روايه كاملة للكاتبة اميره اسامه (دياب ولمار)

هقدر ادي فيه حاجه وبما اني ظابط شاطر فا ممكن اكون شاطر في اي حاجه مش قادرين يستوعبو ان كل واحد ليه الحته بتاعته..
لمار...عندك حق.
دياب...بس وطبعا انس صاحبي واخويا وعشره عمري ليا صحاب كتير ومعارف اكتر بس انس هو الاقرب ليا... انا كده خلصت تقريبا ده كل حاجه عن حياتي الشخصيه..يلا دورك.
لمار....ماشي....
طبعا انت تقريبا عارف حاجات كتير عني اكيد عرفت من التحقيق فا احسن انك تسألني .
دياب...التحقيق حاجه والاعده بتاعت الدردشه بينا دي حاجه تانيه...اعتبريني ياستي معرفش عنك حاجه خصوصا اني ممكن اسالك سؤال متحبيش تردي عليه فانا هسيبك تقولي اللي انتي عايزه تقوليه عشان بس تعرفي اني ديمقراطي..
ابتسمت...لمار...ماشي...
لمار...انا اسمي لمار خالد البنهاوي..
عندي 18 سنه او خلاص يعني قربو يخلصو انا هكمل 19 كمان كام يوم يوم 28 1 عيد ميلادي.
دياب...كل سنه وانتي طيبه..
لمار...بابتسامه شكرا...
لمار....عايشه مع ماما وبابا بابا اهله في بنها كنا كل فتره بنروح نزورهم بس فترات طويله وافتكر اخر مره زورناهم كنت انا عندي تقريبا 12 سنه...حتي ماما اهلها من القاهره...كان ليها اخت واحده واټوفت من زمان وكان ليها ابن...ماما كانت ديما تسأل عليه بس اتجوز وسافر السعوديه وعايش مع مراته...تقريبا كده يعني انا مكنش ليا غير ماما وبابا...وطبعا كارمن... كارمن بقي دي هديه ربنا ليا معوضاني عن حاجات كتير اوي. مش عايزه اتكلم كتير عشان متحسش اني بقول فيها شعر...بس دي حقيقه كارمن هي حياتي كلها..عوضتني عن الاخوات لاني وحيده...عوضتني عن ولاد الخاله والخال والعم والعمه هي كانت كل ده. حتي انا بالنسبالها كنت كل حاجه...
تقريبا كنا بنعمل كل حاجه مع بعض حتي دراستنا كنا شاطرين جدا وديما نطلع من الاوائل وجبنا في ثانوي مجموع كويس ودخلنا هندسه يمكن الهندسه دي كانت حلمي ...والحمد لله قدرت احققه كارمن كمان كانت شاطره اوي ورغم الاحباط الدائم من والدها بس قدرت تتخطي ده كنت انا وماما وبابا بندعمها ديما. وبنقف معاها لحد ما دخلنا مع بعض هندسه وكأن ربنا مش عايز يفرقنا ابدا...بس تقريبا دي كل حاجه عن حياتي...
دياب....والدتك تعبت من ايه
لمار.....سكتت شويه.
وكملت بارتباك...معرفش..
دياب...باستغراب.  متعرفيش تعبت من ايه.
لمار...اقصد يعني قدر ربنا عايز كده
دياب...ونعم بالله...بس اللي انا عرفته من التحريات عنك وعن اهلك..بتقول غير كده انتي مامتك صحتها كانت كويسه وعمرها ما اشتكت من حاجه...وتقارير حالتها بتقول ان الجلطه اللي جتلها وسببتلها شلل وفقد للنطق سببها نفسي وان في احتمال ضعيف تخف بس ده يعتمد على حالتها النفسيه.
لمار...مش احنا قولنا ننسى التحقيق..
دياب...تمام بس ده مجرد اجابه على ردك عارف انه قدر بس اكيد فيه سبب.
لمار...ماما فعلا كانت كويسه وطول عمرها كانت صحتها تمام...يعني وقبل ال.....سكتت لمار شويه..وفضل دياب باصصلها وشايف ملامح الحزن اللي باينه على وشها.
لمار...قبل الحاډثه بفتره ماما تعبت تقريبا اربع شهور وفجأه صحينا لقيناها مبتتحركش خالص وبنكلمها مبتردش مكنتش بتعمل حاجه غير انها بصالي وبتعيط...نقلناها المستفي وهناك عرفنا انها جالها جلطه سببتلها شلل رباعي...يعني فقدت الحركه التامه...حتي النطق... ووقتها عرفنا من الدكتور ان في سبب قوي وصلها للحاله دي وفعلا قال ان في احتمال ضعيف انها تتحسن بس موجود...
دياب...طيب ومين وصلها للحاله دي تقريبا مفيش غيرك في حياتها انتي ووالدك..
لمار....بشروود معرفش بس كل اللي اعرفه قبل ما يحصل كده احنا كنا اسره بسيطه مفيش في حياتنا غير الحب والضحك والهزار..او يمكن.....
دياب...يمكن ايه...ليه سكتي كملي..
لمار...يمكن قبل الحاډثه انا كنت فاكره اننا كده...ويمكن كمان ساعة ما ماما تعبت مكناش لاقين سبب او بطريقه ادق...مكنتش انا شايفه ان كلام الدكتور صح...وقت ما عرفت قولت ده بيخرف وعشان مش قادر يلاقي سبب لتعب ماما قال اي حاجه...يعني كنت شيفاه بيجود...اصل كنت هصدقه ازاي وانا شايفه اننا اسره سعيده...مفيش في حياتهم اي حاجه وحشه...وقتها مكنش عندي سبب لحاله ماما ..لحد ما اكتشفت يوم الحاډثه بنفسي السبب اللي عمل فيها كده قبل الحاډثه باربع شهور....
