روايه رائعه كامله للكاتبة هند ايهاب مكتملة لجميع الاجزاء
المحتويات
الجزء الاول
ما براحه شويه عليه
نعم
هو أيه اللي نعم حضرتك واقف عمال تشخط فيه وعايز تضربه كمان
وأنت مالك أنت ده أبني
يعني إيه أبنك مين أدالك الحق أنك تمد أيدك عليه عشان أبنك
أما أنت واحده قليلة الأدب
قال الجمله وللحظه لقيته بيرفع أيديه علي لقيت واحد بيزقه وبيقول
أياك أياك تفكر بس تعملها وبعدين بدل ما تمد أيديك عليه صاحبه علمه الصح من الغلط عاتبه بحب مش تشخط فيه وتمد أيديك
يوم مهيكبر أول حاجه هيعملها أنه هيبعد عنك وساعتها هتندم وهتقول ياريت اللي جرا ما كان
هو أنتوا مالكوا!! لاء بجد مالكوا كل واحد حر في عياله دي حاجه غريبه أوي
شد أبنه جامد وأخده مشي أخده وهو عمال يشتم فيه ويزعق له
كنت للحظه رايحه أزعق تاني معاه بس لقيت الشخص اللي كان بيكلمه وقفني بأيديه
وقفت وقال
بس ده حرام ليه طفل زي ده يتعرض لكل ده ومن مين من اللي المفروض يكون قدوته في الدنيا وسنده
هز راسه بيأس وقال
للأسف في ناس عقولها متخلفه بس صدقيني هييجي اليوم اللي هيندم فيه هييجي اليوم اللي هيكبر ومش هيلاقي اللي بيناوله كوباية المايه هيلاقي أبنه هو أكتر شخص بيعاديه
ربنا يستر عليهوعلي كل اللي زيه
بص لي وخدت بعضي ومشيت كنت متأثره جدا بالموقف اللي حصل قدامي كنت أحيانا بشوف مواقف من دي علي التليفزيون بس دي لأول مره تحصل قدامي علي الحقيقه دموع طفل ميعديش ال٩ سنين ولا أنه بيستغيث بنظراته كنت شايفه في عيونه قد أيه عايز حد يحميه حد يقف جمبه حد يحسسه أنه في أمان
القطر وقف وروحت لمكان شغلي فضلت طول اليوم حاسه پخنقه بسبب موضوع الولد عدي اليوم ورجعت ركبت القطر نزلت عند مكان المشكله كان لسه القطر مجاش الجو كان سقعه بطريقه تهبل قعدت علي كرسي من كراسي الموقف كنت بفرك في أيدي من السقعه كنت بوبخني عن قلة سمعاني لكلام أهلي عن هدومي الخفيفه
مد لي أيديه بكوباية كابتشينو أترددت ثواني بس من كتر رعشتي خدتها
ابتسمت وقولت
شكرا
قعد وبدأ يشرب في كوباية القهوه اللي كانت في أيديه وقال
العفو
سكت ثواني وقال
بتعملي أيه هنا!!
هزيت راسي وقولت
هركب القطر عشان أرجع بيتي
هز راسه وقولت
وأنت!!
هرجع بيتي
خدت بق من الكوبايه وقولت
قد أيه أحساس وحش
متابعة القراءة
