قصه كاملة للكاتبة لؤلؤه محمد (جميله و لكن)
المحتويات
مكنش عندنا شقه في مصر احنا كده كده مسافرين كمان اسبوع
مامت ياسر كانت ست طيبه وكانت بتعاملي كويس وماما حبيبتي كانت بتتصل بيا كل يوم
عدي الاسبوع وسافرنا الكويت ومكنش هاممني حاجه ولا اني اول مره اطلع بره مصر ولا اني حسيب ماما لوحدها كل اللي كنت بفكر فيه اني حبقي مع ياسر علطول
سافرنا وكل يوم كنت بحبه اكتر وفكره انه حيموت بتسيطر عليا اكتر عدي شهرين وبعدها حصل اللي كنت خاېفه منه.
الفصل الرابع
ياسر ماټ
ياسر اللي حبيته وتعلقت بيه ماټ واحده واحده ماټ
بقى انسان تاني مش هو اللي عرفته وحبيته بقى يغيب بره البيت بعد الشغل بالساعات وناسي اني لوحدي في بلد غريبه معرفش فيها حد
بقى يرجع من الشغل ميتكلمش معايا ويفضل ماسك تليفونه بالساعات في الاول كنت بحسبه بيشتغل لكن عرفت بعد كده انه بيعرف بنات ويقولهم انه مش متجوز
مكنتش عارفه اعمل ايه اقول لماما طب حتعملي ايه دي ممكن ټموت من خۏفها عليا
قررت اتصل باخويا الكبير بس لقيته بيقولي شوفي انتي مقصره معاه في ايه خلاه يبص بره
صدمتي في اخويا كانت أكبر من صدمتي في ياسر
انا کرهت ياسر وکرهت نفسي لحد ما فكرت اني اڼتحر او اقتله
حياتي معاه تحولت من ايام كلها حب لأيام كلها ضړب وزعيق
وجالي حاله عصبيه بقي كل لما يجي جمبي اعيط واصوت
اول مره افتكر اني بمثل بس لما الموضوع اتكرر وجابلي دكتور عرف ان عندي ازمه عصبيه
ماما اتفاجأت بيا بخبط عليها بعد ٦ شهور بس من جوازي جايه بشنطتي ولوحدي.
ماما تعبت جدا من زعلها عليا وفضلت انا جمبها اهتم بيها وبعد فتره لقيت حماتي جايه بتقول اني انا السبب واني كنت بعمل حاجات غريبه وبصوت وان ممكن اكون ملبوسه وان ياسر قد ايه اتعذب معايا ومشفش يوم حلو معايا
هو ممكن يكون في ناس كده بيقلبوا الحقايق ويكدبوا بالشكل ده
ماما قالتلها خلاص زي ما دخلنا بالمعروف نخرج بالمعروف
وفعلا أطلقت.
ورجعت الكليه كانت الحل الوحيد علشان انسى اللي حصلي
وفي الكليه مقلتش لحد اني كنت متجوزه
هو شاب محترم وشكله مؤدب وكان بيطلع الأول على الدفعه بس هو ميعرفش حكايتي وكمان انا مش حقدر احب تاني قلبي مبقاش حمل حب وۏجع تاني
روحت البيت وانا بفكر اعمل ايه انا لسه صغيره وماما بقت ست كبيره ومش حتعيشلي العمر كله حعمل ايه وانا لوحدي واخواتي كل واحد ملهي بحياته
وفي عز ما انا بفكر أوافق على العريس ولا لا رن تلفوني.. وكانت المفاجأه
يتبع
الفصل الخامس
رديت على التليفون..
لقيت ياسر بيقولي سامحيني يا جميله ارجوكي تسمعيني انا مش عارف اعيش من غيرك
انا مردتش بكلمه واحده قفلت التليفون وقعدت اعيط
ليه تاني يا ياسر راجع تاني ليه عاوز ايه عاوز تدمرني اكتر من كده ايه ليه ده انا لسه كنت حفتح قلبي لايهاب ليه تفكرني بكل الۏجع اللي فات..
رحت تاني يوم الكليه وقابلت إيهاب وحكتله على كل حاجه وقلتله قد ايه انا اتعذبت
لقيته بيقولي انه متمسك بيا وعمره ما حيتخلي عني وانه حيعوضني كل اللي انا شفته وقاسيته مع ياسر
روحت البيت وقعدت افكر في إيهاب انا مش بحبه ومش حاسه باي حاجه اتجاهه.
ولقتني برد على نفسي وبقول فيها ايه ما انا حبيت قبل كده وايه اللي حصل كانت اسوء تجربه ممكن اي بنت تمر بيها
دخلت على ماما وقلت أحكلها على إيهاب
_ بجد يا جميله يارب يا بنتي يعوضك ويسعدك وتبدئي حياه جديده مع واحد ابن حلال يصونك
_ بس ده لسه طالب يا ماما ومعندوش شقه ومستقبله لسه مش مضمون
_ وايه يعني يا حبيبتي ما
متابعة القراءة
