اسكريبت رمضان كريم ( ١ ) بقلم ايمان شلبي كامل

بقولك ايه ياض انت كل سنه تطلع تقولي بنلم فلوس عشان زينه رمضان وفي الآخر مبشوفش غير فرع واحد علي اول الشارع واكتشف انك شاحته من الشارع اللي جنبنا!!!
انت بتشتغلني انا ياض مفكرني هبله
يا ابله انا مليش دعوه انا بلم الفلوس وبديها للواد حموكشه هو اللي بياخدها يجيب بيها فانوس للبت اللي بيحبها
سيبت هدومه وانا بحك راسي 

لا اذا كان بيجيب بيها فانوس للكتكوته يبقي معلش
ومسكته مره تانيه من التيشيرت بتاعه وانا ببرقله 
بقي حته العيل المفعوص ده مرتبط وبيجيب للمفعوصه اللي زيه فانوس !
هز رأسه بتأكيد
بيعملها بوكس رمضان 
كمان 
وانتي يا ابله جالك بوكس رمضان ولا لسه 
سيبت التيشيرت بتاعه وانا بشمر دراعي وببتسم ابتسامه صفراء
لا ياحبيبي مجاليش بس ناويه اديلك انت وحموكشه بوكس مش هتنساه طول حياااتك
خاف مني وطلع يجري وانا بجري وراه
خد ياض انت يااااض خد والنعمه ما هسيبك انت وحموكشه والمفعوصه اللي مرتبط بيها
بقي انا في السن ده ويضحك عليا وحياه امي مانا سيباك يا.....
وقفت كلامي مره واحده اول ما شوفت الواد حموكشه جاي من اول الشارع وماسك بنت فى أيده
بصيت علي ايديها لقيتها ماسكه شنطه كبيره فيها بوكس رمضان
قرب مني الولد وهو بيبصلهم بهيام 
شايفه يا ابله شكلهم حلو ازاي
هييييح عقبالي يارب لما الم منكم فلوس واروح اجيب بيها بوكس للكتكوته بتاعتي
رديت بتأثير مصطنع 
ياحياتي علي عصافير الحب 
ماشاء الله ربنا يتمم بخير
قرب مني حموكشه وهو بيبتسم بفرحه
ازيك يا ابله
ابتسمت ابتسامه صفراء 
ازيك ياحبيبي
بصيت البنت اللي كانت بتمدغ لبان 
ازيك ياكتوكته اتمني يكون البوكس اللي بفلوسنا عاجبك
بصت البوكس بفرحه 
اوي اوي ياطنط
رديت بتشنج وانا بسقف بردح 
طنط !
طنط مين يا ام طنط
حموكشه 
دي الأبله بتاعتي ياساندي 
باخد عندها دراسات 
شرحها حلو اوي 
هي بتزعق كتير معرفش ليه بس مش مهم
رديت بذهول 
وحياه امك متعرفش ليه 
يعني مش عشان انت غبي مثلا ومش بتذاكر
لا يا ابلللله لا انا بذاكر مع ساندي
وبصلها بهيام 
بس لما ببص في عيونها بنسي كل اللي ذاكرته
حطيت ايدي تحت خدي بتأثير 
يارووووحي تراني تأثرت لحظه ابكي
وفجأة قلعت الشبشب بتاعي وانا پصرخ في وشهم
عيونها 
عيونها ايه يا ابو عيونها روح اشرب لبن يالا 
ياض ده انت قالع البامبرز امبارح ياض
ياض ده انا بقالي خمسه وعشرين سنه محدش عبرني بفانوس ابو جنيه ياض
رايح تجيب للمفعوصه دي بوكس !!!
بوكسسس 
بقي انا اشتغل واتعب عشان في الآخر يتجاب بفلوسي بوكس
حسبي الله ونعم الوكيل اشوف فيك يوم انت وهي
كنت بقول كلامي وانا بجري وراهم حافيه قدام الناس كلها واللي معظمهم عارفني وعارف أني مجنونه
وان العيال بتخليني اټجنن اكتر يالا حصل خير
وقفني عم محمد صاحب السوبر ماركت اللي في وشنا وهو بيضحك
استهدي بالله بس يا إيمان يابنتي بتجري ورا العيال ليه
رديت بعصبيه 
الواد المفعوص ياعم محمد عنده كتكوته
رد بضحك 
عشان كده خارجه تجري ورا العيال وكمان بشعرك
برقت پصدمه وذهول وانا بحط ايدي علي شعري
نهار ملهوش الوااااان
قولتها وانا بجري علي البيت بتاعنا بعد ما كل الناس شافت شعري
وصلت البيت وقفلت الباب وانا بسند ظهري عليه وبجز علي اسناني بغيظ
غبيه غبييييه 
منك لله ياحموكشه الكلب انت والمفعوصه بتاعتك
وحياه امك الحصه اللي جايه هفقعك واحد امتحان هيخرج من نفوخك انت والمفعوص التاني صبرك بالله
خرجت ماما من المطبخ باستغراب 
انتي بتكلمي نفسك يابت
قربت منها بغيظ 
شوفتي ياماما اللي حصل
ردت بقلق 
ايه في ايه 
قربت منها وانا بتكلم بصوت واطي 
الواد حموكشه ياماما 
حموكشه مين 
ياماما ركزي معايا الواد حموكشه اللي بياخد عندي درس
ردت بضيق 
ايوه يعني ماله 
عنده كتكوته ولم مننا فلوس عشان يجبلها بوكس رمضان تخيلي
بصتلي لحظه وسكتت وبعدين عوجت بوقها بسخريه
حتي العيال المفاعيص ارتبطت وانتي لسه قاعده جنبي 
بذمتك مش مكسوفه من نفسك
رديت بذهول 
الاه
مسكتني من التيشيرت بتاعي بغيظ
بقولك ايه اعملي حسابك ده آخر رمضان ليكي هنا
ضحكت ببرود وانا بسحب من ايديها حته جزره وباكلها
ليه انتوا ناوين تعزلوا من هنا ولا ايه 
ردت بعصبيه 
لا ناوين نكرشك من هنا
واهون عليكي ياست الكل 
ااااه 
اصيل يابو رحاب
بصتلي بقرف ودخلت المطبخ وهي بترطن بغيظ
بصيت لآثرها وانا باكل ببرود 
بټموت فيا
الفون بتاعي رن 
كانت ريم صاحبتي
الو
بقولك ايه بكره تجي عندنا 
استرها علينا يارب عملتي مصېبه ايه
ردت بفرحه 
لا المره دي مش