قصه كاملة للكاتبة هاجر موسي (انت)
المحتويات
كنت مبسوطه انه هيخرج خلاص هيبقى معايا
رجعنا البيت وقالى مدام خلاص رجعنا انا عايز اتكلم معاكى ف حاجه ي نسمه
سالته ايه هى قالى بليل هتعرفى
جه بليل وقالى تعالى ي نسمه ..
...
روحتله وقعدت معاه .. قالى انتى عارفه انى تعبان بقالى سنين .. وانتى بنتى الوحيده وانا مش عارف انا عايش لبكره ولا لا .. متقوليش انه كلام كل اب وتعترضى جواكى .. بس انا فعلا خاېف عليكى .. انا وانتى عارفين انه خلاص محمود اتجوز .. ومفيش امل ان اى حاجه تتصلح .. وانا ربيتك ع انك متضعفيش وتواجهى كل حاجه بنفسك من صغرك .. وعارف انك هتعدى المرحله دى .. وانا من اسبوعين ابن عمتك اسلام وهو بيزونى ف المستشفى كلمنى عنك .. وانه عايز يخطبك وانا قولتله يستنى نتكلم ف الموضوع ده لما اخرج .. وانا موافق عليه ي نسمه ومش شايف ان هو وحش وكمان شخصيته كويسه وانا اللى مربى وانا ي بنتى مش هفرضه عليكى .. بس عشانى انا اقعدى معاه واتخطبوا فتره ولو مرتحتيش هقفل الموضوع وهو فاهم ده
بس ازاى بابا يقولى كده وهو عارف ان محمود كان مهم عندى اووى !!
انا مقدرتش ارفض وقولتله ان شاء الله ي بابا
عدى كام يوم واحنا ع نفس الحال مفيش جديد .. لحد ما جه بليل وقالى اسلام جاى انهارده ي نسمه
كنت متوتره جدا اليوم ده ومش عايزه اشوفه فعلا ..
الجرس رن وانا بفكر.. قومت وفتحت الباب ماهو انا مش ف دماغى انه عريس عقلى رافض ..
سلمت عليه ودخل وبابا خد ماما عشان يعملوا حاجه لاسلام يشربها
مكنتش بصاله ولا بتكلم ..
قالى نسمه انا عارف ان محمود كان خطيبك وعارف بتحبى من قد ايه ..
وانا مش بقولك اتخطبى ليا بالعافيه والله ..
وبعدين مهما حصل هتفضلى نسمه اللى كنت برخم عليها وهى صغيره هههه
خلانى ضحكت
قالى مدام ضحكتى يبقى هقوم امشى انا بقى وهقول باباا انك موافقه .. D
مشى وملحقتش ارد !! ده بيهزر ولا ايه !!
بس انا كنت حاسه انى كويسه مع الفكره ف سكت
عدى كام يوم لاقيت بابا بيقولى اسلام جاى انهارده بليل ي نسمه
جه اسلام والمرادى قعدنا ف البلكونه
قولتله ايه ي بنى انت مصمم ندخل البلكونه ليه
قالى اصلا عايز اتفرج ع انمي بتابعه ومكنتش عايز حد يسمع .. وانتى مش هتفضحينى طبعا هههههههه 3
قولتله بجد .. انت بتابع
قالى اه طبعا .. انتى بتحبى الانمى
قالى خلاص هنتفرج سوا بعد كده ..
واحنا بنتفرج ع الانمى لاقيت محمود واقف وبيبص علينا
اسلام قالى الانمى خلص خلاص تعالى ندخل ..!
دخلنا وقالى انه هيمشى
مش فاهمه هو هيغير ولا ايه !!
دخلت نمت وصحيت تانى يوم لاقيت ماما بتقولى ان محمود ونرمين فرحهم بعد يومين ..!
وكان ده يوم الخميس ..
قالتلى احنا هنروح ها ..
قولتلها ان شاء الله 3
قومت صليت وفضلت ادعى ربنا بالخير ..
لاقيت اسلام جه ..
خرجتله وقولتله انت هاتيجى كل يوم ولا ايه
كشړ بعد ما كان بيضحك .. قالى تصدق انا غلطان كنت عاملك مفاجاه
انا ماشى ..
لاقيت بابا خرج وقاله اسلام استنى عشان عايز اتكلم معاكوا ..
قعد بابا وقاله بص ي بنى انت كده خلاص خطيب بنتى .. ناقص الدبل ..
ودى هنروح نجيبها انهارده باذن الله
وتانى حاجه بقى ان فرح محمود بعد يومين واحنا اتعزمنا وانا مش هقدر اروح وانت عارف تعبى ..
ف هتروح مع نسمه وامها وهتاخد بالك منهم ..
مشى بابا وسبنى كده بصيت لاسلام وقولتله دبل ايه انا معرفش !
قالى والله ولا انا ههههههه
بس انا مش شايف ان ف مانع احنا ماشين كويس وفعلا ناقص الدبل ..
قولتله طبعا ايه المفاجاه
قالى جبتلك السلم والتعبان عشان نلعب هههههه
قولتله انت بتهزر صح
قالى لا والله وراح مطلعه من الشنطه D
قولتله والله كان نفسى العبه
متابعة القراءة
