مراتي بتضيع مني

مشكلة_عضوه
انا بحب راجل متجوز ومحدش يغلط فيا لانه غصبن عنى هو كان زميلى فى الشغل حبينا بعض  وهو كان متجوز ومعاه ولدين المهم على حسب ما فهمت انه متجوز مراته دى عن حب وهى 

بټموت فى التراب اللى بيمشى عليه وبتغير عليه جدا لكنها كانت واثقة فيه وكانت مستبعدة انه يتجوز عليها دى اما قالها انه هيتجوز واحدة معاه فى الشغل وانه مش هيقصر معاها وكدة من الصدمة وهى بتكلمه  فقدت النطق 

وصوتها مابقاش طالع وداها لدكتور نفسى قال عندها أزمة نفسية أثرت على وظائف المخ الخاصة بالنطق حاجة زى كدة وهو جه قالى وقال انه حاسس بالذنب قولتله احنا مابنعملش حاجة حرام وربنا محلل ليك الجواز تانى وتالت ورابع وقعدت اقنع فيه لحد ما وافق نتجوز وتبقى حفلة عائلية عند اهلى 

تقوم اخته الله يهديها تروح تقول لمراته ان جوزها اتجوز النهاردة بعد ما كانت فاقدة النطق دخلت فى هيسترية صړيخ وبكا ولطم وتكسير فى الشقة  والناس فكروها اټجننت لحد ما فجأة بوقها اتعوج فلحقوها وطلبو الاسعاف و وطلع جالها جلطة أثرت على دراعها ورجلها اليمين وبقت قاعدة على كرسى ومن وقتها وهو معيشنى فنكد واتغير عليا بعد ما كان بيعشق تراب رجليا وانا لسه عروسة  وبقى يقولى كل ما اشوفك 

احس احساس وحش  وبحاول اهون عليه واقوله دا نصيبها وقدرها يقولى لاء احنا السبب واهله واهلها بيقولوله انت السبب  يجماعة احنا ماعملناش حاجة حرام انا مش فاهمة إحنا غلطنا فإيه؟ هو دا مش حلال ربنا؟
اتمني الرد والنصيحه