مشكلة عضوة ( قصة حقيقية واقعية )

انا عمرى ٣٥سنه متجوزه بقالى ١١سنه جواز عن حب حب الطفوله والمراهقه والشباب والعمر كله الحمد لله كنا راضين بحياتنا مع انها كانت اقل من العاديه ربنا رزقنا بولدين وطول فترة جوازنا يشهد الله لاقصرت معاه ولا هو كل واحد فينا كان بيتفنن علشان يبسط التانى المهم الدنيا زنقت معانا والحياة بقت صعبه قرر يسافر مع انه كان رافض فكرة اننا نعيش كل واحد فى بلد لحد ما صاحبه اللى هيسفره قاله نظبطلك ورقك ونبعت نجيب المدام والأولاد مافيش مشكله إن شاء الله المهم قال تمام وربنا سهل وسافر طول ال٦شهور الاولى من السفر كان دايما على تواصل معانا كان بيخترع وقت وظروف علشان يكلمنى صوت وفيديو ورسائل طول اليوم لحد فجأة كل ده اتقطع اساله يقولى مضغوط مشغول ضريبة الغربه بقيت اعزره وادعيله لحد ما ذاد الامر عن حده بقا فى تجاهل واهمال اوفر حاولت اتكلم معاه معطنيش فرصه بقيت بشحت منه الحب والاهتمام وهو ولا فارقله حتى كلمة الحب اللى كنت ابعتهاله مكنش يرد عليها كان بس يبعت المصاريف وخلاص قضيت ٤شهور ربنا واحده اللى يعلم حالى فيهم كان عامل اذاى فجأة كان لازم ينزل مصر يعمل شوية ورق بخصوص شغله جيه واحد تانى خالص فتور فى المقابله والمعامله فانا جبت اخرى وقررت اعرف ماله فضلت وراه لحد ما عرفت انه اتعرف على واحده هناك وفضلو يتكلمو ٣شهور واتجوزها قبل ما ينزل بشهر قهرنى وكسر دهرى غدر بيا ومۏت فيا كل حاجه حلوه مصدقتش ان الغدر يجى منه حسيت نفسى فى حلم او اتمنيت انه يكون مجرد حلم وهيصحونى منه لكن للاسف صحيت عالواقع الاليم المهم واسفه عالاطاله بعد ما فوقت من الصدمه رضيت بقضاء الله وقدره وقررت انى هعيش بس للعيال لانى مش قابله ابدا اعيش فى مثلث الحب والجواز ده رفضت انى اشارك جوزى وهو رفض يطلق حد فينا قولت خلاص هعيش لعيالى وهو يعيش بالطريقه اللى يختارها لنفسه لكن والله الالم فوق احتمالى مش قادرة اتخطى ولا عارفه انسا واتاقلم مش عارفه افوق من اللى حصلى ولا عارفه اركز فى حياتى ولا مع عيالى ساعدونى لو حد ليه تجربه للتخطى يساعدنى اعمل ايه