قصه كاملة للكاتبة فاطمه ابراهيم (ولنا في الحلال لقاء)
المحتويات
أنتي بتستهبلي صح
في ايه ي يوسف !
في ايه ي يوسف متعرفيش في ايه ي هانم !
فرح يعني عريس
طبيعي
فرح يعني فستان حلو وميكب يخليكي حلوة اكتر ما انتي قمر كدا
بإبتسامة متكسفنيش بقي
وبما أنه فيه عريس يبقي أكيد فيه أخو العريس وصاحب العريس وعادل ابن طنط مديحة صاحبة ام العريس ودول كلهم هيشوفوكي مش كدا !
خليهم يعملوا فرح إسلامي وانا وأديكي ولا هو لازم اختلاط وقلة أدب
يوسف امشي روح نام كان عندي حق أني أرفض الجوازة دي والله
بتقولي حاجة!
بكلم نفسي فيها حاجة دي واعمل حسابك من بكرا هجيب معزتين اسرحهم في البلكونة اهو تطمن معنتش اتعامل مع بنأدمين خالص
بعيون حمرة ووش أحمر من الڠضب كلمة كمان ي يوسف وھقتلك وهقتل نفسي وهقتل طنط مديحة
أنا نازل عاوزة حاجة
بعدم اهتمام وهي باصة في الفون لأ مش عاوزة
يشاور بإيده قدامها متأكدة
تقوم بسرعة في ريحة برفان ع غير العادة وايه القميص والبنطلون دول من أمتي يعني وأنت بتغير أستايل لبسك لكاجول كدا
خلصتي تحليلك للبس خلاص عن أذنك بقي اتأخرت
بصوت أعلي يظهر مثلا انك ناسي ان النهاردة السبت اجازة من شغلك
لأ مش ناسي ومقولتش أني رايح الشغل ممكن أمشي بقي
بعند ودا يخصك في ايه مثلا يعني
بغيظ يوسف متستهبلش قول أنت رايح فين
من أمتي وأنت بتخرج في يوم أجازتك يعني
لا والله ع أساس أنك عارفة كل تحركاتي ولا ايه
المفروض بتشتغل خمس أيام واجازة جمعة وسبت أيام الشغل بتخلص وبتيجي تاخد شاور وتنزل تقعد في الكافيه انت وصحابك وتطلب شاي بلبن وتتغلب في دور الكوتشينة زي كل مرة وبالليل كنت بتفضل لازقلنا في الشقة بحجة تزاكر معايا عنيك كانت بترشق في كل حتة ماعدا الكتاب! بصراحة اللبس دا مش لبس قهوة خالص وانهاردة مفيش شغل يبقي ايه
بتوتر قصدك ايه يعنى
يعدل القميص بكبرياء أحم إعجاب مثلا أو ح..
متكملش بقولك ايه انت تنسي كل إلا بتفكر فيه دا مفيش حاجة منها صح أصلا
بقي كدا !
أيوا ودي الحاجة إلا المفروض تبقي عارفها كويس
ايه دا انت مكنتش خارج !
بما أنك عارفه كل تحركاتي فهو الطبيعي أني أكون في البيت وانا غلطان أني فكرت أخرجك نتغدي برا
أييه قولت ايه انا سمعت غلط غدا انت قولت غدا
سيبي القميص مكلبشة في دراعي كدا ليه
يوسف رد عليا علشان خاطري هتغدينى برا ! بس دا بمناسبة ايه ! لا انهاردة عيد ميلادي ولا الفلانتين ولا حتي عيد تحرير سيناء !!
هاهاها دمك يلطش
حبيبي ربنا يخليك قول بقي بمناسبة ايه
بمناسبة أنك ... أييه انتي قولتي ايه !
قولت بمناسبة ايه
لأ إلا قبل كدا حبيبك !
انت شكلك بتهلوس ي يوسف
لا والله ماشي المهم يعنى انا فكرت نخرج انهاردة نتغدا برا علشان أعوضك عن فرح صحبتك إلا مرحتهوش دا
بفرحة وابتسامة بجد ي يوسف انا مش عارفه أقولك ايه صحيح مفيكش ميزة واحدة ترضي ربنا بس بصيص من الأول لسه موجودة
بصيص ! عارفة ي ملك ايه الا مصبرني عليكي لعند دلوقتى أنك مراتي صحيح مش فاكر لا فرحنا ولا أزاي الچريمة دي حصلت بس اكيد دي نعمة من ربنا لاني لو كنت فاكر كنت اڼتحرت
بتحاول تبوض الخروجة بكلامك دا بس برضو هنخرج تلات دقايق بس وهكون جاهزة ي جو ي قمر أنت
ملك فينك يبنتى هو أحنا مينفعش نشوفك غير في المناسبات
متابعة القراءة
