إسكريبت بقلم رنا يحيي

دخلت الأسانسير لقيت ولد لابس فورمال ومتشيك قولت أكيد رايح يعمل انترفيو زيي
متقلقش خليك واثق من نفسك متتوترش
هو باين عليا للدرجادي
للأسف مينفعش يبان عليك قدامهم خد شهيق وزفير الموضوع مش موتر خليك واثق إنك هتتقبل واتكلم بثقة بس وكل حاجة هتبقى تمام
وصلنا للدور الي فيه الأنترفيو
شكرا
ابتسمت وخرجت من الاسانسير وقاعدين مستنين يتنده علينا
استاذ يوسف
ايوا أنا
لما تخرج ممكن متمشيش عايزة اقولك ع حاجة
حاضر
ماما رنت عليا وفضلت تدعيلي وتديني نصايح وتفكرني ب أني مميزة وأني لو متقبلتش في ألف شركة يتمنوني!
حاضر يحبيبتي متقلقيش المهم يماما
ايوا يحبيبتي
كان في ولد معايا ودخل يعمل انترفيو كان متوتر أوي ممكن تدعيله
ضحكت وقالتلي وانت من امتى بتهتمي بالرجالة يرنا دانت تطيقي العمى ولا إنك تشوفي راجل
ماما أنا هقفل قبل ما اتعصب سلام
خرج وأنا دخلت وراه
أول سؤال اتسألته
عرفيني عن نفسك
بدأت اتكلم واتكلم عن نفسي واحكي عن المهارات الي بحب اطورها فيا والحاجات الي بعملها
شايفة نفسك فين كمان خمس سنين
الحقيقة كنت بضحك من جوايا ع الاسئلة الي ملهاش علاقة بشغلي بس لازم يقولها ف كل انترفيو!
خرجت ولقيته فعلا مستنيني
يوسف عملت إيه
بصلي بفرح وقال اتقبلت
حقيقي فرحتي مكنتش سيعاني يمكن فرحتله أكتر من نفسي!
وانا كمان
كنت عيزاني ليه
عشان لو مكنتش اتقبلت كنت هديك قايمة فيها كذا شركة تانية تقدم فيهم
طيب بمناسبة إن وشك جميل عليا ممكن اعزمك ع حاجة
امممم اديني وقت أفكر ممكن يلا بينا
نزلنا ودخلنا الكافيه وطلبنا
قولتيلي بقى خريجة اداب لغة عربية
أيوه
كان حلمك هي
قولت بابتسامة راضية تعرف إن كان حلمي ألسن ولكن ربنا مأردش فضلت حزينة شهور لحد ما دخلت كلية الاداب وأنا مكنتش طايقة فيها نفسي ولا طايقة سيرتها بس بعدين عرفت إن اختيار ربنا وعوضه أفضل كتير حقيقي وتفوقت في الكلية وخدت كورسات لحد ما بقيت شاطرةيمكن لو كنت دخلت الكلية اللي أنا عيزاها مكنتش هبقى شاطرة فيها او أي حاجة تحصل مهما كان اللي حصل نقول الحمدلله ونكمل فيه منيأسش أنا اتعلمت كده من صغري وهعلم ولادي كمان كده أنا رغيت كتير صح
ضحك لا ابدا أنا مستمتع انت شاطرة فعلا يا رنا
ابتسمت شكرا وأنت ناوي على ايه
أنا يستي ناوي اكمل في الشركة دي إن شاء الله واكتسب خبرات عشان ابتدي افتح شركتي الخاصة وهجيبك تشتغلي معايا
أنا لو منك اجيبني برضو أنا شاطرة أوي
ضحك جامد شاطرة ونرجسية كمان
لا لا مليش في النرجسية الشخص النرجسي ده توكسيك خالص يا يوسف تعرف كده
ايوة اتعاملت معاه كتير بس أنا مبهتمش طالما مش بيأذيني
ولو آذاك
ضحك لا هتشوفي يوسف تاني خالص
خلصت الميلك تشيك ووقفت بجد اتبسطت اني اتعرفت عليك
وقف وابتسم هشوفك تاني
إن شاء الله مصر كلها اوضة وصالة
ضحك مع السلامة