها تقول لابنها هو الشاى بلبن قصر معاه ف حاجة
ضحكة رقيقة طلعت منها نسيتنى عمرى اللى فات كله قالت برقتها اللى وحشتنى
ياريت ميكونش فى مراقبات تانى
سيبى كل حاجة للصدف
رفعت حاجبها و قالت
لما نشوف
بصتلها بحب و انا مبتسم براحة نفسية احتلتنى من أول ما شوفتها فى النادى بعدت نظرها عنى بخجل و ركبت عجلتها و مشيت بيها سرعتها مكانتش عالية فقدرت افضل ماشى وراها الليل محاوطنا .. و البدر و النجوم مزينين السما ..
و نجومه و قمره .. قمره و سهره
و انت و انا
يا حبيبى انا ... يا حياتى انا
كلنا كلنا .. فى الحب سوا
تمت ..
شكرا على تفاعلكو و تعليقاتكو القمر دى مستنية رأيكو فى الكومنتات
