قصه كاملة للكاتبة سولييه نصار (زوجي المحب)
المحتويات
الفصل الاول
حلمت أنك پتخوني ..
اه احنا هنبدأ فقرة النكد ولا ايه ...افتكرت ان نكدك بيخلص قبل المغرب انتي شغالة فترة ليلية الايام دي يا غادة...
قولتها وانا بهزر فزعقت هي
جمال أنا مبهزرش !!قولي مين دي اللي كنت پتخوني معاها في الحلم ...
حطيت ايدي علي وشي وقولت
يا حبيبتي انتي مصحياني تلاتة الفجر عشان تسأليني السؤال السخيف ده !!
سخيف!!خېانتك ليا بقت سخافة!!
ضړبت كل علي كف وانا بقول
يارب الرحمة من عندك ...يا حبيبتي أنا خنتك امتي حابب افهم...انتي من كتر شكك فيا بتهلوسي اني بخونك ..أنا اصلا معنديش وقت ليكي هجيب من فين وقت للتانية...
بس أنا حلمت...
ضړبتها علي كتفها وقولت
نامي ربنا ياخدك يوميا فزعاني ومنكدة عليا عيشتي أنا راجل جذمة اني اتجوزت ...كان مالي ومال الجواز يا ربي ...
قالتها وهي بتطبطب عليا فقولت
ابعدي ايدك يا ست انتي وكملي نومك يمكن تعرفي خنتك مع مين يمكن تعرفي اسمها ايه
ولسه هنام خبطتني علي كتفي وقالت
نعم يا اخويا وانت عايز تعرف اسمها ليه!!
بصتلها وقولت وانا بغيظها
عشان لو كانت واحدة حلوة تجيبي رقم تليفونها واهو يبقي الحلم حقيقة ...
تاني يوم صحيت وروحت الشغل قبل ما هي تصحي ...وفطرت نفسي عشان لو صحيتها هتنكد عليا وانا مش ناقص ...
صحيت غادة وقامت روقت البيت بسرعة وفكرت هتجهز ايه للغدا ...بس برضه موضوع جمال شاغل بالها ...متعرفش ليه في احساس جواها بيقول انه بېخونها ...هي بصراحة مبتثقش فيه وبصراحة متعرفش ليه !رغم ان جمال عمره ما خاڼها ...ده حتي ميعرفش أشكال صاحباتها ايه ...رجل متدين وفي حاله حتي شغله مش مختلط بالستات ومن الشغل للبيت للجامع وهكذا ...بس بصراحة مفيش راجل مثالي كده ...هو أكيد ممثل كويس ...ضړبت علي صدرها وقالت
وبعدين راحت اتصلت باللي ممكن يساعدها ...
يا غادة طيب انتي ايه پتبكي دلوقتي
قالتها ميار صاحبتها وهي بتحضنها ...
فقالت غادة
اكيد بيخوني يا ميار وانا زي الهبلة بطبخله وبغسله ..
مسكتي عليه دليل
طب سمعتيه بيكلم حد
لا
طيب الفيس بتاعه او الواتس عليه بنات ..
مسحت عادة دموعها وقالت
هو بصراحة أنا معايا الفيس والواتس بتاعه ولا مش بيكلم الا اخواته البنات ...
اتعصبت ميار وقالت
اومال يا حبيبتي هيخونك ازاي ...في الحلم مثلا ..
بكت غادة وقالت
الرجالة ملهمش امان...انتي ذات نفسك قولتي كده يا ميار ...
عشان أنا قفشت جوزي كذا مرة بيخونني لحد ما اتطلقت منه ...لكن انتي جوزك ما شاء الله بيحبك وبيصونك ..فمتخربيش علي نفسك يا حبيبتي ..
بس أنا مش مطمنة
اتنهدت ميار وقالت
طيب عايزة تعملي ايه ..
بصتلها غادة وقالت بحماس
ايه رأيك تكلميه انتي كانك واحدة معجبة بيه وتحاولي توقعيه وهو كده كده مشافكيش قبل كده !!!
الفصل الثاني
اعقلي يا غادة ايه اللي انتي بتقوليه ده عايزة تخربي علي نفسك!!
قالتها ميار بعصبية لكن غادة اصرت عليها ...كانت لازم تتاكد ان جوزها مش خاېن والا مش هترتاح ...فضلت غادة تقنع في ميار اللي كانت رافضة واخر ما زهقت ميار وافقت علي جنانها وهي بتدعي ان ربنا يسترها ...
مر يومين وغادة راضية عني اوووي لدرجة انها اللي بتقوم وتفطرني من غير أي نكد ...يارب استر أنا ھموت ولا ايه ...غادة بجلالة قدرها تتخلي عن النوم وتقوم تحضرلي فطار...لا ده كرم أنا مقدرش عليه بصراحة ...غادة اخرها ټحرق دمي ...تنكد عليا...تكرهني في صنف الستات ..بفضلها فعلا مش بخونها لاني مش متخيل ان بعد المرار اللي انا شايفه معاها هبص لست غيرها ...
في يوم كنت قاعد علي الفيس بقلب فيه عادي لما جالي طلب مراسلة ...فتحته ولقيت واحدة اسمها ميار طالبة تتعرف عليا ...من غير ما افكر عملت بلوك ..لا شكرا يا ميار عندي واحدة عملالي صداع مش عايز صداع تاني ...وبعدين قومت عشان أنام...
بقولك عملي بلوك ...جوزك راجل يا بت امسكي فيه ...ده أنا بحسدك عليه يا منيلة متبقيش عبيطة ...
قالتهالها ميار لكن غادة
متابعة القراءة
