قصه كاملة للكاتبة سولييه نصار (داليدا)

ايدي علي بوقي وصړخت 
حرام عليك اتقي الله ..
اخرسي ..
صړخ وضړبني لحد ما وقعت علي الأرض ...بصيت حواليا لقيت نفسي في الاوضة اللي هو بيحبسني فيها عشان يعاقبني ...هزيت راسي وقولت
لا لا ابوس ايديك ...
سحب حزامه وقال
المرة دي هيكون العقاپ شديد شوية ..
وبعدين رفع الحزام وفضل يضرب فيا وانا اصړخ من الالم ...فضلت اصړخ واصړخ لحد ما صوتي راح ...
بعد نص ساعة كان خلص عليا ...
كنت متكومة علي الأرض وانا مش قادرة حتي اعيط واطلع صوتي ...
وقف هو وبيبصلي وقال
مبسوطة بشعرك ...مبسوطة وانتي بتغري الرجالة ....شعرك عاجبك ...ماشي أنا هريحك منه خالص ...
وبعدين اختفي شوية وجه وهو معاه مقص ...
لا لا يا علي متعملش كده ابوس ايديك...
أنا كنت بحب شعري اووي وعلي عارف كده عارف اني عمري ما قصيته ولا هقصه ....
انا هقصه وارتاح ...
لا يا علي لا ...
شدني من شعري وانا پصرخ واعيط وبترجاه ...قص جزء بسيط منه وبعدين رجع وهو بيضحك بشړ
خلاص مش هقصه كله ...عشان للاسف أنا بحبه ...بس المرة الجاية لو كررتي غلطك انا هخليكي قرعة...
رماني لحد ما وقعت علي الأرض وقال
هتقعدي هنا اسبوع ...مش هتخرجي الا للوضوء أو الاستحمام ...والأكل هيكون رغيف وطماطم بس لحد ما تتعلمي الادب ....
وبعدين خرج وقفل الباب وسابني مڼهارة من العياط ...فضلت اعيط وادعي ربنا أن ينقذني منه ...مش مصدقة اني في يوم حبيته ...بس هو وراني وش لطيف ومعاملة طيبة في الخطوبة لدرجة اني حبيته ...حتي بعد الجواز كان بيتعامل معايا كويس بعد ما ماټت جدتي وشه الحقيقي ظهر ..وش بشع مخيف وشربني العڈاب الوان ...بس انا قررت خلاص مش هكون سلبية بعد كده ...مش هسكت عن حقي ...انا قررت اهرب منه ...قررت اهرب بعيد وربنا هو اللي هيتولاني ..اني اترمي في الشارع اهون من الذل اللي أنا شايفاه ....
مرت الايام بطيئة وانا بفكر في خطتي واللي بتترسخ في عقلي يوم بعد يوم ...اقتنعت أن ده الحل الوحيد ..
اخيرا بعد اسبوع خرجت من السچن ده ...
وبدأ طبعا يعتذر كالعادة ويقول إنه بيحبني وبيعمل كده عشان بيغير عليا بس برضه كنت مصممة اهرب أنا حاولت كتير اغيره وخلاص أنا فقدت الامل فيه ...
فضلت يومين انفذ اللي بيقوله بالحرف وانا علي وشي ابتسامة ولما كان بيشتمني لو اتاخرت عليه في الاكل كنت بعتذر بهدوء مكنتش عايزاه يشك فيا .. 
في اليوم اللي قررت فيه اهرب كنت بعمله عصير يشربه ...طلعت من جيبي الحبوب المنومة اللي بيأخدها احيانا لو عنده ارق وبعدين دوبت حباية في العصير كفيلة تنومه للصبح وبعدين اديتله العصير ...
بعد دقايق كنت بلم هدومي في شنطة صغيرة ...روحت للدولاب وفتحت بالمفتاح اللي اخدته منه الدرفة وطلعت شبكتي اللي خافيها عني وهربت من البيت ...هربت وانا حاسة كأني عصفور اتحرر من القفص بتاعه!!
تاني يوم ...
قام علي وهو مخضوض ...دور في البيت كله وفتح الدولاب وعرف اللي عملته 
داليدااا ھقتلك يا داليدا!!
يتبع
الفصل الثالث
بعد شهر ....
قدام المرايا كنت بضبط نقابي عشان اطلع...كنت حاسة بسلام أن اخيرا أحوالي اتضبطت بعد ما اتبهدلت اسبوع في الشارع لحد ما قابلت ست بنت حلال ..الست منيرة اللي رضيت تأجرلي اوضة عندها بعد ما عرفت ظروفي ايه ...وقالت أنني قريبته من بعيد واديتلها ايجار بسيط بعد ما أنا اصريت اديها فلوس والنهاردة قررت اروح وادور علي شغل ...اكيد مش هعيش علي الفلوس اللي معايا من بيع الشبكة طول حياتي ...ضبطت النقاب وخرجت 
السلام عليكم يا ست منيرة ..
قولتها وانا نازلة من اوضتي اللي فوق السطوح وقابلت الست منيرة ...
ابتسمت منيرة وقالت
وعليكم السلام يا جميل ...ايه اخبارك النهاردة !
ابتسمت وقولت
الحمدلله رايحة ادور علي شغل ادعيلي ...
رفعت الست منيرة ايديها وقالت
ربنا يكرمك يا داليدا وتلاقي الشغل اللي محتاجاه يارب ...ويبعد عنك ولاد الحرام ...
اهو انا محتاجة الدعوة دي .....
قولتها ومشيت ...كنت ماشية في الشارع وانا حاطة وشي في الارض بدعي ربنا اني الاقي شغل مناسب ليا....
كانت الست منيرة بترتب البيت لما خبط الباب فجأة...سابت اللي في ايديها وراحت تفتح الباب لقيت مني جارتها واقفة ..
اتفضلي يا ام عماد ...
دخلت مني وقفلت