روايه كاملة للكاتبة المبدعه جهاد عامر مكتملة الاجزاء

بتاعته تكون معاه ست بكل ما تعنيه الكلمة يعني لا تقف له الند بالند ولا تتكلم معاه كأنه واحد صاحبه ولا تهزر معاه هزار البوابين دا خليكي معاه دايما صاحب واقف ف ضهره برجولة و ف نفس الوقت واحدة تكفيه عن ستات العالم أجمعين..
خليه يحس إنه آدم اللي ربنا ماخلقهوش غير ل حواء و بس..
شكرته وفتحلي باب العربية واستنى لحد ما قعدت وظبطت نفسي وبعدين قفل الباب وركب هو
يخربيتك قمر ف الشكل وقمر ف المعاملة وقمر ف كل حاجة كدا.. يا جدع أحبك أكتر من كدا ايه يا جدع اتقي الله ف قلبي بقى
4 أوعي تصغري من الراجل أو تقللي من شأنه حتى لو على سبيل الهزار
الراجل راجل مش من حقك إنك تقللي منه أو تحسسيه إنك أعلى منه.. ومش معنى إنه بيحبك يبقى ضعيف.. بالعكس حبه واحترامه ليكي يزيد منه ماينقصش وحبك واحترامك ليه يعليكي ف نظره ويزود حبك ف قلبه أكتر خليكي عاقلة معاه والأهم من العقل خليكي بنت أصول..
في الحفلة..
كنا واقفين أنا وحور ويوسف و د. أحمد يبقى صاحب المستشفى اللي شغالة فيها وكمان يبقى عم يوسف و حسام وابنه أتنح شخصية ممكن تقابلها في حياتك.. عاصم وكان قاعد معانا آدم بس راح يكلم خالتو..
فجأة وبدون مقدمات سألني عاصم بابتسامة سمجة زيه كدا
ويا ترى الباشمهندس آدم بقى يا دكتورة هيعرف يعمل لنفسه اسم ووضع في مجاله بسرعة زي ما انتي ما عملتي لنفسك اسم ووضع لا يهتز بسرعة قياسية كدا ولا ايه!
حور كانت لسه هترد مسكت إيديها عشان تسكت وقولت
لا خالص مين اللي قالك إن آدم محتاج يعمله اسم ووضع! آدم بالفعل له اسمه وله وضعه و مش بس گمهندس لا كمان گراجل له كلمة زي السيف ومتواضع بيساعد كتير من الشباب بعلمه وشغله شاب رغم صغر سنه و رغم إنه ابتدا من الصفر في بلد غريبة عليه مايعرفش فيها حد كان في ظرف أربع سنين عمل شركة معمارية لها تقلها و رغم دا كله كمان لسه بينزل وبيشتغل مع العمال بنفسه وماعندوش نقطة التكبر والعجرفة زي بعض الناس المتخلفة واللي بتكون وصلت لمكانها دا بمساعدة أبوها يااا دكتور عاااصم... واهاا على فكرة أنا لولا آدم بعد ربنا ماكنتش بقيت دكتورة حواء اللي لها اسمها ووضعها زي ما حضرتك بتقول.
خلصت كلامي وهو القطة كلت لسانه.. أحسن عشان يبقى يجيب سيرة آدم على لسانه تاني الفاشل دا..
وسيبتهم وطلعت بحجة إن الجو خنقة وعايزة أشم هوا.. وماخدتش بالي باللي كان واقف ورايا.. بيبتسم!!!
الجو انهاردة مغيم أوي شكل السما زعلانة زيي وناوية تفضفض عن نفسها وټعيط.. بس أنا مش عايزة أعيط انهاردة.. أنا محوشة العياط كله ف قلبي عشان اليوم اللي أكون فيه مع آدم أعيط على كتفه.. مش عايزة حد يطبطب على كتفي غيره.. ولا حتى أنا!!
_ السما شكلها هتعيط انهاردة هتراضيها ازاي!
كنت واقفة مغمضة عيني شميت ريحته قريبة مني ف عرفت إنه ورايا وابتسمت لما سمعت كلامه.. لسه فاكر!!!
ماردتش عليه ف وقف جنبي وبص ع السما وقال
_ لما كانت تمطر وأنا مسافر كنت ببتسم وأسأل نفسي يا ترا انتي بتراضي السما ازاي دلوقتي يعني جيبتي شيكولاته وكلتيها بدلها رغم إنك مش بتحبي الشيكولاته! ولا قعدتي تغني لها لحد ما تخلص مطرة أو عياط زي ما انتي بتقولي! ولا روحتي تصلي وتدعي ربنا يخفف عنها!! 
كنت بريئة أوي يا حوااا وانتي صغيرة..
بعدين بص ليا وقال
عارفة!! انتي لسه لحد دلوقتي بريئة على فكرة بس الاختلاف إنك كنت بريئة وبتحبيني.. لكن دلوقتي بقيتي بريئة وأنا اللي بحبك...
لساني اتعقد وماعرفتش أرد.. أول مرة اسمعها منه في الحقيقة مش في مجرد حلم من أحلامي اللي بقالها سنين ودلوقتي أخيرا ... اتحققت!!!
_ ساكتة ليه! انتي بجد مش عايزاني! بجد مابقتيش بتحبيني يا حوااا!
صعب عليا وأنا شايفاه حزين وقلقان كدا والأهم..صعبت عليا نفسي فاتكلمت وماحستش بالخنقة اللي باينة ف صوتي جدا
بعد ايه! هاه.. بعد ايه! 
انت أتأخرت أوي يا آدم.. مش يوم ولا شهر ولا حتى سنة! 
انت أتأخرت أربع سنين... أربع سنين ماشوفتكش ولا