روايه كاملة للكاتبة ايمان شلبي رؤية شرعية
المحتويات
فين
انا هنا ليه
انا بحلم ولا ده حقيقه
ايه تحطيم الاحلام ده
يعني انا كل احلامي أصبحت سراب
كانت كلها اسئله جت في بالي في الثانيه الواحده
كلها اسئله محتاجه الاجابات!
بصيتله وانا برد بتوهان
بنتك ازاي
بلع ريقه وهو بيفرك في أيده بتوتر
ا انا كنت متجوز و و...
وايه
رد بحزن وعيونه بتلمع بالدموع
كنا عايشين اجمل ايام حياتنا
لحد ما جت سلمي بنتي من يوم ولادتها ومراتي تعبانه
كان عندها کانسر بس مقالتليش
حاولت اكتر من مره أقنعها نروح نكشف لكن كانت بترفض لأنها عارفه أن هي عندها الکانسر
وفي يوم تعبت اوي واغمي عليها
حاولت افوقها لكن للاسف مكانتش بترد عليا
اخد نفس طويل وهو بيكمل بصوت مبحوح
الاسعاف جت اخدتها
وقتها الدكتور خرج قالي البقاء لله
حياتي وقفت من بعدها ياملك
بنتي فضلت شهر معرفش عنها حاجه
كنت متدمر
مكنتش باكل ولا بشرب كنت عايش علي مهدئات
كنت بهرب في النوم عشان تجيلي في الحلم
بعد فين وفين حاولت اقاوم عشان بنتي
جبالها اكتر من ناني في البيت عشان تراعيها وقت ما بكون في شغلي
لكن هي كانت رافضه وجودهم
كانت كل ما تكبر تسأل عن مامتها
مكنتش ببقي عارف هقولها ايه
لما كبرت شويه وبدأت تستوعب عرفتها أن هي ماټت
وقتها حالتها كانت صعبه اوي
اخدت اجازه من الشغل وحاولت اكون معاها يمكن اقدر اهون عليها بس للاسف مقدرتش
اكتر من حد قالي اتجوز
جايز مراتك تقدر تتقرب منها
بس كنت خاېف
مش واثق في حد
لحد ما شوفتك !
معرفش ليه انتي الوحيده اللي شوفتها ام تانيه لسلمي
لو اني عارف أن مفيش حد ممكن يعوض الام
لكن عارف ومتأكد أن مفيش زي قلبك وحنيتك
بصي ياملك انا مش بغصبك توافقي
انا عايزك تفكري كويس اوي وتحددي هتوافقي ولا لا
ليكي كامل الحق انك ترفضي طبعا
هكون اكتر من مبسوط لو وافقتي تشاركيني الجاي من عمري انا وبنتي ونكون بيت سعيد مليان دفي وامان اساسه وجودك معانا
يتبع
نعم موافقه
ليه توافقي علي حاجه زي كده فيكي ايه ناقص عشان تتجوزي واحد كان متجوز وعنده بنت
قعدت علي الكنبه وانا ببص لماما بهدوء
ارجوكي ياماما تفهميني انا....
قاطعتني بعصبيه وهي بتهبد علي الكرسي
افهم ايه
كل حاجه واضحه زي الشمس انتي موافقه تتجوزي واحد ارمل وعنده بنت وانتي حتي متخطبتيش
ليه تعملي كده في نفسك عشان ايه
واحده محترمه متعلمه جميله
فيها كل المواصفات اللي اي شاب اعزب يتمناها
اتقدملك عرسان اشكال والوان احسن من البيه ده
اشمعني ده هو اللي وافقتي عليه
رديت بنبره صوت أوشكت علي البكاء
لاني حبيته
ابتسمت بسخريه
حب
حب ايه يام حب
هو انتي تعرفي عنه ايه عشان تقولي حب
ده مجرد دكتورك !
انتي هتشتغليني يابت
رديت بدموع
ماما لو سمحتي كفايه
انا مش صغيره ومسؤوله عن قراري ده
بصت لبابا اللي كان قاعد ساكت ومراقب نقاشنا
عاجبك اللي بنتك بتعمله ده
اتنهد ورد بهدوء
بنتك مش صغيره ياثريا
سيبيها تختار اللي هي عايزاه
وبعدين بصراحه انا مش شايف عيب في الولد
شخص محترم ومتدين ودكتور في الجامعه
والبت مرتحاله
ردت ماما بعصبيه
مختلفناش بس هو مش عايز يتجوز بنتك عشان جمال عيونها
ده عايز يتجوزها عشان تربيله بنته عايز ناني للبنت
وتولع حقوقها هي !!!
رد بابا بعقلانية وهدوء
وهي موافقه بكده وانا مقدرش اغصبها علي حاجه
اظن بنتك كبيره وعاقله وفكرت في قرارها قبل ما تاخده
بصيت لي پغضب وعصبيه
اتفلقي واعملي اللي انتي عايزاه بس مترجعيش تعيطيلي في الآخر
بصيتلها بدموع ودخلت
متابعة القراءة
