قصه كاملة للكاتبة ايمان شلبي (وصيه جدي)
المحتويات
ليك هتأثر عليك بالشكل ده اسف اني كنت بلغي رأيك وشخصيتك وباخد قرارات تهمك من غير ما ارجعلك فيها اسف اني كنت بقلل منك قدام الناس وبضربك حتي لما كبرت اسف اني ضيعت عليك حلمك انا مستحقش ابقي اب انا......
قاطعه وهو بيميل علي أيده وبيبوسها بدموع
متقولش كده يابابا انت احسن اب في الدنيا
انا مسامحك مش زعلان منك صدقني
اترمي في حضنه
في مشهد خلي كل اللي واقف يعيط من قلبه
حتي جدي اللي مش بيتهز من اي موقف دموعه نزلت
دلوقتي آن الأوان تعرفوا الحقيقه
كلنا بصينا لجدي باستغراب وتساؤل
حقيقه ايه ياجدو
حقيقه اني كاتب الورث من زمان اوي من قبل ما تتجوز انت وروان ياهشام
نعم اومال ليه كذبت علينا
نغير من بعض في ايه مش فاهم
كان في اعتقادي أن روان بتحبك وهتقدر تتحملك وتفضل وراك لحد ما تبقى شخص تاني راجل وقد المسؤوليه وانك هتستحمل طباعها اللي محدش قدر يستحملها زي التسرع والعصبيه والدبش!!
كنت فاكر أنكم بتحبوا بعض فهتقدروا تتحملوا بعض لكن للاسف طلعت غلطان
مفيش حد بيستحمل اللي معاه إلا لو كان بيحبه
وانا مكنتش مضطر استحملها لان مفيش جوايا اي مشاعر
من نحيه روان كل اللي يربطني بيها هي صله الډم وبس
بصيتله والدموع بتلمع في عيني
وقتها افتكرت الكلام اللي قولته من تلت سنين
وقتها بس قدرت احسن بنفس الشعور اللي حس بيه لما خرج مني كلام يشبه الخڼجر المسمۏم!
اول ما دخلت وقفلت باب الشقه
اڼهارت قوتي
انهار ثباتي الانفعالي
انهار كبريائي
ومبقاش إلا ضعفي وندمي وقله حيلتي وفوق كل ده مشاعري المكنونه لهشام
بليل كنت قاعده منعزله في اوضتي
رافضه الاكل والكلام والخروج
رافضه اعمل اي حاجه
الباب خبط
مسحت دموعي وسمحت للي برا يدخل
قعدت علي طرف السرير وبصتلي من غير ما تنطق بحرف
في ايه ياماما بتبصيلي كده ليه
روان عايزه اقولك حاجه
رديت بتوتر وقلق
ق قولي
حطت وشها في الأرض وهي بتفرك ايديها وسكتت
في ايه ياماما قولي
رفعت عيونها في عيوني
هشام
قلبي اتنفض علي ذكر اسمه ورديت بصوت مهزوز
م ماله!
خ خطوبته
رجوعه مكانش اشتياق لينا زي ما احنا فاكرين
كان راجع عشان نحضر الخطوبه ويبان قدام الناس عنده اهل وبعدها خلاص هيمشي تاني
غمضت عيوني جامد وعيطت
فضلت اعيط بكل ما املك وجسمي بيتنفض مع كل ثانيه بتمر
مكنتش قادره اتخيل أنه هيبقي لحد غيري
انا فعلا حبيته اكتر من اي حد في العالم
لكن كنت غبيه وساذجه ومقدرتش احافظ علي الحب ده
القسۏه في العلاقات قادره تهد كل المشاعر في لمح البصر
حقيقي احساس الندم مفيش اپشع منه وخاصه بعد فوات الأوان!
لسه بتحبيه ياروان
عمري ما بطلت احبه
كان بأيدك تحافظي علي الحب ده
رديت بصوت مبحوح
ماما لو سمحتي اخرجي وسيبيني لوحدي
بس.....
ماما ارجوكي عشان خاطري سيبيني
خرجت ماما من هنا ونفسي راح من هنا!
حسيت الاوضه ضيقه
حسيت العالم كله ضاق عليا ومبقاش فيه نسمه هواء
خرجت اقف في البلكونه وياريتني ما خرجت
لقيته واقف في بلكونه بيتهم اللي كانت جنبنا
كان ساند أيده علي السور وباصص قدامه وسرحان لدرجه انه محسش بوجودي
مبروك
فاق من شروده وبصلي وسكت لحظه بعدها اتنهد ورد ببرود
الله يبارك فيكي عقبالك
ياتري بتحبها
ابتسم بخبث وسند بأيده علي السور
لو مش بحبها هخطبها ليه
عرفتوا بعض ازاي
بص في عيوني ورد پقسوه وقله ذوق
اعتقد شيئ ميخصكيش عن اذنك
هشام
سامعك
انت لسه زعلان مني ا انا اسفه و والله ما كان قصدي اجرحك و ...
قاطعني بجمود
اللي بيتكسر مش بيتصلح يا روان
لا بيتصلح و وممكن يرجع احسن من الاول كمان
احيانا بل نادرا اللي بيتكسر بيتصلح
لسه فاكر كل كلمه وكل نظره اتقالت في اليوم ده كأنه امبارح
احساسي بالعجز والضعف كل ما اشوفك او اسمع صوتك بيتجدد
عشان كده كان من الأفضل ليا وليكي البعد وللأبد
عن اذنك تصبحي علي خير
اختفي من قدامي وانا واقفه ببص لآثره بقهره وكسره عمري ما حسيت بيها في يوم
نعم انتي مجنونه هتحضري خطوبته!!!
ايوه يا عبير هحضر
يابنتي بطلي جنان مينفعش تحضري
لا هحضر وهبوظها وهطفش العروسه
هشام مش هيكون لحد غيري مش هيكون لحد غيري انتوا سامعين
روان انتي كده انانيه
لا انا مش انانيه انا بحبه محدش هيحبه
متابعة القراءة
