روايه كاملة مكتملة لجميع فصول بقلم ندا زايد (ليلي و زين)

1
الجزء_الاول
وصلت عند بوابه كبيرة نزلت من عربيتي وقربت بهدوء لاقيت حرس كتير وبادي جاردز من اللي بنشوفهم ف الافلام قربت من واحد منهم وسالته في هدوء
_ ياتري عمو سالم موجود 
عمو 
_ قصدي سالم باشا الچارحي موجود 
اه يافندم موجود نقوله مين 
_ ليلي ...دكتورة ليلي
اتكلم في جهاز لاسلكي كدا وكاني داخله احارب مش داخله لمريض معرفش ليه بابا حطني في الموقف دا مكنتش حابة اجي هنا ولا اعطل وقتي في مساعدة شخص واحد في حين اني ممكن اساعد اشخاص كتير في الوقت دا فقت من سرحاني علي صوت الحارس وهو بيفتح البوابه وبيؤمرني اني ادخل... دخلت لاقيت ممر كبير اوي وعربيات وشجر وورود لحد موصلت لبوابه البيت او دا مش بيت دا قصر انا عارفه انهم من اغني الناس في البلد بس متخيلتش انهم زي بتوع الافلام لاقيت حرس تاني فتحلي الباب دا وقالي ادخل وان سالم باشا جاي حالا ..اتحركت بهدوء ودخلت تقريبا كل حاجة في البيت دا حلوة جدا من اول الستاير والسجاد والنجف لحد الصالون والسفره والحاجات الكتير اللي مش عارفه مين بيقعد علي كل دا بس البيت دا ناقصه حاجة ناقصه روح ....قربت من باب ازاز كبير كان باب جنينه تقريبا كان فيها ورود بكل الالوان تقريبا شكلها كان مبهج اوي شفت فراشة بتطير تقريبا نسيت نفسي اما شفتها كنت لسه بفتح عشان ادخل اشوفها سمعت صوت وقفني مكاني 

انتي مين  
لفيت وبصيت لمصدر الصوت لاقيت شاب طويل عنده دقن خفيفة وعيونه حادة اوي لابس تيشرت اسود وبنطلون جينس والحقيقة ان جسمه واضح انه رياضي جدا كانه مرسوم علي المسطرة بلعت ريقي بصعوبه من نظراته وحاولت اجمع كلامي اللي تقريبا نسيت نصه 
_ انا ... 
بس قبل مااكمل كان هو بيسابقني بالكلام    
انتي اي وازاي ډخلتي هنا اصلا ومين سمحلك  من الباب دا انا تقريبا مشغل معايا بهايم مش حرس 
كمل جملته وهو بيعدي من جمبي وبيقفل الباب بعصبيه وكاني كنت هسرقه مش بس فتحته طريقته استفذتني ودا اللي خلاني استجمع نفسي تاني 
_ اولا خلي عندك زوق البهايم اللي حضرتك بتتكلم عنهم مش هتلاقيهم هنا اللي برا دول بني ادمين واه شايفين شغلهم كويس هما لو غلطانين فهيبقوا غلطانين انهم شغالين مع واحد زيك اصلا 
رفع حاجبه وباصلي بنظرة حادة وقال بصوت هادي 
زيي انا 
_ اه زيك انت واحد معندوش زوق وسوري يعني لو قلت معندوش عقل كمان لان طبيعي بكميه الناس اللي داخله حرب برا دي مش هبقي داخله من غير مايبقي صحاب المكان عارفين 
ابتسم ابتسامه خفيقة والحقيقة معرفش ليه ابتسم او يمكن دي ابتسامه سخريه انا مفهمتش هي اي بس الحقيقة انها بينت انه عنده غمازة حلوة اوي 
طب ممكن اعرف بقي حضرتك تبقي مين وجايه لمين هنا 
_ انا...
وقبل مكمل كنت سمعت صوت عارفاه كويس 
ليلي  
بصيت ناحيه الصوت وابتسمت وجريت عليه وانا بكمل كلامي 
_ عمو سالم وحشتني جدا 
خدني   وطبطب عليا وحسيت انه فعلا مبسوط انه شافني تاني 
لازم يعني تجيلنا بصفة رسميه مينفعش تزوري عمك تتطمني عليه خالص يعني 
_ حضرتك عارف يعمو والله الشغل عامل ازاي وانا مبلحقش اروح حتي اسال صاحبك مش محفظك كل حاجة ولا اي 
غمزتله بعيني مع اخر جمله قلتها وهو بصلي وضحك 
لسة زي ماانتي لمضة ياليلي لندن مغيرتكيش لا 
_ عيب عليك دا انا تربيتك 
سمعت صوت همهمة بصيت ناحيه الصوت لاقيته لسة واقف مربع ايديه وباصصلنا مفهمتش هو باصص باستغراب ولا مستمتع بشكلنا نظراته حقيقي مش مفهومه لاقيت عمو سالم بيتكلم 
تعالي يازين قرب اعرفك دي ليلي او نقول دكتورة ليلي بنت عمك صبري عياد صاحب العمر وعشرة سنيني انتوا اتقابلتوا قبل كدا بس كنتوا صغيرين اوي معرفش انتوا فاكرين ولا لا 
لاقيت زين بصلي وابتسم نفس الابتسامه الهادية اللي مش مفهومة مد ايديه ليا 
اهلا وسهلا 
_ اهلا بيك 
سحبت ايدي بسرعه معرفش ليه اما مسك ايدي قلبي اترعش او .....
ليلي هتقعد معانا فترة يازين انا خليت دادة هنية تجهزلها اوضتها فوق عشان