مشكلة عضوة ( قصة حقيقية واقعية ) ج جديد

دلوقت يا بنات انا في اول جوازي جوزي قالي انا عايز اخلف خمس رجالة و لو بنت جت في النص متتحسبش و قلت له ان شاء الله .. كنت فاكراه بيهزر يعني
المهم المهم انا خلفت تلاته ولدين و بنت و الامور كانت كويسة معايا
جيت في الولادة الرابعه جبت بنت تانية و جالي وقتها تئئسمم حمل و دخلت الرعاية و انقذوا حياتي باعجوبة
ف جت مامتي قالت لي الحمد لله ربنا راضاكي بالبنت و الولد كفاية كده و جوزي بردو و انا في المستشفى قالي خلاص كفاية و مش هنجيب تاني
مفيش 6 شهور و قالي اوقف المانع عشان عايزين نخحلف و انا مبعرفش اغلبه في اي نقاش المهم سمعت كلامه و ححملت لخامس مرة و جبت ولد و تغبت بردو في الولادة و اتحجزت في المستشفى اسبوعين لانه جالي السكر الحمد لله على كل حال
جت ماما اتخانقت مع جوزي و حلفت عليا لو حملت تاني لا انا بنتئها و لا هتعرفني و ڠضبانة عليا
و خلاص اتفقنا الحمد لله على كده تلات ولاد و بنتين
دلوقت الواد لسا ما اتفطمش و لقيته بيقولي عايز ولدين كمان عشان عزوته تكمل و حلمه يتحقق .. ف لاول مرة اټخانق معاه و اقوله لا و خدت موقف
لقيته بيقولي قدامك اسبوع تفكري .. لو رفضتي متلوميش عليا لما اتجوز تاني !
انا مصډومة و فاتحة بوقي والله من الصدمة ! هو للدرجة دي صحتي عندك ملهاش تمن !
فات يومين من الاسبوع و مش بكلمه و مش عارفة اعمل ايه اجي على نفسي و اخسر ماما و صحتي. و لا اخرب بيتي