مشكلة عضوة ( قصة حقيقية واقعية ) ج 4 جديد

السلام عليكم
انا متجوزة ليا سبع سنين ومعايا خمس اطفال ومتجوزة عن حب وجوزي بيغيب بال 5 شهور او ب 6 شهور وبيرجع يقعد معانا ١٠ ايام ويسافر تاني ومن سنتين اكتشفت أنه بيخوني والله اعلم كمان ليه قد ايه بيخون واتكلمت معاه كذا مرة وقالي مش هكررها تاني وللاسف لسه زي ما هو كل مبيرجع من السفر أفتش في تليفونه والاقي رسائل مش تمام علي الواتس بينه وبين البنت اللي بيكلمها وللاسف طلع مسجلها مكالمات ومكالمات زي اتنين متجوزيين استغفر الله وسمعتها طبعا وانهرت خالص ولما أقوله بتعمل ليه كده انا قصرت معاك في حاجه يقولي لا وبحاول أكلمه في التليفون كتير اوي علشان ميحسش أن العيال خدتني منه وبرضه مفيش فايدة أقوله خدلنا شقه قريبه من شغلك علشان نبقي معاك برضه رافض علشان يقدر يوفر قرش لأن أنا ساكنه مع والدته عندها ٩٠ سنه وطبعا مسئولية البيت من مصاريف وكشوفه واكل وشرب ووالدته والأطفال كل ده عليا انا لوحدي ومع ذلك جافي معايا سامحته اكتر من مرة علي خيانته بس للاسف مش راضي يبطل وبقي لما ييجي يقعد معانا ١٠ ايام بعد غياب ٦ شهور يفضل يكلم فيها قدامي ولا فارقة معاه نهار وليل يكلم فيها وللاسف هي كمان متجوزة ومعاها اطفال وعلي ذمة جوزها وهو اعترفلي لما واجهته انا تعبت فعلا ونفسي اتسدت منه لو أطلقت هظلم العيال ولو فضلت واستحملت هظلم نفسي لان مش شايفه اي ندم من ناحيته ومع اللي بيكلمها برغم انها متجوزة إلا أنه احلي كلام بيقولوا ليها ومعايا أنا قاسې جدا اسفه اني طولت عليكم بس بصراحه انا سړقت رقمها من تليفونه وهزقتها وهدىدتها وبرغم اني هدىدتها إلا أنه مفرقش معاها بس أنا اخدت التسجيلات من تليفونه وفعلا عايزة اد مر حياتها زي مدمرتني واعرف أهلها واحاول اوصل لرقم جوزها واقوله على كل حاجه واسمعه التسجيلات بتاعتها ولا كده ابقي فضحتها وڤضحت جوزي ابو عيالي تعبت واحترت فعلا قلبي مكسور مش عارفة ازاي هقدر ابص في وشه بعد اللي عمله معايا واكتر حاجه صعبانه عليا أن آخر مرة كان معانا ضرى بني كتير قوي من غير معمله حاجه بعد مضربني ببص في تليفونه لقيته لسه قافل معاها وجه بهدلني وكان بيمد أيده كتير عليا من غير سبب