دياب....وهو ده السبب اللي خلاكي تقتلي والدك صح
لمار...ظهر علي وشها...تقسيمات انزعاج 
لمار...من فضلك اقفل الموضوع ده..انت وعدتني انك مش هتتكلم فيه تاني
دياب...انا وعدتك اني مش هكلمك فعلا...بس انتي مش صعبان عليكي والدتك وصحبتك اللي واضح من كلامك انها ملهاش غيرك...
انتي ازاي مش قادره تفكري فيهم..
لمار....انت متعرفش حاجه...يمكن السبب الاول اللي مخليني رافضه الكلام...هو امي....لاني لو اتكلمت مفيش حد هيتضر غيرها...وانا استحاله اعمل كده كفايه اللي هي فيه..
دياب...طيب هي عارفه السبب.
لمار....ايوه ويمكن لو هي في حاله غير اللي هي فيها كانت اتكلمت...بس لاول مره احمد ربنا علي حالتها عشان متتكلمش
اما كارمن...صدقني لو هي بټموت عشاني مره فانا بمۏت عشانها فاليوم مېت مره....كارمن حياتها صعبه اوي ومحتجاني انا عارفه بس مقدرش دي امي...كارمن...ۏجعاني اوي بس انا متلجمه صدقني ڠصب عني...صدقني انا بحبهم اكتر ماهما بيحبوني...بس مش قادره...وفجأه لمار وهي بتتكلم ودموعها نازله مسكت قلبها..
لمار...اااه.
دياب...بفزع...لمار انتي كويسه...
لمار...مكانتش قادره تاخد نفسها وحاسه ان روحها بتتسحب...
دياب...قام  بسرعه واعد علي ركبته قدامها ومسك ايدها...لمار ردي عليا حاسه بايه...
لمار...باصه بشرود في الفراغ دموعها نازله ماسكه قلبها بتتنفس بسرعه..
دياب....لماااار ردي عليا قوليلي مالك.
لمار...كارمن كارمن يادياب...
دياب...مالها كارمن..
لمار...كارمن محتجاني. قلبي مقبوض وبيقولي انها مش كويسه.
دياب...اهدي انا هخليكي تسمعي صوتها زي ما وعدتك....بس ارجوكي اهدي هنكلمها من الرقم التاني الخاص بالشغل بس اوعي تتكلمي يالمار...اوعي
لمار....رغم ۏجع قلبها بس حست بفرحه...انها هتسمع صوت كارمن وهزت راسها لدياب.
سابها دياب...وقام عشان يجيب تليفونه 
.......... .
اما عند كارمن...الليل دخل عليها ومكانتش شايفه اي حاجه مفيش غير ضوء القمر يادوب ظاهر بسيط من وسط الغيوم..ومفيش غير صوت الهوا والموج...البحر بليل كان عليي شويه وابتدت الامواج توصل للصخره اللي هي اعده عليها هدومها اتغرقت بقت متلجه وجسمها كان بيترعش بطريقه قويه....حاولت تأعد علي ركبها عشان ترفع نفسها شويه من الميه لكن كانت الاعده متعبه بالنسبالها...فضلت دموعها نازله وحست للحظه انها فقدت الامل ومفيش ادامها غير انها ترجع.
وفجأه
ظهرت ادامها لمار وظهر انعكاس ملامحها علي البحر ...اقسمت كارمن في داخلها ان لو كانت لمار بنفسها واقفه مكانتش هتبقي بالوضوح ده....رجفه اصابت جسدها بالكامل..
شعور بالخۏف مع الفرحه...لمجرد انها شافتها...
كارمن....بصوت اشبه بالهمس لماااار..
لمار....وحشتيني...
...انتي هنا معايا طب ازاي..
لمار...انا معاكي علي طول..
كارمن...وهي دموعها نازله..بس انتي مۏتي
لمار....بس وعدتك اني مش هسيبك وديما هكون معاكي ومفيش حاجه هتبعدني عنك ولا حتي المۏت..
كارمن...بس انا محتجاكي يالمار...انا ضايعه من غيرك خلاص يالمار انا اټدمرت وفقدت الامل في كل حاجه..
لمار.....وانا معاكي ياكارمن..وطول ما انتي عايشه مينفعش تفقدي الامل...
كارمن...ومين قالك اني عايشه انا خلاص مېته. مش قادره اكمل حتي يوم ما قررت اهرب.  مش لاقيه راحتي ومفيش ادامي غير اني ارجع لبابا واتجوز ووقتها حياتي هتنتهي بجد...انا حتي الاڼتحار فاشله فيه يالمار.
لمار....اوعي ياكارمن تفكري في كده واوعي ترجعي ابدا..
كارمن...بس انا مش لاقيه مكان اروحه ومعرفش حد غيرك...
لمار....اقوي ياكارمن عشان خاطري...انتي مش ضعيفه .. انتي بس لسه مشوشه. ومش عارفه ترتبي افكارك..
كارمن...طب قوليلي اعمل ايه..ساعديني..
لمار....كلميه ياكارمن وهو هيتصرف....
كارمن...هو مين...
سكتت لمار وابتسمت وابتدت صورتها تختفي في وسط الامواج...
كارمن.....بدموع لمار لا خليكي